Categories
ასპეტები ასტროლოგია მთვარის კვანძები პლანეტები

აღმავალი კვანძი სასწორი – დაღმავალი კვანძი ვერძი

მთვარის კვანძები მოძრაობენ ყველა პლანეტისგან საწინააღდეგო მიმართულებით, რაც იმაზე მიგვანიშნებს რომ ისინი ჩვენ გვაძლევენ შესაძლებლობას „შემოვაბრუნოთ“ კარმა, გადავიხადოთ ვალები, გამოვამჟღავნოთ საკუთარი არსი. კვანძები ასევე გვეხმარება გამოვიწვიოთ კოსმოგრამაში დისონანსი ანუ ის მომენტი, როცა ჩვენ უფრო გვიადვილდება ვომოძრაოთ პლანეტების საწინააღდეგოდ. საერთო ჯამში ისინი გვაჩვენებენ გზას, რომლისკენაც ჩვენ უნდა ვისწარფვოდეთ (აღმავალი კვანძი) და რომელშიც გამოცდილება გვაკლია, ასევ დაღმავალი კვანძის გზასაც გვიჩვენებნ, რომლშიც დიდი გამოცდილება გვაქვს. ჩვენ თავისუფლები ვართ არჩევანში: შეგვიძლია ვიაროთ როგორც დაღმავალი კვანძის გზით (რომელიც უფრსკულამდე მიგვიყვანს) და შეგვიძლია ავირჩიოთ უფრო რთული და ჩვენთვის გამოუცდელი აღმავალი კვანძის გზა (სულიერი ზრდა და კარმის გაწმენდა). არსებობს კიდევ „შუა“ გზა – როელსაც არასად არ მივყავართ, ვართ სიცარიელეში და უაზრო არსებობაში, რაც მომდევნო თქვენს კარმას ამ ცხოვრების კარმას დაუმატებს.
რისთვის ეძლევა ადამინს მთვარის კვანძები- დასასჯელად თუ გამოსაცდელად? როდის იბადებიან ადამინები ძლიერი მთვარის კვანძებით? ყველაზე ძლიერი კვანძი აქვს მზის ან მთვარის დაბნელების დროს დაბადებულ ადამიანებს (როცა მთვარე და მზე ერთმანეთს ხვდებიან (შეერთების ასპექტი) ან ერთმანეთის საწინაღდეგოდ დგანან (ოპოზიცია) – მაშინ ხდება დაბნელება). ასეთი ასტრონომიული ფაქტორის დროს ანუ დაბნელების დროს და ახლოს ყოველთვის ხდება ფატალური სიტუაციები. ეს ერთგვარი ასტროლოგიური აქსიომაა : დაბენელების პერიოდში ან მასთან ახლოს დაბადებული ადამიანები ფატალური ბედის მქონე ადამიანები არიან. და რაც უფრო ნაკლები მაძილია მნათობებს და კვანძებს შორის, მით უფრო ძლიერი მთვარის კვანძი და მით უფრო ბევრი პრობლემები აქვს ადამინს კარმის შესრულების გზაზე, მით უფრო გადატვირთულია მისი კარმული პროგრამა.

აღმავალი მთვარის კვანძი (რაჰუ) –სასწორში
დაღმავალი მთვარის კვანძი (კეტუ) – ვერძში

მთვარის კვანძების ეს მდებარეობა იმ ადამიანთა ნათლურ რუქაშია, რომლებიც დაიბადნენ:
12.09.1939-23.05.1942, 17.06.1958-15.12.1959, 08.01.1977-05.07.1978, 01.08.1995-24.01.1997


სასწორი – ეს ჰაერის სტიქიის ნიშანია, თანაც „ზრდასრული“ (რადგან ზოდიაქოს რკალის მე-3 კვადრატშია). მისი ეს მდგომარეობა და თვისებები თქვენ გაძლევთ კომუნიკაბელურობას და უშუალობას ურთიერთობებში.
დაღმავალი კვანძი ზოგადად მიგვითითებს იმ თვისებებზე, რაც თანდაყოლილი გვაქვს, რაც გვიადვილდება, ხოლო აღმავალი კვანძი პირიქით რაც ამ ეტაპზე უნდა ვისწავლოთ და შევითვისოთ.
წინა ცხოვრებაში თქვენ ვერძის პროგრამა გაქვთ დამუშავებული, რაც იმას ნიშნავს რომ ახლა გეკრძალებათ ვერძობა. ანუ არ უნდა იყოთ მოუთბენელი, უხეში, ზემეტად აქტიური, სნობი, არ არის საჭირო პირველობისთვის სწრფვა და ამის ფონზე სხვებზე „ჩლიქებით“ გადავლა. ამ ეტაპზე თქვენი მისიაა შეინარჩუნოთ და გამოიყენოთ ვერძის მხოლოდ დადებითი და ჰარმონიული თვისებები (სიმამაცე, დამოუკიდებლობა, მუდმივი მზადყოფნა დაეხმაროთ სხვებს), რომლებიც დაგეხმარებათ დაამუშავოთ სასწორის პროგრამა.

რას ნიშნავს სასწორის პროგრამის დამუშავება?
თქვენი ზოდიაქოს ნიშნის მიუხედავათ, თქვენ მოგიწევთ დაემსგავსოთ სასწორს. უნდა ისწრაფვოდეთ შინაგანი წონასწორობისკენ, სიმშვიდისკენ, სამრთლიანობისკენ, ჰარმონიისკენ ყველგან და ყველაფერში. უნდა შეეცადოთ არ იყოთ სულსწრაფი, არ გაასწროთ მოვლენებს. თვენთვის აუცილებელია გამოიმუშავოთ მოთბინების უნარი (რაც საკმაოდ ძნელი იქნება). უნდა იყოთ მუდამ კეთილგანწყობილი. თქვენი მთვარი ამოცანა ამ ცხოვრებაში არის გახდეთ ბრძენი, ყველაფერი აწონ-დაწონოთ და შედეგ მიიღოთ გადაწყვეტილებები.
ასევე მნიშვნელოვანია შეიცნოთ რა არის თავგანწირვა სხვა ადამინებისთვის. დაივიწყეთ ეგო, ის ხელს გიშლით კარმის დამუშავებაში. დაღმავალი ვერძში ეს არის თქვენი წინა ცხოვრების გამოცდილება, სადაც პირველობა გევალებოდათ, სადაც მთვარი იყო „მე“, ახლა ყველაფერი პირიქითაა. და თქვენში თუ მაინც ვერძი „იბრძვის პირველობისთვის“ ეს ძალიან მტკივნეულეად და უხეშად აისახება თქვენს ახლანდელ ცოხვრებაზე, როდესაც სასწორი ურთიერთთანამშრომლობას და სხვების აზრის გათვალისწინებას გთხოვთ. სწორედ ამიტომაა ეგოს მაქსიმალურად დაქვეითება საჭირო. შეეცადეთ პრობლემები რადიკალური ზომების მიღების გარეშე გადაჭრათ, რადგან სწორედ მოთბინებაშია თვენი ბედნიერება. საბოლოო ჯამში, მთვარია გააცნობიერთ, რომ ძლიერი იდივიდუალობის შეგრძნება, რომელიც წინა ცხოვრებიდან გაქვთ თანდაყოლილი პირადი ცხოვრების მოსაწყობად კი არა, სხვა ადამინებისთვის ჰარმონიული გარემო პირობების შექმნაში გამოიყენოთ. ხშირ შემთხვევაში ადამიანები, ასეთი კვანძების მდებარეობით სიჯიუტით და თვითენბობით გამოირჩევიან, სხვების აზრის გათვალისწინება მათტვის უცხოა და გონიათ, რომ ეს ხელს უშლით წინსვლაში.
სინამდვილეში, ნებსმიერი კარმული კვანძების მდებარება გავძლევს იმას, რომ დაღმავალი უფრო აქტიურად გამოვლინდება და ცდილობს ამ რეინკარნაციაშიც წინა ცხოვრების პრონციპებით იცხოვროს, საბოლოო ჯამში როცა გონია, რომ მიზნისკენ მიდის, ან მიზანს მიაღწია, სწორედ მაშინ ხვდება რომ აღარ ადგება ძველი ცხოვრების გამოცდილება და საჭიროა რაღაც ახალი მიდგომა. სასწორი-ვერძის შემთხევავშიც ასეა: როცა თქვენში ვერძის წინ გარბის, მიზნისკენ და ცდოლობს მარტომ და პირვლმა გადალახოს ბარიერები, მიზანთან მისვლისას აღმოაჩენს, რომ მაინც არ არის ბედნიერი და კმაყოფილი, რადგან სასწორი მისგან კომუნიკაციას და სხვა ადაინებთან ყველაფრის გაზიარებას ითხოვს.
მთვარის კვანძების ასეთი მდებარეობით ადამინანების უმრავლესობა ჯიუტი და ზედმეტად თავდაჯერებულია. ახლა მათ უწევთ ამ თვისებებზე უარის თქმა, რათა უფრო მეტი ურთიერთობები დაამყარონ და სხვისი აზრის გაითვალისწინონ. წინააღდეგ შემთხვევაში ბევრი მოვლენა მათ ცხოვრებაში ძალინ მტკივნეულ შედეგებს იძლევა – მაგალითად ის რაც ყველაზე ძალინა სურს ან ჭირდება, ყოველთვის სხვას ხვდება წილად, იმ მარტივი მიზეზის გამო, რომ თავის სურვილებში სხვებს არ ითვალისწინებს და ვერძულად იქცევა. ხშირად ასეთ შემთხვევებში ძალინ ეჭვიანები და მესაკუტრეები ხდებიან, ძალისხმევას არ იშურებენ სასურველის მისაღებად, მაგრამ შედეგი ისევ უარყოფითია და უარყოფითი იქნება მანა, სანამ არისწავლიან სხვა ადამინებთან თანაარსებობას.
ცნობილი ადამიანები: მოდილიანი (37), ივანე მრისხანე, ტოლსტოი (82).

ტრანზიტულად: 18.02.2014-დან 12.11.2015-მდე აღმავალი კვანძი იქნება სასწორში, ხოლო დაღმავალი ვერძში.
ეს ნიშნავს, რომ წინა პლანზე წამოიწევა სასწორის სფერობი და მათი ათვისება, მათში პრობლემების მოგვარება და ჰარმონიის დამყარება. ეს სფეროებია – პირადი და პარტნიორული ურთიერთობები, სასამრთლო სფერო და ყველაფრის კანონის ფარგლებში მოგვარება. ეს ყველაფერი კი აუცილებელია როგორც პირად, ისე სოციალურ და პოლიტიკურ ცხოვრებაშიც, რადგან წლის განმავლობაში კარდინალურ ჯვართან ( მარსი-ურანის ოპოზიცია და პლუტონი-იუპიტერის ოპოზიცია) კვანძების ასპექტები საკმაოდ ფატალურ შედეგებს გამოიღებს, თუ ყურადღება არ მიექცა სამრთლიანობის, ადამინაის უფლებების და უსაფრთხოების საკითხებს.

მომაზადა: Nina Runes
“ეზოთერული სახელოსნო”

Categories
ასტრო-გაკვეთილები ასტროლოგია პლანეტები

მთვარე ნიშნებში და ქვეცნობიერი შიშები

მთვარე ადამიანის ქვეცნობიერია და ყველა ნიშნანში ყოფნისას აყალიბებს არაცნობიერ შიშს. რომელ ნიშანშია თქვენი მთვარე?


  • მთვარე ვერძში – ეშინია დამარცხების
  • მთვარე კუროში – ეშინია, რომ მიწა გამოეცლება ფეხქვეშ
  • მთვარე ტყუპში – ეშინია ინფორმაციული ვაკუუმის.
  • მთვარე კირჩხიბში – ეშინია, რომ დარჩება დაუცველი .
  • მთვარე ლომში – ეშინია, რომ დარჩება დაუფასებელი.
  • მთვარე ქალწულში – ეშინია, რომ რამე დარჩება შეუმჩნეველი და ვერ გამოიყენებს სათავისოთ.
  • მთვარე სასწორში – ეშინია, რომ ურთიერთობები არ გამოუვა.
  • მთვარე მორიელი – ეშინია, რომ ემოციურად მშვიდი გახდება.
  • მთვარე მშვილდოსანში – ეშინია ავტორიტეტის დაკარგვის.
  • მთვარე თხის რქაში – ეშინია, რომ ვერ მიაღწევს მწვერვალამდე.
  • მთვარე მერწყულში – ეშინია თავისუფლების დაკარგვის.
  • მთვარე თევზებში – ეშინია, რომ სააშკარაოზე იქნება გამოყვანილი.

მომაზადა:Nina Runes
«ეზოთერული სახელოსნო»


Categories
ასტრო-გაკვეთილები ასტროლოგია პლანეტები

პლანეტარული სტატუსი და მართვის სისტემა

3.4 პალანეტარული სტატუსი

როგორც  ზემოთ ავღნიშნეთ, მიუხედავად იმისა, რომ პლანეტარული ფუნქციები არ იცვლება არასდროს, პლანეტარული თვისებები იცვლება გამომდინარე იქიდან პლანეტა რომელ ნიშანში ხვდება. ნიშანი თითქოს ღებავს პლანეტას თავის ფერში და აძლევს თავის თვისიბრივ მახასიათებლებს. მაგრამ პირობითად რომ ვთქვათ პლანეტას გააჩნია თავის საკუთარი „ფერი“. და როცა ის ხვდება სხვა „ფერის“ სივრცეში, ის იცვლის თავის „ფერსაც“. კომბინაციაში გამოდის ზოგი „ფერი“ ლამაზი და ჰარმონიული, ზოგი დისჰარმონიული. ეს რომ განვსაზღვროთ უნდა გავეცნოთ ისეთ მცნებას, როგორც არის პლანეტარული სტატუსი.

ზოდიაქოში ყველა პლანეტას გააჩნია ადგილი, სადაც ის აბსოლუტურ რეზონანსშია ნიშანთან, გრძნობს თავს როგორც საკუთარ სახლში, ის „სახლის პატრონია“, არაფერი არ უშლის ხელს რომ სუფთად  გამოავლონოს თავისი თვისება. ანალოგია რომ გავატაროთ, როცა ადამიანი მოდის საკუთარ სახლში, ის არ ფიქრობს იმაზე როგორ მოიქცეს, ის ბუნებრივად იქცევა, არ გრძნობს არც საშიშროებას,არც დისკომფორტს, ისეთია, როგორიც არის. მას შეუძლია სახლი გაყიდოს, ან გაარემონტოს, მოკლედ ის  სიტუაციის პატრონია.

ასევეა პლანეტა თავის მართვის ნიშანშიეს ძალიან ბუნებრივი და ადექვატური მდგომარეობაა. ადექვატურობა არ ნიშნავს კარგს ან/და ცუდს (ზოგადად ასტროლოგიაში პლანეტარულ მდგომარეობას არასოდეს არ ვაძლევთ ზნეობრივ დატვირთვას). ადექვატურობა ნიშნავს, რომ ნებისმიერ სიტუაციაში ეს პლანეტა კარგად ასრულებს თავის კონკრეტულ ფუნქციას, მისი თვისებები რეზონანსშია იმ სივრცის (ნიშნის) თვისებებთან, რომელშიც ეს პლანეტა არის და ეს ხელს უწყობს თავისი ”მიზანის მიღწევაში” –  მიზანი კი არის ის ფუნქცია, რომელსაც პლანეტა უნდა ასრულებდეს: მარსი უნდა მოქმედებდეს, იუპიტერი- აფართოვებდეს, სატურნი -სტრუქტურირებდეს და ა.შ.   

მაგალითისთვის ავიღოთ მარსი ვერძში. ხშირად მომისმენია, რომ მარსი ვერძში მოჩხუბარია. მაგრამ მარსი თავის მართვის ნიშანშია და ადექვატურია- თუ საჭიროა ბრძოლა და ჩხუბი- იჩხუბებს, თუ საჭირო არ არის- ტყუილად არ დახარჯავს ენერგიას. ანუ თავის ფუნქციას- ქმედების, ბრძოლის, კონკურენციის- ის ასრულებს უმაღლეს დონეზე.

მთავარი, რაც უნდა დავიმახსოვროთარის ის რომ პლანეტა მართვის ნიშანში გამოვლინდება სრულად, ადექვატურად, სტაბილურად, ენერგეტიკული ჩავარდნების გარეშე, „დაღლილობის გარეშე. მას არ ესაჭიროება განსაკუთრებული პირობები, ის ყველა სიტუაციაში შეასრულებს თავის ფუნქციებს.

არსებობს პლანეტის ისეთი მდგომარეობა, როდესაც ის ცუდად გრძნობს თავს. ეს არის მართვის ნიშნის ოპოზიციური ნიშანი. ამ მდგომარეობას ეწოდება პლანეტის განდევნა. ისევ ანალოგია რომ გავატაროთ ოჯახთან და საკუთარ სახლთან – ოჯახის წევრი, რომელიც გააგდეს სახლიდან და წაართვეს ყველა უფლება. შესაბამისად, ის აღარ არის თავისუფალი თავის გარეგნულ გამოვლინებაში, ის უფრო იძულებით სიტუაციებში ვარდება, მაგრამ, შესაძლოა, რომ მას ჰქონდეს მეტი შინაგანი დაძაბულობა, მოთხოვნა, რომ დაუმტკიცოს  ოჯახს არ იყო გასაგდები, რომ მას შეუძლია გახდეს ღირსი თავისი ოჯახის. 

ასევეა განდევნილი პლანეტა – დასუსტებულია ფიზიკურ პლანზე. არაადექვატურია. მისი არაადექვატურობა გამოიხატება იმაში, რომ ენერგეტიკული ჩავარდნები აქვს – ხან იქცევა ჰიპერაქტიურად, ხან სართოდ არ გააჩნია ენერგია თავისი პირდაპირი ფუნქციების შესასრულებლად.

მაგრამ,  ამ არაადექვატურ მდგომარეობში, ადამიანი გრძნობს, რომ რაღაც ისე არ გამოსდის, როგორც სხვას, და შესაძლოა, რომ ზუსტად ეს განდევნილი პლანეტა გახდეს ადამიანისთვის შინაგანი მამოძრავებელი ძალა,ზრდის მოტივი. რა თქმა უნდა დაბადებიდან ადამიანს ამ პლანეტის ენერგია არ მიეცემა სრულად. მართვის ადგილას პლანეტას არ ჭირდება ძალდატანება მის გამოსავლენად, სწავლა, დაძაბულობა. განდევნილ პლანეტამ კი აუცილებლად უნდა ისწავლოს და იმუშაოს საკუთარ თავზე, იპოვოს ის სივრცე, სადაც ადექვატურად გამოვლინდება.  თავიდან გაუჭირდება, მაგრამ როცა ისწავლის ადამიანი ამ პლანეტის ენერგიის მართვას, შეიძლება გახდეს ჰიპერკონპენსაციის და ზრდის წერტილი. მაგალითისთვის ავიღოთ მარსი სასწორში –  ფიზიკური ძალა არ გააჩნია, კონკურენტუნარიანობა, ნება ქმედების, დამოუკიდებლობა. არაადექვატურობა გამოიხატება იმაში, რომ ზოგჯერ საერთოდ არ არის ქმედითუნარიანი, ზოგჯერ კი ხდება უმიზეზოდ აგრესიული და უაზროდ ხარჯავს ენერგიას. მაგრამ, არსებობს სივრცე, სადაც ეს პლანეტა აბსოლუტურად ფლობს სიტუაციას ანუ სასწორის სივრცე – დავუშვათ, დიპლომატიურ მოლაპარაკებზე,  ის ხდება მომთხოვნი, კონკურენტუნარიანი, ადექვატურად მიმწოლი. ან როცა ადამიანი კოლექტივში სამართლიანობას იცავს. კი, კუნთების ენერგია შეიძლება არ აქვს, მაგრამ დიპლომატიური შეხვედრა სულაც არ არის ის ადგილი, სადაც საჭიროა კუნთების ენერგია.

გამოდის, რომ რა სტატუსშიც არ უნდა იყოს პლანეტა, ყოველთვის არსებობს სივრცე, სადაც ის შეიძლება იყოს აბსოლუტურად ქმედითუნარიანი.

მთავარი, რაც უნდა დავიმახსოვროთ, არის ის რომ პლანეტა განდევნის ნიშნაში –  არ არის სტაბილური, გააჩნია ენერგეტიკული ჩავარდნები, უჭირს ადექვატური გამოვლინება, მას ესაჭიროება განსაკუთვრებული პირობები სწორი გამოვლინებისთვის. მაგრამ ყოველთვის მოიძებნება სივრცე, სადაც განდევნილი პლანეტა გამოვლინდება ადექვატურად.

შემდეგი ძლიერი მდგომარეობა პლანეტის არის ეგზალტაციაამაღლება ან გიფსომა. სახლის პატრონის მაგალითს რომ დავუბრუნდეთ- თუ მართვის პლანეტა 

იყო სახლის პატრონი, ეგზალტურებული პლანეტა არის უახლოესი მეგობარი, რომელსაც ამ სახლში ოჯახის წევრის უფლებები აქვს. მას მართალია არ შეუძლია პატრონის გარეშე სახლი გაყიდოს, ან გაარემონტოს, მაგრამ შეუძლია მოვიდეს ნებისმიერ დროს, დაისვენოს, ჭამოს, სახლის წარმართვაში დაეხმაროს პატრონს და ამასთან უფრო პატივში იყოს, როგორც სტუმარი.

ეგზალტაციის ნიშანს სრული რეზონანსი არ გააჩნია პლანეტასთან, ის ზოგ პლანეტარულ თვისებას ასუსტებს, მაგრამ ზოგს პირიქით.  მაგრამ ძირითადად პლანეტის თვისებები გამოვლინდება ადექვატურად.

ეგზალტაციის შესახებ ასტროლოგებს არ გააჩნიათ ერთი საერთო აზრი. 

მთავარი, რაც უნდა დავიმახსოვროთ არის ის , რომ პლანეტა ეგზალტაციის ნიშანში – ეს არის პლანეტის გაძლიერება, როცა მისი აქტიურობა მკვეთრად იზრდება, გამოვლინება ადექვატურია, მაგრამ სრულყოფილ გამოვლინებას პლანეტა აღწევს მხოლოდ მართვის ნიშანში.

მაგალითად, მზე ეგზალტირებს ვერძში. მას გააჩნია ძალიან დიდი სასიცოცხლო ენერგია, მაგრამ არ გააჩნია შინაგანი მდგრადობა, როგორიც აქვს მზეს ლომში. მზე ენერგიის მუდმივი წყაროა, ცენტრია, ოქროს შუალედი, წონასწორობა, რომელიც ვერძს არ გააჩნია.

მთვარე ეგზალტირებს კუროში. გამოირჩევა თავის ნაყოფიერებით, ზრუნვით, კომფორტის შეგრძნებით, მაგრამ გარეგნული სირბილის მიუხეავად არ ყოფნის შინაგანი პლასტიურობა, დამყოლობა, რეაგენტულობა.

დანარჩენ პლანეტებს განვიხილავთ მოგვიანებით.

პლანეტის მდგომარეობას ეგზალტაციის ოპოზიციურ ნიშანში უწოდებენ ვარდნას. ეს მდგომარეობა შეიძლება შევადაროთ ”პერიოდულ ორმოს”, რომელშიც პლანეტა ვარდება. ნიშანი თავისი თვისებებით არ შეესაბამება პლანეტის თვისებებს და უშლის ხელს გამოვლინებაში. და აქ საინტერესოა შევადაროთ ეგზალტაციას, სადაც პლანეტა  დისკრეტულად მაღლდება თავის რომელიმე თვისებაში. ვარდნაში პლანეტა ასევე დისკრეტულად ვარდება „ორმოში“ და მისი გამოვლინება არაადექვატურია. არსებობს ადამიანის ფსიქიკაში რაღაც მომენტი, რომლის გადალახვა ადამიანს უჭირს. წარმოიდგინეთ, რომ ერთი და იგივე ადგილას ერთხელ წამოსდეთ ფეხი რაღაცას და დაეცით, მეორედ, მესამედ. როგორ მოიქცევა მართვის და ეგზალტირებული პლანეტა? გაწევს ან გვერდს აუვლის იმ ნივთს, რომელიც ხელს უშლის. განდევნილი – გაღიზიანდება. ყველა სხვა და სხვანაირად გამოხატავს: ვიღაცა შეიგინება, ვიღაცა შეიძლება აგრესიული გახდეს იმ მომენტში რომ მიმართო ან ძალიან არაადექვატურად გიპასუხოს. სინამდვილეში კი რა მოხდა? უბრალოდ დავეცი? ვისი ბრალია რომ დავეცი? რატომ ვხდები გაღიზიანებული და აგრესიული გარემოს მიმართ? ეს არის ადამიანის „აქილევსის ქუსლი“.  და ვინაიდან ის დისკრეტულად მუშაობს, ადამიანს უჭირს მისი მართვა. რა თქმა უნდა ბევრჯერ რომ დაეცემა, საბოლოო ჯამში ისწავლის.

ისევე, როგორც განდევნის შემთხვევაში არსებობს სივრცე, სადაც პლანეტა საკმაოს კარგად შეასრულებს თავის ფუნქციას. მაგალითად, მთვარე მორიელში – მოვლა, ნაყოფიერება, ემოციების გამოხატვა  ჩვეულებრივად უჭირს – ის ან არ გამოხატავს ემოციებს, ან გამოხატავს ძალიან მგზენბარედ. მაგრამ, როგორც კი მთვარე მორიელში ხვდება ექსტრემალურ სიტუაციაში, ის ხდება აბსოლუტურად ადაპტირებული და ადექვატური. 

რაც შეეხება დანარჩენ სტასუსებს- „ნათესაობა“, „მტრობა“- აქ ზოდიაქოს ნიშანი საშუალო დონეზე ან უწყობს, ან უშლის ხელს ნიშნის თვისებებს. „ნეიტრალურ“ მდგომარეობაში არის მხოლოდ მნათობები.

3.5. როგორ ჩამოყალიბდა მართვის სისტემა

საინტერესოა როგორ ჩამოყალიბდა მართვის სტრუქტურა ზოდიაქოში. ძველი ასტროლოგებისთვის ცნობილი იყო მხოლოდ 7 პლანეტა.

კლავდიუს პტოლემეოს „ტეტრაბიბლოსში“ კარგად ხსნის მმართველობის სისტემას. მომყავს პირდაპირ კლავდიუს პტოლემეოსის ტექსტი. შესაძლებელია თანამედროვე მკითხველისთვის ცოტა ძნელი აღსაქმელი იყოს, მაგრამ შინაარსი სავსებით გასაგებია.

(ტეტრაბიბლოსი, თავი17)

„პლანეტები ასევე დაკავშირებულები არიან ზოდიაქოს ნიშნებთან ეგრეთ წოდებული მართვით, ტრიგონებით, ეგზალტაციით, ტერმებით და ა.შ.

მართვის სისტემას გააჩნია შემდეგი ხასიათი. ვინაიდან 12 ნიშნიდან ყველაზე ჩდილოეთით, ანუ ყველაზე ახლოს ჩვენს ზენიტთან მდებარეობენ კირჩხიბი და ლომი, და ეს ნიშნები ყველაზე მეტად ქმნიან სიმხურვალეს და სითბოს – ითვლებიან ყველაზე დიდი და გავლენიანი ციური მნათობების სახლებად: ლომს, მამაკაცურს თავისი ბუნებით, მიაკუთვნებენ მზეს, და კირჩხიბს, ქალურს თავისი ბუნებით, მიაკუთვნებენ მთვარეს. (ზოგადად ძველი ასტროლოგებისთვის ყველაზე მნიშვნელოვანი იყო მზე და მთვარე, და ნებისმიერ ანალიზში ყოველთვის ორიენტაციას იღებდნენ მნათობებზე (ავტ.)). შესაბამისად ითვლება, რომ  ნახევარი წრე ლომსა და თხის რქას შორის არის მზის, და მერწყულსა და კირჩხიბს შორის- მთვარის; მაშასადამე, ყოველ ნახევარწრეში ერთი ნიშანი შეიძლება მივაკუთვნოთ ერთერთს ხუთი პლანეტიდან ისეთნაირად, რომ ერთ შემთხვევაში ასახოს კავშირი მზესთან, მეორეში- მთვარესთან, მათი მოძრაობის სფეროების შესაბამისად (ისინი განლაგებულნი არიან ცენტრიდან, დედამიწიდან დაშორების რიგითობით (ავტ.)) და მათი ბუნებიდან გამომდინარე.

რადგან სატურნის ხასიათში ჭარბობს სითბოს საწინააღმდეგო სიცივე, და ის მოძრაობს ყველაზე მაღალ და მნათობებისგან დაშორებულ ორბიტაზე, მას მიაკუთვნებენ ნიშნებს, რომლების მდებარეობენ კირჩხიბისა და ლომის მოპირდაპირე მხარეს, კერძოდ, თხისრქას და მერწყულის. ამის მიზეზი არის კიდევ ის, რომ ეს ზამთრის ცივი ნიშნებია, და მათი დიამეტრალური (180 გრ. (ავტ)) ასპექტი არ შეესაბამება კეთილისმყოფელ გავლენას.

იუპიტერს, თავისი ზომიერი ბუნებით და სატურნის ქვემოთ მდგომარეობით (იუპიტერის ორბიტა უფრო ახლოს არის დედამიწასთან (ავტ.)), მიაკუთვნებენ შემდეგ ორ ნიშანს, ქარიანს და ნაყოფიერს, მშვილდოსანს და თევზებს, რომლებიც ქმნიან ტრინს (მშვილდოსანი ლომიდან, თევზები კირჩხიბიდან დაშორებულია 120 გრ-ით (ავტ.)), ჰარმონიულ და კეთილგავლენიან კონფიგურაციას მნათობებთან.

შემდეგ მშრალ მარს, რომლის სფერო (ორბიტა (ავტ.)) მდებარეობს იუპიტერის ქვემოთ, მიაკუთვნებენ ასევე შემდეგ ორ ნიშანს, მორიელს და ვერძს, რომლებსაც მარსის მსგავსი ბუნება აქვთ, და  თავისი დამანგრეველი და არაჰარმონიული ბუნების შესაბამისად, შეადგენს კვადრატს მნათობებთან (ვერძი კვადრატშია მთვარის ნიშანთან, კირჩხიბთან, მორიელი- მზის ნიშანთან, ლომთან. მაგრამ ასევე ქმნიან ტრინს- ვერძი ლომთან, მორიელი კირჩხიბთან).

ზომიერი ვენერა, რომელიც მდებარეობს მარსის შემდეგ, კავშირდება ორ შემდეგ ძალიან ნაყოფიერ ნიშანთან, სასწორთან და კუროსთან, და ჰარმონიულ სექსტილს (60გრ.) ქმნის მნათობებთან; კიდევ ერთი მიზეზი იმაში, რომ ვენერა არასოდეს მიდის მზისგან ორივე მიმართულებით ორ ნიშანზე დიდი მანძილით.

და ბოლოს მერკურის, რომელიც არასოდეს არ მიდის მზისგან ერთ ნიშანზე დიდი მანძილით ორივე მიმართულებით და მოძრაობს ყველაზე დაბლა, ახლოს მნათობებთან, აკავშირებენ ორ დარჩენილ ნიშანთან, ტყუპებთან და ქალწულთან, რომლებიც მნათობების ნიშნების მეზობლად მდებარეობენ“

 ჩვენ მივიღეთ ასეთი სქემა:

 ზოდიაქო გაიყო ორ, დღის (მზის) და ღამის (მთვარის), ნახევარსფეროდ ვერტიკალური ღერძით. დღის ნახევარსფერო დაკავშირებულია უფრო მართვად და ცნობიერ პროცესებთან, ღამის- უფრო სტიქიურ, გაუცნობიერებელ პროცესებთან. როგორც ხედავთ ამ სისტემაში არსებობს მკაცრი მიბმა ფიზიკურ სამყაროსთან, კერძოდ პლანეტების ხილვადობასთან დედამიწიდან. საერთოდ ძალიან ლამაზი სქემაა.

ყველაფერი კარგად იყო მანამ, სანამ არ აღმოაჩინეს ურანი, ნეპტუნი და პლუტონი. დადგა საკითხი რომელი ნიშნების მმართველობა მიანიჭონ ამ პლანეტებს. და ლოგიკურიც იყო, რომ ურანს მიანიჭეს მერწყულის მმართველობა, ნეპტუნს თევზების (მათი ბუნებიდან გამომდინარე და დედამიწიდან დაშორების პრინციპით. ის მართველები, რომელიც ჰყავდა მერწყულს და თევზებს (სატურნი და იუპიტერი) დარჩა მეორე მმართველებად, და ურანიმა და ნეპტუნმა მიიღო ამ ნიშნების პირველი მმართველობა. მიაქციეთ ყურადღება იმას (ეს ძალიან მნიშვნელოვანია), რომ უმაღლესი პლანეტები- გაუცნობიერებელის პლანეტებია, ის რაც დამალულია სამშვინველის (მთვარის) სიღრმეებში. და ეს ორი გაუცნობიერებელი პლანეტა ბუნებრივად ხვდება მთვარის (სამშვინველის, გაუცნობიერებელის) მხარეს.

პრობლემები გაჩნდა, როცა აღმოაჩინეს პლუტონი. დაკვირვებით და პლუტონის ხასიათით მას მიაკუთვნეს მორიელის პირველი მმართველობა. და ეგრევე ეს ულამაზესი სქემა დაინგრა. ისმის კითხვა –  როგორ მოხვდა „გაუცნობიერებელი“ პლუტონი მზის, ცნობიერ მხარეზე პირველ მმართველად?  ხომ არ იქნება უფრო ლოგიკური პლუტონს მივანიჭოთ ვერძის პირველი მმართველობა? ეს იდეა ძნელად აღიქმება, მაგრამ სერიოზული საფუძველი გააჩნია. ნუთუ პირდაპირი და ცეცხლოვანი მარსი ასეთ მჭიდრო კავშირშია მორიელთან? ( თუმცა ასეთი ეჭვი ძველ ასტროლოგებს არ უჩნდებოდა).

ჩავატაროთ პატარა მსჯელობა. მკითხველს ვუტოვებ იმის თავისუფლებას, თავად  გადაწყვიტოს  პლუტონის პირველი მმართველობის თემა ( თუმცა მარსი მაინც რჩება ვერძის მართველად  და დიდად არაფერი იცვლება. მაგრამ ჩემის აზრით ეს საკითხი პრინციპულია, ვინაიდან მორიელის მმართველობის შემთხვევაში მთელი ჰარმონია ინგრევა).

პტოლემეოსის გამოთქმით, მარსი არის მშრალი, მორიელი კი წყლის ნიშანია. მაგრამ იგივე „ტეტრაბიბლოსში“ მე-18 თავში პტოლემეოსი მსჯელობს ტრიგონების (სტიქიების) მართველობაზე და წერს შემდეგს:

„ურთიერთობა, რომელიც ხასიათდება ტრიგონით, აღიწერება შემდეგნაირად. როგორც სამკუთხა, ტოლგვერდა ფიგურა, რომელიც ყველაზე მეტ ჰარმონიას მოიცავს საკუთარ თავში, ზოდიაქო გარშემორტყმულია სამი წრით: ციური ეკვატორით და ორი ტროპიკით, და მისი თორმეტი ნაწილი შეიძლება წარმოდგენილი იყოს როგორც ოთხი ტოლგვერდა სამკუთხედი…” შემდეგ პტოლემეოსი წერს, რომ ყველა ტრიგონს გააჩნია ორი მთავარი მმართველი- დღის  და ღამის. და არჩევს რომელი პლანეტები არიან ამ ტრიგონების მართველები. ცეცხლის ტრიგონი- ვერძის, ლომის და მშვილდოსნის (კაცური სტიქია) მმართველობა ეკუთვნის  მზე და იუპიტერს, (და არა მარს, ვინაიდან მარსი არ შედის მზის ჯგუფის პლანეტებში და მიეკუთვნება მთვარის ჯგუფის პლანეტებს (პტოლემეოსი)). მზე  მართავს ცეცხლის ტრიგონს დღისით და იუპიტერი ღამით. მიწის ტრიგონს, რომელშიც შედის კურო, ქალწული და თხისრქა (ქალური სტიქია) უტოვებს ღამით მთვარეს და დღისით- ვენერას, მესამე ტრიგონს- ტყუპები, სასწორი, მერწყული (კაცური სტიქია)- უტოვებს დღისით სატურნს და ღამით- მერკურის და ბოლოს, წყლის ტრიგონის- კირჩხიბი, მორიელი, თევზები- მთავარ მმართველად დღისით და ღამით ასახელებს მარს, და მთვარეს და ვენერას უწოდებს მხოლოდ ღამის და დღის თანამართველებს.

ესეიგი, რომ დავაჯამოთ რას ამბობს პტოლემეოსი მარსზე:

ა) ის არ მიეკუთვნება მზის ჯგუფს;

ბ) მიეკუთვნება დასავლეთ, ნოტიო, წყლის ქარს (ქარები-ეს ძველის ძველი და დღეს დაკარგული დახასიათებაა პლანეტების);

გ) მარსი არის ერთადერთი მართველი წყლის ტრიგონის, და ვენერა და მთვარე მხოლოდ თანამართველები არიან.

საუბედუროდ ეს ძველი დახასიათებები პლანეტების დავიწყებულია, არა და ზუსტად ძველ ტრაქტატებში დევს ბევრი გასაღები. გამოდის, რომ ძველი ასტროლოგიის თვალსაზრისით მარსი, პირველ რიგში მორიელის მართველია და მერე უკვე ვერძის.

ეხლა ვნახოთ რას წერენ სხვა ძველი ასტროლოგები მარსზე. მივმართოდ აბრახამ ბენ ეზრის (XI-XIIს) „ვარსკვლავებზე მსჯელობის წიგნი“. პირველივე სიტყვებიდან ასტროლოგი წერს: „მარსი- ქალური, ცხელი და მშრალი პლანეტაა“, შემდეგ აგრძელებს: „ადამიანურ გამოვლინებაში მარსი ნიშნავს აჩქარებას, ძალას, ბრძოლას, კამათს, ქურდობას, წყენას, დანგრევას, დამცირებას, სიცრუეს, ბრალდებას, გარყვნილობას, ურცხვობას, ცრუ ფიცს და იმ ადამიანებს, რომლებიც არ იცავენ არც წესებს, არც კანონებს; შეუბრალებელ საქციელს, საშიშროებას, ხალხის ტანჯვას, ტყვეობას, შენობების ალყას, ძირის გამოთხრას ქურდობის მიზნით, ნებისმიერი საიდუმლოს გახსნას“.

რამდენად სიცრუე, გარყვნილობა, ცრუ ფიცი, ქურდობა,  ძირის გამოთხრა ქურდობის მიზნით, ნებისმიერი საიდუმლოს გახსნა შეესაბამებას მარს, როგორც „მიამიტი“, „დარდიმანდი“ და პირდაპირი ვერძის მართველს? განსაკუთვრებით, როცა საუბარია ნებისმიერი საიდუმლოს გახსნაზე და ქურდობაზე (არა ღია ყაჩაღობაზე, არამედ „ჩუმად“ ძარცვაზე)? იქნებ არ არის ვერძი ასეთი „მიამიტი“ და „დარდიმანდი“, როგორც ჩანს?

ჩვენ არ შეგვიძლია არ მივაქციოთ ყურადღება პტოლემეოსს, რომელიც ფაქტიურად ასტროლოგის „ჰატია“ და ასევე სხვა ძველ ასტროლოგებს. და არ გავითვალისწინოთ 2000 წელი რას ამბობდა ასტროლოგია მარსზე. 
იქნებ ჩვენი აღქმა ამ პლანეტის და ვერძის ცოტა არასწორია.  

ეხლა  პლუტონი. პლუტონი არის მარსის უმაღლესი ოქტავა. და ის სიმბოლოზირებს ჭეშმარიტ ნებას, მაგრამ არა ინდივიდუალურობის ფარგლებში.

მოდით ვნახოთ რა პროცესი ხდება ვერძში. არა ის, როგორ გამოხატავს ვერძი თავის ქმედებას (ეს მარსია), არამედ ის, რა პროგრამას ასრულებს – „ მე ვარ“, „მე ვარ ყველა საწყისის საწყისი“. მართლაც, ვერძში ბუნება იღვიძებს. და ეს პროცესი არ არის დაკავშირებული არაფერთან, მხოლოდ ბუნების „ნებასთან“. სტერილურ ნიადაგში ჩნდება ჯერ კიდე უხილავი უზარმაზარი მუხტი, რომელიც შემდგომში მოიტანს ბუნების სრულ ტრანსფორმაციას. ეს ტრანფორმაცია უკვე დაწყებულია (უბრალოდ ჩვენ ვერ ვხედავთ, მხოლოდ ვგრძნობთ).ბიოლოგიაში არის ასეთი ცნება, როგორც ტურგორი. ეს არის წნევა, რომელიც ჩნდება მცენარის და სოკოს უჯრედის შიგნით, როცა მცენარე იწყებს გაღვივებას. როგოც წესი ეს წნევა აღწევს 5-10 ატმოსფეროს, და ზოგი სოკოს შემთხვევაში- 50-100 ატმოსფროს. ალბათ ყველას უნახია ასფალტში გაზრდილი მცენარე. ხომ არ გეჩვენებათ, რომ მარსისთვის ეს ძალიან დიდი ენერგიაა? ჩვენ შეჩვეულები ვართ, რომ ტრანფორმაციის პროცესი ხდება მხოლოდ მორიელში. ნამდვილად, მორიელი- კარიბჭეა, რომელიც გიშვებს ან არ გიშვებს ზემოთ. მაგრამ, როცა „ცარიელ“, „მკვდარ“ მიწაში უცებ ჩნდება ამხელა მუხტი, რომელიც შემდგომში ყველაფერს ცვლის- ეს ხომ უფრო დიდი ტრანსფორმაციაა. პლუტონს- როგორც ნების პლანეტას პირდაპირ შეესაბამება ის სიტყვები, რომელიც ვთქვით ვერძზე- „მე ვარ“, „მე ვარ ალფა და ომეგა“ და ეს უფრო ცეცხლის ხასიათია. საზღვარს თევზებსა და ვერძს შორის ძველი ტრადიციით უწოდებდნენ „აღორძინებას“. და ბევრი ცივილიზაცია წლის დასაწყისს უკავშირებდა გაზაფხული მოსვლას (ჩრდილოეთ ნახევარსფეროში-21 მარტი). გაიხსენეთ პლუტონის ფუნქციები- ის სტერილურ ნიადაგზე თესავს ახალ თესლს. როგორ შეიძლება ასეთი მნიშვნელოვანი, ძლიერი წერტილი პირველ რიგში დაუკავშიროთ პირად პლანეტას?

და კიდევ ერთი, სასარგებლო იქნება პარალელის გავლება ტაროსთან. მივმართოს „თოტის წინგს“, რომელიც არის ჩვენი დროის ყველაზე სრული და შინაარსობრივი არქეტიპების ენციკლოპედია. ამ ნაწარმოებში იმპერატორის არკანს შეესაბამება ვერძი. იმპერატორი, რომელიც ასრულებს ღვთის ნებას დედამიწაზე, მმართველია და უზარმაზარი პასუხისმგებლობის მატარებელია, არანაირად არ შეესაბამება პირდაპირი და ინდივიდუალისტი მარსის ბუნებას. მას უფრო შეესაბამება პლუტონის ბუნება.

ჯამში, მკითხველმა თვითონ განსაზღვროს აქ მოყვანილი არგუმენტები. პლუტონი და მარსი რჩება ორივე ნიშნის მართველად, მაგრამ პლუტონი ვერძის შემთხვევაში არ ირღვევა ამ ულამაზესი სისტემის ჰარმონია. მე ვეყრდნობი იმ აზრს, რომ პლუტონი არის ვერძის პირველი მმართველი.

ავტორი: ლია ბარათაშვილი
(ნაწყვეტი გამოსაცემი წიგნიდან
“პლანეტები ნიშნებში”)

Categories
ასტროლოგია მთვარის კვანძები პლანეტები

დირექტიული მთვარის კვანძები

 როგორც ყველა თემაში, ასტროლოგიაშიც არის ”შავი ყუთები”  ანუ თემები, რომლებიც აქსიომად მიღებულია და არ ვიცით მათი მუშაობის პრინციპები, უბრალოდ ვიცით რომ  კონკრეტულად ესა თუ ის შედეგი აქვს. 

რეტროგრადული და დირექტიური მთვარის კვანძების შემთხვევაში შავი ყუთი კიდევ უფრო ბუნდოვანი ხდება, რადგან არსებობს თითქმის იმდენი მოსაზრება რადენი ასტროლოგიური სკოლა და მიმდინარეობაც არის.

მოდი შევეცადოთ მივყვეთ ლოგიკურად და ისე დავალაგოთ, რომ აღქმა გაგვიადვილდეს, მით უფრო ასტროლოგია გვაძლევს ლოგიკური მსჯელობის საშუალებას (ზოგისთვის რაოდენ გასაკვირიც არ უნდა იყოს).

რამდენიმე მოცემულეობა რაც დაგვჭირდება:

  • კვანძები და პლანეტები – ნათალურ და კარმულ ასტროლოგიაში სხვადასხვა ჭრილში განიხილება, ანუ მედალს რომ 2 მხარე აქვს ის ამბავია.
  • რეტროგრადული პლანეტები მიანიშნებენ ”გადმოყოლილ” დაუმუშავებლ თემებს, რომელთა დამუშავებაც კრიტიკულად აუცილებელია ამ ეტაპზე.
  • რადგან კვანძების ბუნებრივი მოძრაობა რეტროგრადულია მაშინ დირექტულობა ( სწორადმავალობა) მათთში გამოიწვევს არაბუნებრივ თვისებებს.

აქვე გავიხსენოთ რა არის მთვარის აღმავალი და დაღმავალი კვანძი, მოვიყვან ნაწყვეტს წიგნიდან:


აღმავალიმთვარისკვანძი (რაჰუ)  დაღმავალიმთვარისკვანძი (კეტუ)

გრაფიკული აღნიშვნა-აღმავალი კვანძი, გზის, აღმართის სიმბოლო. დაღმავალი-ჭურჭელი, თასი.

ასტრონომიულად აღმავალი კვანძი მიუთითებს აღმასვლას, აღმართს. ხოლო დაღმავალი- დაღმასვლას, დაღმართს. კარმა, ბედის ბუღალტრული ბალანსები, ცოცხალი და მკვდარი წყალი, წარსული და მომავალი.

სიმბოლოს ძირითადი მნიშვნელობები: კარმა, წარსული და მომავალი, ცხოვრებისეული ამოცანები.


  
მთვარის კვანძები  ესაა მთვარის ორბიტის გადაკვეთის წერტილი ეკლიპტიკის სიბრტყესთან, რომელიც დაკავშირებულია მთვარისა და მზის დაბნელებებთან.  მარტივად რომ ავხსნათ, ესაა  მთვარის ორბიტის და მზის ორბიტის გადაკვეთა  ეკლიტიკაზე (იხ. ილუსტრაცია).

ზოდიაქოს მთლიანი წრის გავლის პერიოდია 18,6 წელი.კვანძები ყოველთვის იმყოფებიან ერთმანეთის საპირისპიროდ 180 გრადუსის დაშორებით და მუდამ წყვილში განიხილებიან.ეს ერთადერთი ობიექტია ასტროლოგიაში (ჩვენს მიერ  განხილულიდან), რომელიც  მზის, მთვარისა და სხვა პლანეტების საწინააღმდეგოდ მოძრაობს, გრადუსების კლების მიხედვით.

მთვარის კვანძების წერტილები არ წარმოადგენენ მატერიალურ  ობიექტებს. ეს  სივრცის განსაკუთრებული წერტილებია,  თავისუფალი ინფორმაციის ენერგეტიკული  კოლტები, ამიტომ მათ  ფიქტიურ პლანეტებს უწოდებენ.

როგორც ზემოთ ავღინიშნა, მთვარის კვანძები მოძრაობენ ყველა პლანეტისგან საწინააღდეგო მიმართულებით, რაც იმაზე მიგვანიშნებს რომ ისინი ჩვენ გვაძლევენ შესაძლებლობას „შემოვაბრუნოთ“ კარმა, გადავიხადოთ ვალები, გამოვამჟღავნოთ საკუთარი არსი. კვანძები ასევე გვეხმარება გამოვიწვიოთ კოსმოგრამაში დისონანსი ანუ ის მომენტი, როცა ჩვენ უფრო გვიადვილდება ვიმოძრაოთ პლანეტების საწინააღდეგოდ.

საერთო ჯამში ისინი გვაჩვენებენ გზას, რომლისკენაც ჩვენ უნდა ვისწარფვოდეთ (აღმავალი კვანძი) და რომელშიც გამოცდილება გვაკლია, ასევ დაღმავალი კვანძის გზასაც გვაჩვენებენ, რომელშიც დიდი გამოცდილება გვაქვს

არის მოსაზრება, რომ კატეგორიულად არ შეიძლება დაღმავალი კვანძის გზით სიარული ცხოვრებაში, რადგან ეს უკვე დახურული და შესრულებული თემაა და ადამიანს პირდაპირ მოუწოდებენ აღმავალი კვანძის პრინციპებზე გადასვლას, რაც საკმაოდ მტკივნეული და ხანდახან შეუძლებელიც არის (რადგან აქ არანაირ გამოცდილება არ აქვს).    ასტროლოგია არის ჩვეულბრივი გეომეტრია, რომელშიც არსებობს ლოგიკური , მიზეზ-შედეგობრივი პასუხები.  კვანძების შემთხვევაშიც არ არსებობს უკიდურესობა და ულტიმატუმი, რადგან მთვარის კვანძები ყოველთვის ერთმანეთის ოპოზიციაში იმყოფებიან, ოპოზიციური ნიშნები კი როგორც გვახსოვს ავსებენ ერთმანეთს. ეს იგივეა ადამიანს თანდაყოლილი სიმღერის ნიჭი ქონდეს და აუკრძალო სიმღერა, რადგან უკვე კარგად იცის და ისწავლოს მაგალითად  ორგანული ქიმია, როცა შეიძლება ადამიანი სწავლობდეს ორგანულ ქიმიას და  განწყობის შესაქმნელად ან შრომისნაყოფიერების ასამაღლებლად პერიოდულად მღეროდეს.  მარტივად,  ის გამცდილება რაც დაგროვილი აქვს ადამიანს დაღმავალი კვანძის თემაში აუცილებლად უნდა გამოიყენოს მიმდინარე მისიის შესასრულბლად.


რისთვის ეძლევა ადამიანს მთვარის კვანძები- დასასჯელად თუ გამოსაცდელად? როდის იბადებიან ადამინები ძლიერი მთვარის კვანძებით? ყველაზე ძლიერი კვანძი აქვს მზის ან მთვარის დაბნელების დროს დაბადებულ ადამიანებს (როცა მთვარე და მზე ერთმანეთს ხვდებიან (შეერთების ასპექტი) ან ერთმანეთის საწინაღდეგოდ დგანან (ოპოზიცია) – მაშინ ხდება დაბნელება). ასეთი ასტრონომიული ფაქტორის დროს ანუ დაბნელების დროს და ახლოს ყოველთვის ხდება ფატალური სიტუაციები. ეს ერთგვარი ასტროლოგიური აქსიომაა : დაბენელების პერიოდში ან მასთან ახლოს დაბადებული ადამიანები ფატალური ბედის მქონე ადამიანები არიან. და რაც უფრო ნაკლები მაძილია მნათობებს და კვანძებს შორის, მით უფრო ძლიერია მთვარის კვანძი და მით უფრო ბევრი დაბრკოლება აქვს ადამიანს კარმის შესრულების გზაზე, მით უფრო გადატვირთულია მისი კარმული პროგრამა.

აღმავალი კვანძი ესაა პროგრამა და უნარები , რომლებიც უნდა ვისწავლოთ მიმდინარე ინკარნაციაში, ხოლო დაღმავალი კვანძის პროგრამები და თემები ეს შეიძლება იყოს, როგორც თანდაყოლილი ნიჭი (უკვე დამუშავებული პროგრამა), ისე თემები, რომლის დამუშავებაც ვერ მოასწრო ადამიანმა ადრე და პარალელურად ახლა უწევს ამ თემებზეც მუშაობა. დაუმუშავებელი დაღმავალი კვანძის თემები ერთგვარი „აქილევსის ქუსლია“.


 არის ასეთი ფართოდ გავრცელებული მოსაზრება, რომ  ამ შემთხვევაში  კვანძები წავიკითხოთ პირიქით  ანუ აღამავალი განვიხილოთ დაღავალის ადგილას და დაღმავალი აღმავალის მაგვირად, რაც იმას ნიშნავს რომ  სამყარო ადამინისგან ითხოვს დაღმავალი კვანძის გზით სიარულს.
ლოგიკურად თუ მივყვებით ეს არ იქნება სწორი მიდომა,  ადამიანი დირექტული კვანძებით უფრო ”შენელებულია”, რადგან  წარსული გამოცდილება ისედაც ბუნდოვანია ჩვენთვის და ინსტიქტების და ინტუიციის დონეზე გვაქვს, ხოლო ”მომავალი გამოცდილება” რომელიც უნდა შევიძინოთ ასეთი ადამინეისთვის უფრო ილუზორულია, ვიდრე ბუნებრივი კვანძებით ადამინებისთვის.  ამიტომ  ხშირად პრაქტიკაში  ასეთი ადამიანები არიან შენელებულები დროში, ზარმაცი მათზე არ ითქმის, მაგრამ ყოველთვის ჭირდებათ  რომელიმე ტრანზიტული ასპექტი, რომ კვანძების თემა ამუშავდეს. ხანდახან ისეც ხდება, რომ  თემები რომლებიც წლების განმავლობაში ვერ გაიზრეს და გააცნობიერეს, წუთებში აღიქვამენ. სწორედ ასეთ დროს იწყება  დირექტული კვნაძების მუშაობა მათ რუკაში, მანამდე უმოძრაობაა.

ფსიქოტიპში ეს მდებარეობა ადამიანს აუცილებლად აძლევს ინფანტილუორობას იმ თემებში, სადაც მდებარეობს კვანძი  და ”ნატხომისებურ”  ქმედებებს.

დამატებით ერთი ან მეტი სხვა პლანეტის რეტროგრადულობის შემთხვევაში უფრო გამოკვეთილი იქნება ადამიანში  შეგრძნება, რომ ის ისეთი არ არის როგორიც სხვები და მის ცხოვრებაში  მოვლენები ”სხვანაირად ხდება”.

მაგრამ ისევ გავმეორდეთ და ვთქვათ, რომ ეს ასე არის და მას უბრალოდ შეგრძნების დონზე აქვს ეს.  ასეთ ადამიანს არ აქვს საშიშროების ადექვატური აღქმის უნარი, ყოველთვის ცდილობს  გაძვრეს სიტუაციიდან არასტანდარტული გზებით. ამას წინათ ძალინ კარგი მაგალითი წავიკითხე: როცა ადამიანი არ ელოდება შუქნიშანზე მწვანეს და ცდილობს წითელზე გადასვლას, რათქმაუნდა ეს საშიშია, მინიმუმ დისკომფორტია და რაც მთვარია გამოცდილებაა, რომ მეტი ასე აღარ მოიქცეს, მაგრამ ასეთი გამცდილებებს ვერ აფიქსირებს შინაგანად და მაინც ცდილობს ცხოვრებაში ”სწრაფად გადავიდეს წითელზე”. 

  • ეს არის დირექტიულობობის  საკვანძო მომენტი: გამოცდილება რომ გაიაზრო გჭირდება უფრო მეტი დრო, ვიდრე რეტროგრადული კვანძების შემთხვევაში.

ასეთ ადამიანს აქვს მიდრეკილება გაიმეოროს წარსული სიტუაციები თავის ცხოვრებაში, არა იმიტომ რომ  მიჯაჭვულობა აქვს თემებზე, პირიქით ამას აკეთებს გამოცდილების დამახსოვრების ამბავში. შედეგად ხშირად დადის ჩაკეტილ წრეში და უჭირს მიზნამდე მისვლა.

  • მეორე საკვანძო მომენტი ის არის რომ ასეთ ადამიანს არააქვს გამოხატული შინაგანი დაძაბულობა  თავის წარსულს, აწმყოს და მომავალს შორის.

ანუ  საკმარისი ენერგია და იმპულსი, რომ წარსული გამციდლება გამოიყენოს მომავლაში მიზნამდე მისაღწევად. ხშირია ფეხის ათრევა და საქმის გადადება, მაგრამ გავიხსენოთ რომ ეს სიზამრმაცის ბრალი არ არის.  უბრალოდ მისთვის ძალიან ბუნდოვანია  დროის და გამოცდილების გამოყენების ცნებები.  აქ მთვარი პრობლემა ათვლის წერტილის პოვნა და ქმედების დაწყებაა. ამიტომ პრაქტიკაში ხშირად ასეთი ადამინები საერთოდ არ არიან წარსულ გამოცდილებებზე ორიენტირებულნი და  მათი მთავარი ამოცანა ხდება მომავალი. სწორედ  ეს არის საბაბი ზოგიერთი ასტროლოგიური მიმართულება, რომ  იძახის თითქოს დირექტული კვანძების შემთხვევაში ადამიანს არააქვს წარსული გამოცდილება და ვერ შეასრულა წინა პირობა და მისგან ითხოვენ ამ ეტაპზე დაღმავალი  კვანძის გზით სიარულს. რეალურად ადამიანს უბრალოდ არააქვს საკმარისი ენერგია ”გადმოქაჩოს” წინა გამოცდილება, დააფიქსიროს ზოგადად გამოცდილება მეხისერებაში, ამიტომ  გარკევეული პლანეტარული ციკლების შედეგ ხვდება ამას და მისი მთვარი მიზანი მომავალია.

კარმულასტროლოგიაში  მთვარის კვანძების  დირექტულ მდებარეობას ”ღებულობს” ადამიანი:

 – რომელიც  არის თავისუფალი დროის  ჩვენეული, ყოფითი აღქმის ვალდებულებისგან .  რისთვის?!  თუნდაც იმ განსაკუთრებული მისიის შესასრულებლად ან  განსაკუთრებული გაკვეთილის სასწვალად, რომელზეც დაუსრულებელი კამათია ამ თემის განხილვივსას.

 – კარმულ ასტროლოგიაში ითვლება, რომ ასეთი სული ”ისვენებს”   კარმის დაწვაზე ფიქრისგან, არ აქვს ზედმეტი დაძაბულობა. ადამიანს აქვს ამოცანა, რომელიც არ არის დაკავშირებული მისი წინა ცხოვრების კარმასთან, ასე ვთქვათ მიმდინარე რეინკარნაციას ჩააგდებს კონკრეტული მიისიისთვის, ხოლო შემდეგ ცხოვრებაში გააგრძელბს წინა ცხოვრების გამოცდილების  გამოყენებას ახალი გზის დასამუშავებლად.

რეალურად, დირქტიული კვანძები არის ჩეულებრივი ასტროლოგიური მდებარეობა, რომელიც არაფრით არ გამოარჩევს ადამიანს სხვა დამიანებსგან. ეს არის ჩვეულებრვი დასამუშავებელი პროგრმაა და ამაში არაფერი განსაკუთრებული არ არის. უბრალოდ იძლევა დროსთან არაყოფით დამოკიდებულებას.   

ინეტერესის შემთხვევაში შეგვიძლია გავაგრძელოთ თემის განხილვა

მოამზადა Nina Runes
“ეზოთერული სახელოსნო”

Categories
პლანეტები

მზე და მთვარე – პირად & სოციალურ ცხოვრებაში

რას სიმბოლიზირებს მზე და მთვარე ადამიანის სოციალურ და პირად ცხოვრებაში?

ჰოროსკოპში მზე განსაზღვრავს ადამიანის ინდივიდუალურობას, მის უცვლელ ნაწილს, მთვარე კი აღწერს ადამიანის გარშემო ზოგად სიტუაციას, მის საზოგადოებრივ ცხოვრებას დიდ ან პატარა (ოჯახი) კოლექტივებში.
მთვარე გვიყვება ადამიანის ყოფიერებით პრობლემებზე, საზოგადოებრივ ცხოვრებაზე, ყოველდღიური ურთიერთობის წრეზე, ჯამრთელობის და ბავშვების აღზრდის საკითხებზე და ა.შ.
მზე კი არის ადამიანის სულის სიმბოლო. მზე არის ის ნაწილი ადამიანში, რომელიც დროში პრაქტიკულად არ იცვლება, ეს არის ადამიანის თავისებური გენოტიპი. იდეალში მზე არის სულიერების თესლი, ჭეშმარიტი „მე“, რომელმაც იცის საით უნდა ისწრაფოდეს ევოლუციის გზაზე, ეს არის დაბადებულის მისია, განსხვავებით მთვარესგან (პიროვნებისგან), რომელიც მუშაობს ძირითადათ ყოველდღიურობის დონეზე.
მზე არის საკუთარი, შემოქმედებითი, რეალური ბუნება, თანდაყოლილი ტემპერამენტი.მაგრამ სიცოცხლის განმავლობაში, მზის არსი ეფლობა მთვარის რეაქციების სქელ ფენაში, მექანიკურ ჩვევებში, ქცევის სტერეიტიპებში. და რაც უფრო მეტად ორიენტირებულია ადამიანი მასიურ კულტურაზე, რომელიც ხასიათთება მთვარის არქიტიპით, მით ეს „ქურქი“ უფრო მძიმეა. მით უფრო უჭირს ინდივიდუალურობას ამ სქელი შეძენილი ფენის გარღვევა.
მთვარე ასევე აღწერს იმ „საციალურ სახეს“ რომელიც გააჩნია ადამიანს საზოგადოების თვალსაზრისით.
მთვარე სწრაფად იცვლის თავის სახეს ცაში , კარგად ურიგდება ცვალებად პირობებს , და ამიტომ კარგად აღიქვამს, ცხოვრების პროცესში კარგად სწავლობს. გარდა იმისა რადიკსში თავისი მდგომარეობით მოგივთხრობს როგორი აღზრდა მიიღო ადამიანმა ბავშვობაში.
როგორც წესი ეს არის დედის ქცევის სტერეოტიპი, რომელსაც იმახსოვრებს ბავშვი და ანალოგიურ სიტუაციებში ახდენს ზუსტ კოპირებას..( თუ ბავშვს ზრდის მამა, ის აიღებს მამის ქმედებს).
მთვარე ანათებს მზისაგან ანარეკლი შუქით, ანუ თავისი არ გააჩნია, ამიტომ ყოველდღიურ ცხოვრებაში, მას ხშირად არ გააჩნია საკუთარი აზრი. მისი აზრი- საზოგადოებრივი აზრია.
ყურადღებიან დამკვირვებელს მთვარე მოუყვება კონკრეტული პირის საცხოვრებელ პირობებზე, მისი ბედის ცვალებადობაზე და იმ ამოცანებზე, რომელიც დგას ადამიანის წინაშე საზოგადოებრივ და ყოველდღიურ ცხოვრებაში.
მთვარის მაღალი ადაპტაბელურობა ეხმარება ადამიანს მოერგოს ახალი ცხოვრების პირობებს, მაგალითად, როდესაც ის სხვა ქვეყანაში გადადის საცხოვრებლად.
მზე არასოდეს ერგება გარემოს. ის ცდილობს შეცვალოს და მოარგოს გარემო თავის პირობებს, ეს პირობები კი საკმაოდ მკაცრია.
მთვარე ასევე ავტომატური არსებობაა ყოველდღიური ჩვევების დონეზე , როდესაც ცხოვრება მიედინება on დიდი ხნის წინ დამკვიდრებული განრიგის მიხედვიდ, მშვიდად, ზომიერად, ნელა და ზოგიერთ შემთხვევაში კი მოსაწყენათაც. ადამიანი არ ავლენც თავის განუმეორებელ ინდივიდუალურობას, ანუ მასში ქრება მზის შემოქმედების პრინციპი.
მაშინ იკარგება ცხოვრების ინტერესი, და ის იქცევა ნებაყოფლობით ნახევარრობოტად, რომელიც ასრულებს სოციალურ და ოჯახის ფუნქციებს და სხვას არაფერს.
მთვარე ეს კარგად აითვისებული ხელოვნური ნიღაბია, რომელსაც ადამიანი იკეთებს დილით, სამსახურის წინ, და იხსნის მხოლოდ საღამოს, მეგობრების და ახლობლების ვიწრო წრეში, რომელთანაც მას შეუძლია გაიხსნას და აჩვენოს თავისი ნამდვილი სახე (მზე).
მთვარე ჰოროსკოპიში კარგად აღწერს ინდივიდის ბედს ზოგადად, რეალობას მის გარშემო, მის გარემოცვას, საზოგადოებრივ აზრს მასზე, და რა როლში სურს საზოგადოებას ნახოს ეს პირი.
მთვარის ნიშანი აკონკრეტებს ამ ადამიანის საქმიანობას საზოგადოებაში, აჩვენებს სიმბოლურად იმ ადგილას, სადაც ადამიანი იქნება ყველაზე საჭირო საზოგადოებისთვის და აღწერს მის სოციალურ პირობებს.
მაგალითად, როცა მთვარე არის ვერძში, საზოგადოებითვის ეს ადამიანი არის თვალსაჩინო და სხვებისგან განსხვავებული, კოლექტივში ხშირად თამაშობს ლიდერის,პიონერის, ან… მასხარის როლს .
მისი პირადი ცხოვრება ადვილი არ იქნება, ავსე იქნება შეხვედრებით და დაშორებებით სავსე. მას ცხოვრებაში მოუწევს ბრძოლა ვინმეს ან რამის წინააღმდეგ ან პირიქით დასაცავად.საზოგადოებაში მას კარგად გამოსდის მენეჯერის როლი, რომელსაც კოლექტივი იყენებს გაუთვალისწინებელ გარემოში.

როცა მთვარე სასწორშია, ყველაზე სასურველი სოციალური როლი ამ პირისთვის არის შუამდგომლობა, კონტაქტები და ურთიერთქმედება სხვა და სხვა ადამიანებთან, ახალი ცოდნის გავრცელება. ის სიამოვნებით შეარულებს მოსამართლის და კომუნიკაციების და საინფორმაციო ტექნოლოგიების ექსპერტის როლს.
საზოგადოებაში ის იქნება შემრიგებელი და ჩხუბის თავი, პაიქრობა და ბრძოლა, მაგრამ, რა თქმა უნდა ერთმნიშვნელოვანია რომ მარტოობა მისთვის არ არის.
გუნდში ეს ადამიანი სამართლიანობისათვის დაუღალავი მებრძოლია. ის პირად შეურაცხყოფად აღიქვამს უსინდისობის და მოტყუების მანიფესტაციას.
როცა მთვარე მშვილდოსანშია ეს ადამიანი საზოგადოებას დასჭირდება პოპულარული კულტურის, იდეოლოგიისა და უმაღლესი განათლების ველიში.
ზოგადად ბედი კეთილგანწყობილი იქნება მის მიმართ. საზოგადოებისთვის კი ის იქნება ფასეული კადრი კარგი პერსპექტივით. სხვები მოუსმენენ მის აზრს მისი ავტორიტეტის გათვალისწინებით, ასე რომ მისთვის ადვილი იქნება სხვას უკარნახოს პირობები და ასწავლოს. ნაკლოვანება ასეთი მთვარის შეიძლება იყოს გარკვეული გაფანტულობა და მეტის დაპირება, ვიდრე შეუძლია გააკეთოს.
თევზების მთვარის მფლობელს მოუწევს არჩევა სიამოვნებასა და ტანჯვას შორის.
ასევე, უნდა გააცნობიეროს რომ საზოგადოებაში წინა პლანზე გამოსვლა არასასურველია , ეს არ არის მისი ბედი, და უმჯობესია კულისებში დარჩენა.
საზოგადოება არ განიცდის მას მიმართ ძლიერ საჭიროებას, და თუ ძალიან გაეჩხირება თვალში საზოგადოება სიამოვნებით გაუშვებს სადმე შორს. არჩევანი დიდია, მონასტრიდან დაწყებული ფსიქიატრიული საავადმყოფოთი დამთავრებული. ჩვენ საზოგადოებას ყავს ასეთი თვალნათელი მაგალითი- ოქრუაშვილი. კარგი თვისებებიდან უნდა ავღნიშნოთ ფანტასტიური შემგუებლობა ნებისმიერი კოლექტივისადმი, უნარი მოერგოს მას და გახდეს ფარული მრჩეველი(ან პროვოკატორი).

მზე – ყოველთვის მიზნები და მისწრაფებებია.
გარე ცხოვრებაში მზის ნიშანი გვიჩვენებს ძირითად დარტყმის მიმართულებას, ნების გამოყენების ადგილს, იმ ადგილის, სადაც ადამიანს მოუწევს იყოს უდრეკი, ლიდერი და ჰქონდეს მხოლოდ საკუთარი თავის იმედი.

მზე მოგვითხრობს საქმიანობის იმ სფეროზე, სადაც ადამიანი გამოჩნდება და გამოანათებს.
მზის ნიშანი ასევე აღწერს თავის წამოწყებებში რა მანერით აღწევს წარმატებას ადამიანი და რა თამაშები ურჩევნია ეთამაშოს საზოგადოებას და გარემოს.

მზე ვერძში– თამაშები იქნება სარისკო,მორიელიში – სასტიკი, ტყუპებიში – ინტელექტუალური, თევზებიში – საიდუმლო.

მზე თითქოს ნათელს ფენს ჰოროსკოპის იმ ადგილს, სადაც მდებარეობს და შესაბამისად, ადამიანს აქ შეუძლია გახდეს შესამჩნევი, გამოირჩეს გარემოსგან და მიიქციოს ყურადღება.

აქ მას შეუძლია აიღოს თავის თავზე გმირის როლი, იყოს სოლისტი.
ზუსტად აქ გამოიჩენს ადამიანი გარკვეულ შეპყრობილობას და ინიციატივას. ამ სფეროში იქნება სერიოზული და პასუხისმგებელი, ექნება ტკივილის მოთმენის უნარი და არაფერის შეეშინდება.
როცა ადამიანი ხვდება იმ ადგილას, სადაც აქტიურადება მისი მზე, ის იძენს ერთგვარ ქარიზმას, მას თითქოს თავის გარშემო უჩნდება ნიმბი და ის იძენს შემოქმედის, ჯარისკაცის, უფროსის ან მოთამაშის თვისებებს. ეს დამოკიდებულია მთავარი მნათობის ადგილმდებარეობაზე ჰოროსკოპში.

მზის დისლოკაციის ადგილას რუქაში ადამიანი შეიძლება გახდეს კერპი კაცობრიობის დანარჩენი ნაწილისთვის, შუქურა ან ლოკომოტივი, რომელიც წინ მიუძღვის თავის მიმდევრებს.აქ მას უფრო მეტად, ვიდრე სადმე სხვაგან, გაუმართლებს და აქ მას ელოდება მისი ცხოვრების მთავარი პრიზი.

ზოგადად შეიძლება ითქვას, რომ ეს არის პოტენციური ძალის ადგილი, სადაც იგი მზად არის სერიოზულად გარისკოს და გამოიჩინოს უგუნური ავანტიურიზმი. აქ ადამიანი გამოიჩენს საჯიუტეს და მოუთმენლობას, ზუსტად აქედან მოდის ის სხივი, რომლის საშუალებით გამარჯვებულს შეუძლია ასვლა კვარცხლბეკზე .

შიდა ცხოვრებაში მზის ნიშანი აღწერს თვითშემეცნების, ნამდვილი “მე-ს” და გარემოში საკუთარი როლის ძიების ინდივიდუალურ გზას, სხვა სიტყვებით, თავისი დაბადების მისიას.
მზის ნიშანი აღწერს იმ „გმირობას“, რომელიც აახლოვებს ადამიანს საკუთარ არსთან, როგორც ჰერაკლეს 12 გმირობა- ყოველი ნიშნისათვის თავისი გმირობა.

მზე კუროში– გზა საკუთარ თავთან იქნება ხანგრძლივი და რთული, ვინაიდან მიწის სტიქიაა. უნდა გადახნას დიდი ფართობები რათა იპოვოს საკუთარი უნიკალური ინდივიდუალურობის მარცვლები და გამოადნოს მათგან ჭეშმარიტი “მე-ს” სიმბოლო. სხვა სიტყვებით, რასაც ადამიანი ეძებს “საკუთრ თავში” ღრმად და საიმედოდ დაცულია.

მზე ლომში– ადამიანის შინაგანი არსის სიმბოლო ძევს ზედაპირულად და გზა მასკენ არც ისე რთულია. სხვა საქმეა, რომ ადამიანი ამ სიმბოლოს უვლის გვერდზე ყოველდღე მაგრამ ვერ ამჩნევს. ეს ხდება, როდესაც სასურველი ნივთი პირდაპირ თვალწინ დევს, მაგრამ ის ვერ ხედავს მას. ის ყველას ეკითხება, სად არის ეს ნივთი, და სხვები მიუთითებენ მის ადგილმდებარეობაზე, ადამიანი კი გაკვირვებული ამბობს: “როგორი სასწაულია, ათასჯერ შევხედე და ვერ დავინახე“. უბრალოდ მზით ლომმა უფრო ხშირად უნდა მოუსმინოს სხვის მოსაზრებებას და ისწავლოს იყოს ყურადღებიანი არა მხოლოდ საკუთარი პერსონის მიმართ.

როცა მზე კირჩხიბშია გზა ჭეშმარიტი “მე”-სკენ არ არის იქ, სადაც ადამიანი მას ეძებს. უცნაურია ეძებო ცხელი მზე ცივ წყალში. იდეაში, ის იქ არ შეიძლება იყოს. მაგრამ სასწაულები ხდება უფრო ხშირად ვიდრე ჩვენ ვფიქრობთ. ამ ვარიანტში, საკუთარი უნიკალურობის შემეცნება მოდის ეგოიზმთან ბრძოლაში, სხვა ადამიანების მიმართ თანაგრძნობაში და ზრუნვაში. მან უნდა მისცეს თავისი გული სხვებს, და ამისთვის უნდა გახსნას საკუთარი გული პირდაპირი და გადატანითი მნიშვნელობით, ჯერ საკუთრი თავისთვის, ხოლო შემდეგ ყველა დანარჩენისთვის, ამას კი კირჩხიბის მზე ვერ იტანს- მისი ნაზი გული დამალულია ყველასათვის.

ნებისმიერ ჰოროსკოპში მზე ყოველთვის მთავარი მოქმედი გმირია, რომელიც პასუხობს კითხვაზე ვინ ან რა. მზემ შეიძლება აღწეროს ცხოვრების აზრი, ადამიანის არსი, ძირითადი საგანი ან ჰოროსკოპის ძირითადი გარემოებები.
ეს არის საფუძველი, რომლის გარშემო ვაშენებთ ყველა სხვა მახასიათებლებს.

ისევე როგორც ცაზე ყველა პლანეტა მოძრაობს მზის გარშემო, ასევე ჰოროსკოპში: ნებისმიერი ინტერპრეტაცია იწყება მზიდან.
შემდეგ შეგვიძლია აქედან ვიცეკვოთ, ავღწეროთ გარე პირობები და რეალობა (მთვარე), ოღონდ მზესთან მიმართებაში.

ადამიანის აზროვნებას აღწერს მერკური. მის რესურსებს, პრიორიტეტებს და ფასეულობის სისტემას- ვენერა, მის ქმედებას მარსი და ა.შ. მაგრამ დღეს ვსაუბრობთ მზე და მთვარეზე, ამიტომ ამ პლანეტებზე ეხლა ვერ გავჩერდებით.

შინაგან ცხოვრებაში მზე ადამიანისთვის წარმოადგენს სიცოცხლის (განსხეულების) აზრის ძიებას, საკუთარი მისიის ძიებას, პასუხების ძიებას ასეთ რთულ კითხვებზე, როგორიც არის ” ვინ ვარ მე? “, ” რატომ ვარ მე აქ? “, დიდი ანგარიშით რა უნდა გავაკეთო? “.

ჰოროსკოპში მზე მოგვითხრობს ადამიანის განზრახვებზე იმ სფეროში, სადაც მას სურს იყოს ყურადღების ცენტრში და შეუძლია გავლენა მოახდინოს მიმდინარე მოვლენებზე.
აქვე, ცხოვრების მანძილზე, მას დასჭირდება ნების გამოიყენება და აქ მას ეძლევა გარკვეული ძალა.
ეს არის ის ფილოსოფიური ქვა, რომელსაც ყოველთვის ეძებენ მოუსვენარი და საბოლოო შედეგით ყოველთვის უკმაყოფილო ადამიანები.

ყოველდღიურ დონეზე მზე ასახავს ადამიანის ცნობიერებას, იმას, ვითაც მიაჩნია საკუთარი თავი, მისი გრძელვადიანი გეგმები და ცხოვრების მიზნები.
გლობალური მაშტაბით, მზე მაქსიმალისტია და არ უყვარს არასრული და ბუნდოვანი გადაწყვეტილებები. მზის კაშკაშა გამოვლინება- ეს ყოველთვის სიცოცხლის სურვილია, რათა მოიტანოს სარგებელი და იყოს შესამჩნევი და უნიკალური.

მზის ძალა ესარის განმათავისუფლებელი და ინდივიდუალური შესაძლებლობების გამაფართოებელი ძალა, განსხვავებით მთვარისგან, რომელიც აბავს ადამიანს ტრადიციებს, საზოგადოებრივ აზრს და პოპულარული კულტურას.

მთვარე შინაგან ცხოვრებაში პასუხისმგებელია არსებობის ბიოლოგიურ პროგრამზე, გვარის გაგრძელებაზე და გადარჩენაზე, ანუ ცხოვრების შენარჩუნების, კვების, გამრავლების, ძალების აღდგენის(დასვენების), მოთხოვნილებების დაკმაყოფილების პროგრამებზე.
ის, როგორც წესი, პასუხობს უბრალო კითხვებს:“ რა მინდა“ ან „რითი არ ვარ კმაყოფილი“, ურჩევნია ორიენტირებული იყოს “ნაცნობზე” და, შესაბამისად, უსაფრთხოზე.

მთვარე პასუხისმგებელია სხვა და სხვა სახის კომპლექსებზე, შიშებზე და ფობიებზე ადამიანში, როგორც შეძენილზე, ასევე თანდაყოლილზე.

მთვარის ძირითადი ნაკლია ის, რომ ის სერიოზულად ამახინჯებს რეალობას და ეს დამახინჯებული რეალობა შეაქვს ადამიანის გონებაში. ის ხშირად “ხედავს” იმას, რაც რეალურად არ არსებობს და მას მხოლოდ ეჩვენება.ამიტომ, ყოველდღიურ ცხოვრებაში, მას შეუძლია სასულველი დაინახოს როგოც რეალური. გარდა ამისა, მთვარის ნაკლი არის სიზარმაცე, ინერცია, ზედმეტი მგრძნობიარობა, რასაც კატეგორიულად ვერ იტანს მზის ტიპი.

მზის უსიამოვნო თვისებებიდან გამოიყოფა პირდაპირულობა, გარდამავალი თავხედობაში, რომელიც ძალიან აღიზიანებს გარემოს.
გეჩვენება, რომ ასეთი ადამიანი არასოდეს არ განიცდის შიშს ან გაურკვევლობას. მაგრამ ეს ასე არ არის, მასაც აქვს მომენტები, როცა არ არის დარწმუნებული საკუთარ თავში, ეშინია ან უმწეო ხდება.
ასეთ მომენტებში მას ეჩვენება, რომ არ შეუძლია გავლნის მოხდენა სიტუაციაზე, მეტსაც ვიტყვი- შესაძლებელ სუიციდზე იფიქროს. ასეთ მომენტებში ის სრულად ივსება ფატალურობის იდეით. მაგრამ მძიმე პერიოდი გადის და „მზის“ ტიპი, თითქოს არაფერი მომხდარა, უბრუნდება ცხოვრების ძველ ხედვას.

ლია ბარათაშვილი
ასტროსკოლა-ასტროლოგოსი