Categories
ასტროლოგია სხვადასხვა...

პლუტონი მერწყულში

კოლექტიური ძალა. 💪

🔹23 მარტს, კოლექტიური ნების, მაშტაბური პროცესების, ტრანსფორმაციების, ცვლილებების და კრიზისების პლანეტა პლუტონი დატოვებს თხის რქის♑️ ზოდიაქოს ნიშანს, (სადაც 2008 წლის მერე მოძრაობს) და გადავა მერწყულის♒️ ზოდიაქოს ნიშანში. რეტროგრადული ფაზის გამო 12 ივნისს კვლავ დაუბრუნდება თხის რქის ზოდიაქოს ნიშანს, სადაც იმოძრავებს 2024 წლის იანვრამდე, შემდეგ კი უკვე საბოლოოდ გადავა მერწყულში, სადაც იმოძრავებს 2044 წლამდე.✔️

🔹მართალია პლუტონი მხოლოდ 3 თვით შედის ახალ ნიშანში, მაგრამ ეს მნიშვნელოვანი პერიოდია. რადგანაც პლუტონი ამ პერიოდში, “მონიშნავს მთავარ თემას” წამოწევს ისეთ საკითხებს წინ რისი შეცვლა და განახლებაც საჭიროა. შემდეგ დაბრუნდება თხის რქაში და შესაძლებელია მოხდეს მნიშვნელოვანი საკითხების გადაწყვეტა და დასრულება. ხოლო როცა საბოლოოდ გადავა მერწყულში უკვე მკვეთრად ვიგრძნობთ ახალ მასშტაბურ ენერგიებს და ცვლილებებზე მიმართულ მძაფრ იმპულსს. ✔️

🔹პლუტონის ინგრესია, ახალ ნიშანში ან მისი მოძრაობა ნიშნის ბოლო გრადუსებში, ყოველთვის ასოცირდება გლობალურ და მასშტაბურ ცვლილებებთან, ხშირად ნგრევებთანაც კი. მოდით გადავხედოთ ისტორიას და გავიგოთ რა მოხდა როდესაც პლუტონი გადიოდა მერწყულის ნიშანს. 1775-1783 წელი, როდესაც პლუტონი გადიოდა თხის რქის ბოლო გრადუსებს – ამერიკის რევოლუციის პერიოდი, როდესაც ბრიტანელი კოლონისტები აჯაყდნენ დიდი ბრიტანეთის მმართველობის წინააღმდეგ. რევოლუციის შედეგად ჩრდილოეთ ამერიკის 13 კოლონია გამოეყო ბრიტანიის იმპერიას, რის შედეგადაც შეიქმნა ამერიკის შეერთებული შტატები. მაშასადამე, როდესაც პლუტონი თხის რქის ბოლო გრადუსებზე იყო მოხდა დაპირისპირება მმართველობისა და სტრუქტურის წინააღმდეგ. მერწყულში გადასვლის შემდეგ (1778) კი ძალაუფლება მიეცა კოლექტიურ იდეოლოგიას, რის შედეგადაც მოხდა რეფორმა და შემდგომ გაერთიანება.

1789-1799 წელი, საფრანგეთის რევოლუცია, რამაც დიდი ზეგავლენა მოახდინა არამხოლოდ საფრანგეთზე არამედ მთელ ევროპაზეც. რევოლუციის შედეგად შეიცვალა ქვეყნის მართვის ფორმა და მონარქიული მმართველობიდან გადავიდა რესპუბლიკურ მმართველობაზე. საფრანგეთის რევოლუციის წყალობით ქვეყანაში ძველი მონარქიული რეჟიმი დაემხო და „თავისუფლება, თანასწორობა და ძმობა“ გამოცხადდა. საფრანგეთმა ახალ ეპოქაში შეაბიჯა. მონარქიული მმართველობა გულისხმობს როდესაც ძალაუფლება არის მხოლოდ ერთი ადამიანის ხელში სიცოცხლის ბოლომდე. ხოლო რესპუბლიკური მონარქია გულისხმობს ისეთი მმართველობის სტილს სადაც მმართველის უფლებები შეზღუდულია და ძალაუფლებას ანაწილებს სხვა პოლიტიკურ პირებთან. ალბათ დამეთანხმებით ესეც შეეფერება პლუტონი მერწყულის ხასიათს. რევოლუცია დამთავრდა სწორედ მაშინ როდესაც პლუტონი გადიოდა მერწყულის ბოლო გრადუსებს და გადადიოდა თევზების ნიშანში.

1781 წელს კი, როდესაც პლუტონი მერწყულში იყო, William Herschel-მა აღმოაჩინა ჩვენთვის უსაყვარლესი პლანეტა ურანი. ზუსტად მაშინ როდესაც ტრანსფორმაციის პლანეტა გადიოდა ურანის მმართველობის ნიშანს, რითიც მოხდა გარღვევა სატურნის საზღვრების და პირველი უმაღლესი პლანეტა გახდა ჩვენთვის ხილული.✔️

🔹ზოგიერთი ასტროლოგის აზრით მერწყული ზუსტადაც რომ პლუტონის ეგზალტაციის ადგილია. რადგანაც ცვლილებების და ტრანსფორმაციების პლანეტა ხვდება ცვლილებებისა და რეფორმების ნიშანში. გარდა ამისა აქ პლუტონი ავლენს თავის მთავარ პრინციპს “უმაღლესი კოლექტიური ნებელობა”. ძალაუფლება ყოველთვის არის კოლექტივის ხელში და არა ერთპიროვნული მმართველის. თუ მმართველი არ იზიარებს კოლექტიურ იდეოლოგიას, ის მმართველი ყოველთვის დაკარგავს ძალაუფლებას, ბევრჯერ მეფე ტახტიდანაც ჩამოუგდიათ და მოუკლავთ კიდეც, რადგანაც არ იყო კოლექტიური იდეოლოგიის მატარებელი. ეს ისტორიამაც კარგად აჩვენა თუ რა შეუძლია კოლექტიურ ძალას თუ საერთო იდეისთვის გაერთიანდა. გარდა ამისა ამ ეპოქაში მასა იმართება ინფორმაციული ველით და ინტერნეტით. ძალიან საინტერესო არგუმენტებია რატომაც უნდა იყოს მერწყულში პლუტონი “ამაღლებული” მეც ჯერჯერობით ვფიქრობ ამ იდეაზე.✔️

♦️ამჯერადაც როდესაც პლუტონი მიუახლოვდა თხის რქის ბოლო გრადუსებს დაიწყო რუსეთ-უკრაინას შორის ომი, რაც დღემდე გრძელდება, იმედი მაქვს ეს ტრანზიტი დადებიდად იმოქმედებს ამ თემაზე და კოლექტიური ნება გაიმარჯვებს. თუმცა ვფიქრობ კოლექტივის გაერთიანება საერთო იდეოლოგიისთვის ისევ გახდება საჭირო, რათა დაუპირისპირდეს მმართველს და მის სისტემას. პოსტის გაგრძელება იქნება. :)))

Categories
ასტროლოგია

კარმული ასტროლოგია

კარმა ასტროლოგიის განუყოფელი ნაწილია, რადგან მთლიანი რუკა კარმულად გვეძლევა. ყველა მდებარეობა და ასპექტი რუკაში კარმულია, განსაკუთრებით კი დაძაბული ასპექტები. მაგალითად, მზის ან მარსის დაძაბული ასპექტი პლუტონთან, შესაძლებელია, რომელიმე ინკარნაციაში, სხვა ადამიანის სიცოცხლის ხელყოფაზე, დიქტატორულ მმართველობაზე ან კოლექტიური ენერგიის ბოროტად გამოყენებაზე მიანიშნებდეს- გააჩნია, რა ნიშნებშია. ასევე- ნეპტუნის დაძაბული ასპექტები, შესაძლებელია აღწერდეს, რომ ადამიანი იყო ბომჟი, ლოთი ან რელიგიური ფანატიკოსი, რომელიც რწმენის სახელით ბევრ ცუდ რამეს აკეთებდა. ბევრი ვერსია შეიძლება ითქვას. ჰარმონიული აპექტებიც, ასევე რაღაც კარმული დამსახურებების ხარჯზე გვეძლევა. ლოგიკური იქნება, თუ დაგებადებათ კითხვა- რატომ აქვს ერთ ვიღაცას რუკაში სულ ჰარმონიული ასპექტები და მეორეს დაძაბული. ან ერთ ადამიანს რატომ აქვს რთული ცხოვრება და მეორეს მარტივი. ის ადამიანები, ვინც ბავშვობიდანვე უზრუნველყოფილები არიან და არ უწევთ ზედმეტი ძალისხმევა რამის მისაღწევად, ამას კარმული დამსახურებების ხარჯზე იღებენ. ჩვენ შეგვიძლია ვთქვათ, რომ ასეთი სული ამ ინკარნაციაში ისვენებს. ხოლო ვისაც ბევრი სირთულე ხვდება და ბევრი დაბრკოლების გადალახვა უწევს,-ის კარმულ ვალებს იხდის.

როგორც უკვე აღვნიშნეთ, ადამიანს მთელი რუკა კარმულად ეძლევა, თუმცა არის რაღაც წერტილები, რომელსაც უფრო მეტად ენიჭება კარმული მნიშვნელობა. მაგალითად, ლილიტი, რომელიც, გვიჩვენებს რა თემებში დააგროვა ადამიანმა ნეგატივი, რაც თავს გვახსენებს თავისი დამახინჯებული გამოვლინებით ახლაც და რაზე მუშაობაც აუცილებელია. საყურადღებოა სატურნის მდგომარეობაც, რომელიც გვიჩვენებს, რა თემები აქვს ადამიანს დასამუშავებელი, რა თემებში უნდა ისწავლოს პასუხისმგებლობების აღება და საზღვრების დაცვა. და თუ ამას არ აკეთებთ, სატურნი უკვე გაიძულებთ, იმ თემებზე იმუშაოთ, რასაც ის ეხება. ყველაზე მნიშვნელოვანი კარმული წერტილი კი კარმული კვანძებია- აღმავალი და დამავალი კვანძი. დამავალი კვანძი გვიჩვენებს წარსულ პროგრამებს და იმ თემებს, რა ცოდნითაც მოვიდა ადამიანის სული ამ ინკარნაციაში. ქვედა კვანძი არაა საჭირო აღწერდეს წინა ცხოვრებას, ის აღწერს იმ ცხოვრებას, რომლიც ამ ინკარნაციაში აქვს აქტუალიზირებული ადამიანს. აღმავალი კვანძი კი გვიჩვენებს ჩვენს კოსმოსურ მისიას, რა არის ჩვენი განვითარების გზა და რა გვჭირდება ზრდისთვის. კარმული მისია კი უნდა განვსაზღვროთ აღმავალი კვანძის ნიშნით და ასპექტებით, განსაკუთრებით თუ რომელიმე პლანეტაა კვანძზე შეერთებული ან კვადრატი აქვს კვანძებთან. კვანძების კვადრატები ხშირად აღმავალი კვანძის ნიშნის თემას ცვლიან კიდეც. მაგალითად, აღმავალი კვანძი ტყუპებში, კვადრატით პლუტონთან. აქ უკვე ადამიანი მხოლოდ ტყუპების საყოფაცხოვრებო თემებით ვერ შეასრულებს კარმულ მისიას და საჭირო იქნება მისი მასშტაბურ და დიდ პროცესებში ჩართულობაც. გარდა ნიშნისა, იმისთვის, რომ უფრო ღრმად გავაანალიზოთ, რა არის ადამიანის კარმული მისია, უნდა ვნახოთ კვანძის მმართველის მდგომარეობაც. მაგალითად აღმავალი კვანძი არის სასწორში, ამ შემთხვევაში უნდა დავაკვირდეთ ვენერას დგომას და ასპექტაციას.✔️