გველმჭერი – მითი და რეალობა

წინასიტყვაობის მაგივრად

მოდით ერთხელ და სამუდამოდ განვიხილოთ ერთი აბსურდული თეორია, რომელსაც „ქადაგებენ“ ასტროლოგიის კრიტიკოსები. მათი მტკიცებით, წარსულში ეკლიპტიკის სიბრტყე გადიოდა 12 ზოდიაქალურ თანავარსკვლავედს (ვერძი, კურო, ტყუპები, კირჩხიბი, ლომი, ქალწული, სასწორი, მორიელი, მშვილდოსანი, თხის რქა, მერწყული, თევზები), ახლა კი პრეცესიის გამო, თურმე, ეკლიპტიკის სიბტყე გაივლის კიდევ ერთ თანავარსკვლავედს-გველმჭერს. ამავდროულად, თითქოს, ნიშნებმა ძალიან შეიცვალეს ადგილი თანავარსკვლავედებთან მიმართებაში. ამ წარმოდგენით მთელი სისტემა, რომლითაც ასტროლოგია ხელმძღვანელობს, როგორც მინიმუმ მოძველდა (მაქსიმუმ, კი უბრალოდ „ზღაპარი და მითია სამყაროს შესახებ“).

ამ მოსაზრებას ასტროლოგიური მეცნიერება შემდენაირად პასუხობს: ზოდიაქოს ნიშნები და ზოდიაქალური თანავარსკვლავედი ერთმანეთისაგან აბსოლუტურად განსხვავებული ობიექტებია. არსებობს ქვედა და ზედა ზოდიაქოს წრეები, შესაბამისად თითოეულში არის 12-12 ზონა და გველმჭერი ყოველთვის იქ იყო, სადაც ახლა დგას.

ზედა ზოდიაქოს ნიშნები ქვედასთან მიმართებაში საწინააღდეგო მიმართულებით მოძრაობენ. თითოეული მათგანი დგას ქვედა ორი მოსაზღვრე ზოდიაქოს საზღვრის თავზე (7,5° მანძილი საზღვრიდან ორვე მხარეს და ქმნიან 15° ხილულ ზონას დედამიწიდან). შესაბამისად ყველა ადამიანს არ ექნება ზედა ზოდიაქოს ნიშანი, რადგან ასტრონომიულ-გეოგრაფიული მიზეზით წელიწადის გარკვეულ პერიოდებში ზედა ზოდიაქოს ნიშნები უბრალოდ არ ჩანან დედამიწიდან. მაგალითად თევზების ბოლო 7.5° და ვერძის პირველი 7,5° არის ზედა ზოდიაქოს პირველი ნიშანის „საათის“ ზონაა.

ზედა ზოდიაქოს ნიშნები კარმულ ასტროლოგიაში ითველბა „მიძინებულ“ ნიშნებად, რომელებიც ყოველთვის არ აქტიურდებიან. შესაძლებელია ზოგიერთი ადამიანის ცხოვრებაში იძლეოდეს მათი ენერგია დიდ რეზონანს, ზოგიერთთან კი საერთოდ არ ავლენდეს თავს.

გამოანგარიშების დონეზე: ადამიანის ნათალურ რუქაში თუ მზე ან/და მთვარე არის საზღვართან ახლოს და დამატებით, რომელიმე ორი პლანეტა მდებარეობს საზღვართანვე წინა ნიშნის ბოლო 2 გრადუსზე ან მომდევნო ნიშნის პირველ 2 გრადუსზე, მაშინ ზედა ზოდიაქო აქტიურად გამოავლენს თავს ადამიანის ცხოვრებაში. მაგალითად, მზე არის ვერძის 4 გრადუსზე და დამატებით ვერძის 1 გრადუსზე მერკური და თევზების 28 გრადუსზე მარსი, ამ შემთხვევაში „საათი“ მოახდენს ზეგავლენას ადამიანზე.

ძირითადი ამბავი

გველმჭერის პერიოდი ასტროლოგიურად არის 15 ნოემბრიდან 30 ნოემბრამდე, ამას ხასგაზმას იმიტომ გადავწყვიტე, რომ  ინტერნეტში უამრავ სტატიაში წერია გველმჭერის პერიოდად 29 ნოემბერი – 17 დეკემბერი, რაც არასწორია, რადგან ესაა მზის ასტრონომიული კოორდინატები გველმჭერის ზოდიაქოში, ხოლო დედამიწიდან დამკვირვებლისთვის ეს არის მორიელის ბოლო7.5 და მშვილდოსნის პირველი 7.5 გრადუსი. 

გველმჭერი ზედა ზოდიაქოს მე-5 ნიშანია და ეს პერიოდი მისი ფუნქციების შესაბამისად იტვირთება.  გველმჭერის დახიასაითება კარმული კუთხით კარგად არის გადმოცემული “შევისწავლოთ ასტროლოგია”-ში და ტექსტს იქიდან დავესესხები, სანამ ამ პერიოდზე ვისაუბრებ:

 “15.11-30.11 ზედა ზოდიაქოს ნიშანიგველმჭერი

გველმჭერი ზედა ზოდიაქოს მეხუთე ნიშანია. ის მდებარეობს მშვილდოსნისა და მორიელის ნიშნების საზღვარზე. ცის კაბადონზე მას შეესატყვისება გველმჭერის თანავარსკვლავედი და ვარსკვლავი რას-ალჰაგი. გველმჭერი ზედა ზოდიაქოს ერთადერთი ნიშანია, რომელსაც პირდაპირი კავშირი აქვს ქვედა ზოდიაქოსთან. სწორედ ამიტომ უწოდებენ მას „ზედა კარიბჭეს“ ან „სამოთხის კარიბჭეს“. მხოლოდ გველმჭერის ნიშანში აქვს ადამიანს მიმდინარე განსხეულე-ბაში უდიდესი ცხოვრებისეული გარდატეხის შესაძლებლობა. მას შეუძლია ჩაკეტილი არსებული სამყაროდან გადავიდეს იდეებისა და პრინციპების უსაზღვრო სამყაროში, ამავდროულად კი დარჩეს ცოცხალი და ისარგებლოს ამ განსხეულებაში დაგროვილი მატერიალური სიკეთეებით. გველმჭერის ნიშანში არაფერი არ იკარგება, არსებულს ემატება საოცარი ამოცანები და განვითარების უფრო მაღალ საფეხურზე გადასვლის პერსპექტივები.

მაშასადამე, პირველი ჯილდო, რომელსაც ზედა ზოდიაქოს მეხუთე ნიშანი აძლევს ადამიანს, ესაა საკუთარი კარმული ამოცანის უფრო მაღალ საფეხურზე შესრულების შესაძლებლობა ფიზიკური სხეულის ცვლილების გარეშე, ანუ სიკვდილში გავლის გარეშე. ამბობენ, რომ გველმჭერი იძლევა კარმიდან გამოსვლის, სანსარის ბორბლიდან გამოსვლის შანსს. ადამიანი, რომელმაც მოახერხა გველმჭერის წარმატებით გავლა, იღებს არჩევანის თავისუფლებას. მას ხელეწიფება

საკუთარი კარმული ამოცანის მატერიალიზაციის ფორმისა და მის შესასრულებლად საჭირო ინსტრუმენტების შერჩევა. კარმული ამოცანის გაუქმება არ ხდება, მაგრამ ნადგურდება მისი განხორციელების მკაცრი ზღუდეები. ადამიანი ხდება თავისუფალი და იღებს შემოქმედებითი მიდგომის საშუალებას, საკუთარი კარმის განსახორციელებლად.

მეორე შესაძლებლობა, რომელსაც იძლევა ზედა ზოდიქოს მეხუთე ნიშანი ადამიანისათვის, ესაა სტიქიის ძალებზე და კოლექტიურ არაცნობიერზე მმართველობა. ამ ნიჭს უზრუნველყოფს გველმჭერის ძირითადი პლანეტა _ პლუტონი. პლუტონი მეცხრე პლანეტაა და ადამიანის ბედზე მისი გავლენის შეფასება ძალიან ძნელია. თაობების, ერებისა და მთელი ცივილიზაციის ბედზე გავლენის მოხდენა სწორედ პლუტონის საქმეა. მითოლოგიურად, პლუტონი ქვესკნელის მბრძანებელია და მას შეუძლია დამანგრეველი, ფეთქებადი ძალების მოთოკვა. სოციუმში იგი როგორც აკავებს, ასევე ხელს უწყობს საზოგადოების ძალებისა და განწყობის რევოლუციურ აფეთქებებს. ადამიანს, რომელსაც მფარველობს პლუტონი, შეუძლია საზოგადოებრივ ცხოვრებაში კოლექტიური ძალების როგორც აღელვება, ქაოსის შეტანა და ნგრევა, ასევე მათი დამშვიდება თავისი ერთი გადაწყვეტილებით. გველმჭერი იძლევა კოლექტიურ არაცნობიერზე მაღლა დგომის საშუალებას, რაც მასზე გასულ ადამიანს აძლევს საშუალებას მართოს კოლექტიური მასები და არჩეული კურსით ატაროს ის, იყოს ბელადი და სხვა უამრავი ადამიანის ბედისწერის მჭედელი. გველმჭერი იძლევა სხვათა დასჯისა და შეწყალების შესაძლებლობას. სულიერი ზრდა ზოდიაქოს მეხუთე ნიშანში, ხდება ზედა და ქვედა სამყაროების ურთიერთშეხებით. ამიტომ, ადამიანს, რომელმაც დაიმსახურა ამ კარით სარგებლობის უფლება, აქვს საკუთარ და

სხვათა კარმაში ჩარევის უფლებამოსილება. მას შეუძლია დაეხმაროს თავის თავს ან სხვა ადამიანს, გაიაროს რაიმე სახის კარმული ამოცანა ინფორმაციულ დონეზე და მიიღოს კარმული გაკვეთილები მათი ფიზიკურ დონეზე დამუშავების გარეშე. ამან, შესაძლოა, როგორც დადებითი, ასევე უარყოფითი შედეგები მოიტანოს. გველმჭერში მუშაობისას ადამიანმა მკაცრად უნდა აკონტროლოს თავისი ქმედებები და გააანალიზოს ისინი, რათა არ დაემსგავსოს მითოლოგიურ ასკლეპიას, რომელიც კურნავდა და სიცოცხლეს უბრუნებდა უღირსს ხალხს, არიდებდა რა მათ ღვთის სასჯელს და ამით არღვევდა მიზეზ-შედეგობრიობის კანონს.

აქვე უნდა აღვნიშნოთ ზედა ზოდიაქოზე გასვლის შესაძლებლობის მქონე ყველა ადამიანის ცდუნება. ყოველთვის საჭიროა გვახსოვდეს ჩვენი ადგილი და არ გადავაბიჯოთ ამ სამყაროში ნებადართულ საზღვრებს. სხვაგვარად პარაზიტი პიროვნებები თქვენი მუდმივი თანამგზავრები იქნებიან, რომლებიც თქვენს შესაძლებლობებს გამოიყენებენ საკუთარი მიზნებისათვის და მუდმივად მიითვისებენ თქვენი შემოქმედების ნაყოფს.

გველმჭერი ადამიანს კიდევ ერთი ნიჭით აჯილდოვებს, ესაა გველმჭერის ფერფლიდან აღდგომის უნარი. ლეგენდარულ ფრინველს – სფინქსს სწორედ გველმჭერის ნიშანთან აქვს კავშირი. თუ თქვენი რაიმე საქმის დასრულების დრო ემთხვევა გველმჭერის პერიოდს, მოემზადეთ იმისათვის რომ ამ საქმის შედეგები დაიფერფლება, რათა პროცესი დაიწყოს თავიდან, განახლდეს. გველმჭერის მისტერიას ეხება მისი უნარი ერთნაირი წარმატებით გაატაროს ადამიანი როგორც დაფერფლილი გზით, ასევე მისი განახლებით. პრინციპში, ორივე ეს გზა ერთი და იგივე პროცესის ორი ბოლოა, განსხვავება კი მხოლოდ აქცენტებშია. ამ აქცენტების დასმა დამოკიდებულია იმაზე, თუ რისკენ მიილტვის გველმჭერის მუშაობის დონეზე გასული ადამიანი თავის
ცხოვრებაში. თუ მას უნდა წარსულის დანგრევა, ექნება დაფერფლილი გზა, ხოლო თუ ააშენებს ახალს, დაეწყება განახლების პროცესი. ამიტომ, გველჭრში მუშაობისას, ყოველთვის გახსოვდეთ იმ ორი გველის შესახებ, რომელიც მას მაგრად უჭირავს ხელში. სანამ არსებობს ზედა
და ქვედა სამყაროს დაყოფა, ეს გველებიც იარსებებენ. შესაძლოა მათი დასუსტება, მაგრამ სრულიად განადგურება არა. მათი მოკვლა ჯერ
არ შეიძლება. გველმჭერი ორივე გველზე მბრძანებლობს და მათი ძალების მოქმედების რეგულირებით, რაც მხოლოდ ზედა ზოდიაქოს
მეხუთ ნიშანში _ გველმჭერშია შესაძლებელი, თქვენ ძალიან ბევრის მიღწევა შეგიძლიათ.
სიკეთე და ბოროტება პირობითი ცნებებია. ბევრი რამ, რაც ერთი ადამიანისათვის კარგია, ცუდია მეორისათვის. გველმჭერში გარკვეული ადამიანების პირადი პრობლემები კი არ წყდება, არამედ კოლექტიური, ყველასათვის საერთო საქმეები. ამ ნიშანში ჩნდება შესაძლებლობა მთელი საზოგადოებისათვის იმ შუალედური გზის მოძებნისა, რომლის მოძრაობისას სიკეთე ხდება აბსოლუტური კონცეფცია, ღვთიური შემეცნების ხის გაგება. სწორედ ამაშია გველმჭერის ამოცანის არსი. კონკრეტულ პიროვნებას შეუძლია და ვალდებულიცაა თავისი იდეებით მიმართულება მისცეს კოლექტიურ მასებს, მაგრამ იმისათვის,
რომ ეს განხორციელდეს, საჭიროა იმის ცოდნა, თუ საითაა გეზი. ასე რომ, გველმჭერში ადამიანი იგებს, თუ საით უნდა იაროს, რათა თავისი მოძრაობით სწორი მიმართულება მისცეს კოლექტიურ არაცნობიერს. ესაა მიმართულება, რომელიც მომზადებულია უმაღლესი ძალების მიერ და რომლის შესახებ ჩანაწერიც ინახება საზოგადოების სხვა წევრთათვის მიუწვდომელ ადგილას. შეიმეცნო და იარო მიუხედავად ყველაფრისა, აი ასეთ შესაძლებლობას აძლევს გველმჭერი ყველას, ვინც გავა მის დონეზე.

გველმჭერის პერიოდისთვის რეკომენდაციები კონკრეტული პერიოდები მზის მდებარეობით ამა თუ იმ ნიშანში კარგია იმ სფეროებისთვის, რომელსაც ნიშანი “მფარველობს”. მაგალითად სასწორის პერიოდში კარგია მიხედოთ სილამაზე, გარდერობს,  ურთერთობის დალაგებას.  ტყპების პერიოდში კარგია ინფორმაციის გავრცელება-მოპოვება, ლომის პერიდში კარგია დასვენება და შემოქმედებით სიხშირეზე ყოფნა და ა.შ. 
ლოგიკურად თუ მივყვებით გველმჭერის პერიოდი, მით უფრო ის მორიელის და მშვილდოსნის საზღვარზეა კარგი იქნება  სულიერი ტრანსფორმაციისთვის, კარმული დავიალინების გადასახდელად, შეცდომების გამოსასწორებლად, საქმეების დასასრულებლად ან პირიქით “დასარესტარტებლად”.

მოამზადა Nina Runes
“ეზოთერული სახელოსნო”

პლანეტა ვეგა

ეს ვარსკვლავი ბუნებით წააგავს მერკურის და ვენერას.მზეზე დაახლოებით 12 ჯერ დიდია. ის მდებარეობს ლირის თანავარსკვლავედში. ვეგას წარმატების მომტანი პლანეტაა, უფრო მოულოდნელი წარმატებების, ავანტურული , დაუგეგმავი აღმასვლის. ადამიანს ვისაც ჰყავს ვეგა ჰოროსკოპში, არ უნდა ჩაეციკლონ საქმიანობის ძირეულ ნაწილს თორემ წარმატება წავა მათთგან. ასცედენტზე ვეგა გვაძლევს მარტოობას, გარიყულობას, მარ…ტოსულობას. თუ მთვარეც ახლოა – დენიზმს.. ფორტუნა აუცილებლად იქნება მაგრამ ის როგორც უცბად მოდის,ასევე უცბად მიდის . როგორც კი ყველაფერი დაწყნარდება, გამართლება და ფორტუნა ტოვებს ადამიანს. როცა ცუდათაა, ადამიანი განცდებშია, ყველაფერი უკან მიდის , სწორედ ამ დროს აჩენს ტავის თავს პლანეტა ვეგა და აძლევს წარმატებას ადამიანს.. ძლიერი ვეგა ასევე არის მაგიის სიმბოლო , ეხმარება მისტიური მიზნების მისაღწევად და ამ მიმართულები მუშაობს ყველაზე კარგად. ჩინელები და არაბები ამ ვარსკვლავს ეძახიან კუს. ასევე ეს ვარსკვლავი არის განკურნების ვარსკვლავი . ვეგას დიდი ძალა აქვს მაშინ თუ ის არის ჰორიზონტზე ან მერიდიანზე . ნატალურ რუქაში ვეგა ხშირად აქვთ სახელმწიფო და პოლიტიკურ მოხელეებსაც უფრო იმ ხალხს ვისაც დიდიწვლილი შეაქვს ისტორიაში. ვეგა არის ვარსკვლავი. მნათობი

ემოციები და მათი მართვა

როდის ვმართავთ ემოციებს და როდის გვმართავენ ემოციები ჩვენ. ადამიანის ორგანიზმს შეისწავლიან მეცნიერები, ბიოლოგები, ქიმიკოსები და ა. შ. . თუმცა, საბოლოოდ, ჯერ კიდევ ვერ ამოვხსენით ჩვენი თავის საიდუმლოები, შეიძლება იმიტომაც, რომ ჩვენი ტვინი და ცნობიერება არაა ამისთვის მზად და არცაა შექმნილი იმისთვის – თავის შექმნა გაიხსენოს. თუმცა შეიძლება, ერთ მშვენიერ დღესაც, რომელიმე საუკუნეში, რომელიმე რიგითმა ადამიანმა, რომელიმე კანის ფერით, რომელიმე სქესით, რომელიმე მსოფლმხედველობით, რომელიმე პროფესიით, რომელიმე სახლში, რომელიმე საწოლში გაიღვიძოს, გაახილოს თვალი და სამყარო ერთიანად შეიცნოს, გაახსენდეს – სად იყო დაბადებამდე და დროის მიღმა გააცნობიეროს, როგორ შეიქმნა ადამიანი. შეიძლება დაესიზმროს და შეიძლება არც დაესიზმროს და ძილბურიდან გაღვიძებამდე ჯადოსნურ მდგომარეობაში აეხილოს თვალები ყოველივეზე. მოკლედ, რადგან ახლა ამას ვფიქრობ, ეს სადღაც ერთხელ აუცილებლად მოხდება. თუმცა მანამდე, სანამ ჩვენ აქ ჩვენს თავებში გარკვევას ვცდილობთ, მინდა გაგიზიაროთ ჩემი გამოცდილება ემოციების მართვასთან დაკავშირებით: ემოცია ენერგიაა, რომელიც გამოვლინდება ადამიანის მიერ და ამას გრძნობს სხვა ადამიანი, გრძნობს წყალი, გრძნობს ყვავილი. ჩვენი ენერგია ცვლის გარემოს. მაგრამ ჩვენ რამდენად ვიცვლებით რომელიმე ემოციის გამოვლენის ან არ გამოვლენის შემთხვევაში?
როდესაც ჩვენში გაჩენილ ემოციას არ გამოვხატავთ და ვიტოვებთ, ეს ჩვენს ჯანმრთელობაზე ცუდად აისახება. როდესაც გარკვეულ სიტუაციაში ვბრაზდებით და სხვა ავტორიტეტების შიშის გამო, საპასუხო რეაქციის შიშის გამო არ ვავლენთ ამ სიბრაზეს, ეს ენერგია რაც უკვე შექმნილია, რჩება ჩვენს ენერგეტიკულ სხეულში და ხდება ენერგეტიკული მოწამვლა. როდესაც ვიღაც გვიყვარს და ჩვენში არსებულ სიყვარულს არ ვავლენთ, ასევე ხდება – მოწამვლა. არაფერი იკარგება, ყველაფერი ჩვენში რჩება, ათი წლის წინათ მიღებული სტრესი, წყენა ისევ ჩვენშია და ჯანმრთელობას გვიზიანებს. აზიანებს ჯერ ენერგეტიკულ სხეულს და შემდეგ გადადის ფიზიკურ სხეულზე. ნეგატიური ემოციის დაგროვება და წლობით ტარება გარდაიქმნება ფიზიკურ ავადმყოფობებად. ჩვენმა უმარვლესობამ ეს ყველაფერი არ ვიცით, რადგან არც სკოლაში უწავლებიათ, არც ჩვენმა მშობლებმა იცოდნენ და არც მედიასაშუალებებით ხდება მსგავსი ცოდნების გავრცელდება. თუმცა, ინტერნეტის ეპოქაში, დაინტერესებულ ადამიანს ყველაფერი შეუძლია გაიგოს. არიან ადამიანები ვინც ფიზიკურ ავადმყოფობებს კურნავენ არაფიზიკური ჩარევით. თუმცა სანამ რაიმე სერიოზული დაგვემართება, იმდენად სერიოზული, რომ მკურნალი დაგვჭირდეს, ჩვენ თავადც შეგვიძლია ჩვენი თავის განკურნება დავიწყოთ. დავიწყოთ ჩვენივე ემოციებზე დაკვირვება, რას განვიცდით, ამ განცდის დროს შეგვიძლია დავაკვირდეთ ემოციას და პროცესებს, თუ მთლიანად ვეფლობით ემოციაში. როდესაც სხვა ადამიანი თავის ენერგიას გვიზარებს, ის ჩვენს მდგაომრეობას ცვლის.
ამ ყველაფრზე დაკვირვება და გაანალიზება ძალიან კარგია, რადგან თავად თქვენ გაიცნობთ თქვენს თავს უკეთესად, ისწავლით სხეულის მოსმენას და თქვენი ემოციების პატივისცემას, ბრმად აღარ აყვებით გარდან თავსმოხვეულ სიტუაციებს. თვითდაკვირვებისას აღმოვაჩენთ, რომ ნებისმერი შეკავებული ემოცია, ადრე თუ გვიან, მაინც გამოვლინდება. გოგონა პაემაზე მორცხვობს და ვერ გამოხატავს თავის სიხარულს, მაგრამ სახლში მისული ცეკვას იწყებს, სტუდენტი, რომელმაც გამოცდა ჩააბარა და მაღალი ქულა მიიღო, სიხარულს აუდიტორიაშივე ვერ გამოხატავს და დერეფანში გასული, სიხარულის ყიჟინას დასცემს, სამსახურში უფროსზე გაბრაზებული მამაკაცი უფროსთან ვერ გამოხატავს თავის პოზიციას და ბრაზდება, მაგრამ სახლში მისული მაინც იცლება ამ ნეგატივისგან და უდანაშაულო ცოლზე ან შვიზლე იყრის ჯავრს, საქმის წარმატებით დასრულებისას, კონტრაქტის გაფორმებისას, იქვე თავს იკავებ გადამეტებული სიხარულის გამოვლენისგან, თუმცა, ქუჩაში გამოსვლისას, ყურებამდე იცინი და ცეკვას იწყებ, მეგობარი გაწყენინებს და არ ეუბნები, მაგრამ ეს წყენა გამახსოვრდება და რამდენიმე თვის ან წლის შემდეგ, როდესაც კიდევ იჩხუბებთ, აუცილებლად გაიხსენებთ იმ ძველ წყენას და პირში მიახლით და ა. შ..
მოკელდ, ეს მაგალითები იმის თვალსაჩინოებისთვის მოვიყვანე, რომ ემოციები, რომელთაც ვიკავებთ, მაინც, აუცილებლად გამოვლინდება ადრე თუ გვიან. თუნდაც საკუთარ თავს უმალავდეთ, არ აღიარებდეთ, თქვენი შინაგანი რეალობა – რეალობაა და, ამას სხეული გამოხატავს. არსებობს სხვადასხვა მედიტაციები, რომლებშიც ხდება ენერგეტიკული წმენდები. ეს ხდება ხშირი სუნთქვის, ცეკვის, ხტუნვის ან თუნდაც ოცი წუთი უმოძრაოდ უფიქრელად ჯდომის საშუალებით, როდესაც ეს შენახული ემოციები ამოდის და ადამიანი თავისუფლდება. შეიძლება, იტირო ნახევარი საათის განმავლობაში და, შემდეგ, ამოისუნთქავ, უფრო შემსუბუქებული, ბედნიერი აგრძელებ ცხოვრებას. ყველა შემთხვევაში, ჩვენი საოცარი ორგანიზმი თვითრეგულირებადია და, როგორც ხელის გაჭრის დროს კანს აქვს რეგენრაციის უნარი, ასევე აქვს ენერგეტიკულ სხეულს და ცხოვრების განმავლობაში, სხვადასხვა გარემოებებში, თუნდაც მუსიკის მოსმენის დროსაც კი, ის რომელიმე ძველ ენერგეტიკულ ჭრილობას გახსნებთ და განიშნებთ, რომ განთავისუფლდეთ. ხუთი წლის წინ თუ ვერ იტირეთ, ახლა იტირებთ და ის ენერგეტიკული მოწმვლა რომ მოხდა, მისგან გათავისუფლდება თქვენი სხეული. ამ ყველაფრისთვის ჯერ საკუთარ ემოციებზე დაკვირვების სწავლაა საჭირო. განვიცადოთ, მაგრამ ამავე დროს გავაცნობიროთ – რა ვიგრძენით და, ასე ვთქვათ, დამკვირვებლები გავხდეთ პროცესის. დამკვირვებელის მდგომარეობაში, თქვენზე კარგად თქვენს თავს, თქვენს სხეულს, ორგანიზმს და ემოციურ სხეულს, ვერავინ ვერც გაიცნობს და ვერავინ განკურნავს. ემოციებით შეპყრობა ყოველთვის საფრთხილოა, რადგან თქვენივე ჯანმრთელობას აყენებთ საფრთხის ქვეშ.
ყველა ემოცია დროებითი ენერგიის გამვლინებაა, ის მოვა და წავა. ძლიერი ემოციის განცდისას გადაწვეტილებების მიღება არ არის სასრგებლო. არის ასეთი გამოთქმაც: „ნუ შეპირდებით, როცა გახარებული ხართ და ნუ მიიღებთ გადაწყვეტილებას, როდესაც გაბრაზებული ხართ“. ერთიდაიგივე სიტუაციაზე, გახარებულნი – სხვანაირად ვფიქრობთ, გაბარზებულნი – სხვანაირად. ემოციური მდგომარეობები უნდა გავმიჯნოთ ჩვენი თავისგან და გავხდეთ, პირველ რიგში, დამკვირვებლები, რომლებიც ობიექტურად გრძნობენ რეალობას. დამკვირვებლები, რომლებიც იცნობენ საკუთ თავს. ის ,ვინც იცნობს თავის თავს, ფლობს თავის თავს და, ვინც ფლობს თავის თავს, ფლობს – ცხოვრებას.

მინერალური ქვების ტარება მთვარის დღეების მიხედვით

მთვარის 1-ლი დღე: ბრილიანტი, შავი ძოწი, მარგალიტი, ოპალი, მთის ბროლი, ოლივინი.
მთვარის მე-2 დღე: ავანტურინი, ფერადი აქატი, აქვამარინი, ლალი, ნეფრიტი (jade), ხალცედონი.
მთვარის მე-3 დღე: ავანტურინი, აქატი, აქვამარინი, ნეფრიტი, მარჯანი, ლალი, ხალცედონი, წითელი სარდენი.
მთვარის მე-4 დღე: აქატი, ამაზონიტი, მწვანე ნეფრიტი, სერდოლიკი, პერელივიტი
მთვარის მე-5 დღე: მარმარილო, ვარდისფერი ხალცედონი, როდონიტი, ქარვა, ფირუზი.
მთვარის მე-6 დღე: ფირუზი. ვარდიფერი კვარცი, ლაზურიტი, ციტრინი, გიანციტი
მთვარის მე-7 დღე: საფირი, თეთრი მარჯანი, საფირონი, ჰელიოტროპი, ობსიდიანი
მთვარის მე-8 დღე: წითელი ჰიანციტი , მარმარილო, ოლივინი, ჰრიზოლიტი, იასპი, მორიონი.
მთვარის მე-9 დღე: შავი მარგალიტი, ალექსანდრიტი, მირიონი, რაუხტიპაზი, змеевик
მთვარის მე-10 დღე: ფირუზი, ოლივინი, სერდოლიკი, ქრიზოლიტი, ქარვა
მთვარის მე-11 დღე: ცეცხლოვანი ოპალი, სელენიტი, სერდოლიკი, ჰემატიტი
მთვარის მე-12 დღე: ამეთვისტო. ვარდიფერი მარგალიტი. კორალი, ლაზურიტი.
მთვარის მე-13 დღე: ლალი, ტურმალინი, წითელი ოპალი.
მთვარის მე-14 დღე: ჰიანციტი, ლაზურიტი, ნეფრიტი, საფირონი
მთვარის მე-15 დღე: აქატი, გაგატი, მირიონი, სელენიტი
მთვარის მე-16 დღე: ნებისმიერი მარგალიტი (გარდა შავისა). ფირუზი, ობსიდანი, ჩაროიტი, შპინელი.
მთავრის მე-17 დღე: გამჭირვალე ამეთვისტო, ცირკონი, ყვავის და შევარდენის თვალი.
მთავრის მე-18 დღე: თეთრი აქატი, აქვამარინი, ღია ფერის ამეთვისტო, ოპალი, შპინელი.
მთვარის მე-19 დღე: გაგატი, ჰემატოტი, მწვანე ძოწი, ლაბრადორი, მორიონი, ოლივინი, წითელი ონიქსი, ხრიზოლიტი
მთავრის მე-20 დღე: მთის ბროლი, წითელი იასპი
მთვარის 21-ე დღე: ავანტურინი, ალექსანდრიტი, ობსიდიანი, პირიტი , ცირკონი
მთვარის 22-ე დღე: ცისფერი აქატი, ლურჯი საფირონი, ცისფერი ნეფრიტი, წითელი ქარვა, ლურჯი იასპი.
მთვარის 23-ე დღე: змеевик, მწვანე კროკოდილიტი, შავი ნეფრიტი, სარდერი, რაუხტოპაზი
მთვაროს 24-ე დღე: მალახიტი, მარიონი, ცისფერი ნეფრიტი, ონიქსი, შავი იასპი, ჰაეროვანი ობსიდიანი.
მთვარის 25-ე დღე: მწვანე კატის თვალი, ცისფერი ან ლურჯი შევარდენის თვალი, ჟღალი ვეფხვის თვალი, ნებისმიერი კვარცი.
მთვარის 26-ე დღე: ყვითელი ან ცისფერი ნეფრიტი, მარჯანი, ჟადეიტი, ხრიზოპრაზი.
მთვარის 27-ე დღე: იასამნისფერი გამჭირვალე ამეთვისტო, ზურმუხტი, ვარდისფერი ან მალინისფერი კვარცი, წითელი კორალი, მალახიტი, ლაზურიტი, რიუხტოპაზი, სელენიტი, ჩაროიტი.
მთვარის 28-ე დღე: ადულიარი, აქვამარინი, ამეთვისტო, ჟადეიტი, რძისფერი ოპალი, ქრიზოლიტიმ ქრიზოპრაზი.
მთვარის 29-ე დღე: შავი მარგალიტი, змеевик, კახოლონგი, ობსიდიანი, თეთრი ოპალი, ფერადი იასპი.
მთვარის 30-ე დღე: შავი ძოწი, თეთრი მარჯანი, მარმარილო, ტურმალინი, მთის ბროლი.

N.G.

ენერგეტიკული მიჯაჭვულობა

ენერგეტიკული ბმა (კავშირი) – ეს ის თემაა, რომელზეც ძალინ ბევრი დაწერილა და ძალიან ბევრს საუბრობენ, მაგრამ მაინც მინდა ის ინფორმაცია შევკრიბო რაც მაქვს და კიდევ ერთხელ დავწერო ამის შესახებ.
„ბმა ანუ კავშირი“ – ეს არის ენერგეტიკული არხი, რომელიც წარმოიქმნება ადამიანის ურთიერთქმედების დროს სხვა ადამიანებთან, ნივთებთან ან ეგრეგორებთან.
მაგრამ აქვე უნდა ითქვას, რომ ენერგეტიკული არხი და ენერგეტიკული ბმა (ან მიჯაჭვულობა) ძალიან განსხვევბული ცნებებია.
ენერგეტიკული არხი წარმოიქმენბა მუდმივად, ჩვენი ნებისმიერი ქმედების დროს და ამ არხში გამავალი ენერგიის საშუალებით დგება ქმედების შედეგი ანუ ვიღებთ შედეგს. თუ ადამიანს არ აქვს ენერგეტიკული კავშირი სხვა ადამინებთან ის უბრალოდ ვერ იცოცხლებს, არ შეიძლება მათი გაწყვეტა და დაბლოკვა.
ენერგეტიკული ბმა (ან მიჯაჭვულობა) – ესეც ენერგეტიკული არხია, მაგრამ აქ უკვე საქმე გვაქვს ენერგეტიკულ დარღვევებთან. უფრო მარტივად რომ ვთქვა, ამ დროს ადამიანი დამოკიდებულია (ანუ მიჯაჭვულია) ვინმეზე ან რამეზე, რაც იმას ნიშნავს რომ ირღვევა სამყაროს კანონები. რაც უფრო დიდია მიჯაჭვულობა, მით ნაკლებად ვითარდება ადამინის სული და მით უფრო ადვილია მისი მართვა იმ საგნებით ან ადამიანებით რაზეც/ვიზეც მიჯაჭვულია.
ცხოვრების მანძილზე ყველა ადამიანს აქვს შექმნილი ენერგეტიკული დამოკიდებულება, ისე რომ ვერც კი აცნობიერებს ამას. ნებისმიერი ენერგეტიკული არხი რომელსაც ჩვენ ვქმნით ურთიერთქმედების დროს, თუ მასში ენერგეტიკა სწორად არ მიედინება – ჩვენთვის დამღუპველია, რადგან ადამიანი ამ დროს აჩერებს განვითარებას, ხოლო თუ არ განვითარდა მაშინ იწყებს დეგრადირებას.

ძირითადი მიზეზები, რის გამოც წარმოიქმნება ენერგეტიკული მიჯაჭვულობა არის ღვთაებრივი და სამყაროს კანონების დარღვევა. ეს ყველაფერი ძირითადად ნეგატიური ემოციებით გამოიხატება და პირდაპირ ბლოკავს ჩაკრებს. განვიხილოთ ძირითადი ემოციები, რომლის დროსაც ჩაკრა წყვეტს ენერგიის სწორ გატარებას:

1. მულადჰარა (საბაზისო ჩაკრა)- შიში და აგრესია.
2. სვადჰისტანა (სქესობრივი ჩაკრა) – აკვიატებული იდეა და რამის დაჟინებით ნდომა.
3. მანიპურა ( მზის წნული ან ჭიპის ჩაკრა) – დამოჩილება ან პირიქით ძალაუფლებისკენ სწრაფვა.
4. ანაჰატა ( ცენტრალური ანუ გულის ჩაკრა) – გადამეტებული სიყვარული ან სიძულვილი.
5. ვიშუდჰა ( ყელის ჩაკრა) – თვითრეალიზაციისკენ სწრაფვის გადამეტებული ნდომა.
6. აჯნა ( მესამე თვალი ) – მიჯაჭვულობა პრინციპებეზე და იმ თემებზე, რაც ადამიანს ჭეშმარიტება გონია.
7. საჰასრარა (გვირგვინის ჩაკრა) – მიჯაჭვულობა ეგრეგორებზე.

ნატიფ დონეებზე მიჯაჭვულობა ჩანს, როგორც სხვადასხვა დიამეტრის მქონე მილები, რომლებშიც მიედინება სხვადასხვა ფერის და კონსისტენციის ენერგია.
საშიში არა თავად კავშირია, ეს უბრალოდ ენერგეტიკულია არხია, საშიში ის ენერგიაა რომელიც მასში გადის, როცა ამ კავშირის ერთ მახერეს დგას ადამიანი, რომელიც არ არის თავისუფალი და ამასთან ცდილობს დაიმორჩილოს სხვა.
ამ დროს ადამიანი გრძნობს ძლიერ მისწრაფებას იმისკენ რაზეც ან ვისზეც მიჯაჭვულობა აქვს. ყველაზე ცუდი ის არის რომ ეს მიჯაჭვულობები გაუცნობიერებლად ხდება. ფიზიკურ დონეზე ეს ძირითადად სოციუმში დაწესებული კანონების და სტერეოტიპების საშუალებით ხდება, ხოლო უფრო ღმა ფენებში, მაგალითად ასტრალური თავდასხმის დროს (რაც ხშირად არც კი ახსოვს ადამიანს და სიზმარი გონია) ჩნდება ასეთი კავშრი თავდამსხმელს და მსხვერპლს შორის.
ენერგეტიკული მიჯაჭვულობების შექმნა ხელოვნურადაც შეიძლება. ძალიან მარტივი მაგალითებია ის რასაც ვეძახით „ჯადოს“ ან გათვალვას. ამ დროს ნატიფ დონეზე მილების ნაცვლად კვანძები ან კაუჭები ჩანს, რომელშიც უარყოფოთი ენერგია მიედინება. ოკულტიზმში არსებობს მეთოდები, რომლის საშუალებითაც ასეთი კავშირების გაწყვეტა ხდება.

 ენერგეტიკული მიჯაჭვულობები შეიძლება იყოს აქტიური და პასიური, იმისდა მიხედვით მიედინება თუ არა მასში ენერგია.
განვიხილოთ მაგალითები:

შეცოდება, სურვილი დაეხმარო, გადაარჩინო. ძალინ ბევრი ებმება ამ მახეში, რადგან თვლის რომ ამით სიკეთეს აკეთებს. ეს დათვური სამსახურია ენერგეტიკულ დონეზე. მრავალი წლის განმავლობაში შეცოდებიდან წამოსული ენერგიით იკვებაბა ის ადამინი ვინც გვეცოდება, ეს დამანგრეველია. ასეთ კავშირს პარაზიტული ეწოდება,
წყენა- ეს გრძნობა ითვლება ერთ-ერთ ყველაზე ძლიერ ემოციად, რომელიც ნეგატიურ ზეგავლენას ახდენს იმ ადამინის ჯამრთელობაზე რომელსაც გულში წყენა აქვს. საქმე იმაშია, რომ გაბრაზების დროს ადამიანი აზრობრივად დაუსრულებლად უბრუნდება წყენის ობიექტს და მასზე ფიქრის დროს აძლევს საკუთარი საციცოხლო ენერგიის დიდ ნაწილს.
შურისძიება, სურვილი დაამტკიცო საკუთარი სიმართლე. ძნელია დაივიწყო და გაუშვა ადამიანი, მაშინ როცა თავში მხოლოდ ის აზრი გიტრიალებს, როგორ დასჯი, როგორ ეტყვი საპასუხოდ რამეს, როგორი სახის გამომეტყველება ექნება ამ დროს და ა.შ.
სინანული, დანაშაულის გრძნობა. აქ უკვე საქმე გვაქვს აგრესიასთან, რომელიც მიმართულია საკუთარი თავისკენ. ეს ნიშნავს, რომ თქვენ თქვენს თავს ართმევთ შეცდომის დაშვების უფლებას. ეს არაპროდუქტიული ემოციაა, რადგან ადამინს არ შეუძლია წარსულის შეცვლა. ამიტომ ადამიანი მხოლოდ იმაზე ფიქრობს, როგორ მოიპოვოს პატიება სხვა ადამინისგან. ამ დროსაც ძლიერი მიჯაჭვულობა წარმოიქმენბა.
მატერიალური დანაკარგები. არდაბრუნებული ვალი აკავშირებს ორ ადამინს ენერგეტიკულად ძალინ დიდ ხნის მანძილზე, ამასთან რაც უფრო დიდ თანხაზეა საუბარი, მით უფრო ძლიერია კავშირი. ვინც გასცა იმას უფრო მარტივად შეუძლია გამოზრომა: თუ შეძლებს აზრობრივად დათმოს და „გამოიტიროს“ თავისი ფული და დაკარგულად ჩათვალოს და აპატიოს მევალეს, ან ჩათვალოს რომ აჩუქა. რაც შეეხება მევალეს, აქ ცოტა უფრო რთულადაა საქმე; როგორც არ უნდა ეცადოს ვერ დაივიწყებს რომ ვალი აქვს. აქ ერთადერთი ვარინტია ვალის დბრუნება. ხშირად არის სიტუაციები, როცა ვალის დაბრუნება ძნელდება, ამ შემთხვევაში აუცილებელია გამოვიმუშაოთ ეს ვალი. ქურდობა, ყაჩაღობა, თაღლითობა- ეს ქმედებებიც ადიდ ენერგეტიკულ კავშირებს ქმნიან მსხვერპლსა და დამნაშავეს შორის. დასკვნა: უნდა მოიშოროთ ძლიერი სურვილი ფულის და ნივთების ქონის. თუ სწორ გზაზე დგეხართ ის რაც გჭირდებათ აუცილებლად მოგეცემათ, ასეთია ბუნების კანონი.
ვალდებულების გრძნობა, რომ გადაუხადოთ პატივისცემა და ამაგი სხვას. აქაც იგივე სიტუაციაა, როგორც ზემოთ, მაგრამ აქ საუბარია უკვე არა მატარეალურ, არამედ სულიერ თემებზე. „მე შენს წინაშე ვალში ვარ“ – ეუბნება ერთი ადამინი მეორეს და ამით ქმნის უძლიერს კავშირს მასთან. ვალებს დაბრუნება უნდა, რადგან არაფერი არ არის „უფსო“, მაგრამ აქვე არ უნდა დაგვავიწყდეს ის მეორე ადმინი ტავისი საკუთარი ნებით გვიკეთებს სიკეთეს და ასეთ შემთხევავში გულწრფელი მადლიერებაც საკმარისია.
ადამიანები ცხოვრობენ ერთად, მაგრამ ფაქტიურად უკვე გაუცხოებულებბი არიან, გაიარეს რაღაც ეტაპი და ვეღარ მიდიან წინ, რადგან დამოკიდებულება აქვთ ერთმანეთის მიმართ. ან ერთ-ერთი პარტნიორი უფრო განვითარებულია სულიერად და მას სჭირდება წინ წასვლა და ზრდა, მაგრამ მეორე უფრო ნაკლებ განვითარებული პარტნიორი არ აძლევს მას ამის საშუალებას. რა ხდება ამ დროს ენერგეტიკულ დონზე და რითი იკვებება ეს კავშირი? – ჩვევები, ვალებულების გრძნობა, პასუხისმგელობა, ბავშვებზე ზრუნვა, მიჯაჭვულობა ერთად შექმნილ მატერიალურ ფასეულობებზე, პარტნიორის შეცოდება (როგორ იქნება უჩემოდ?), მოკლედ ყველაფერი შეიძლება იყოს მიზეზი სიყვარულის გარდა.
მოთხოვნილება ფლობდეთ მეორე ადამიანს, დამოკიდებულება, ვნება, ეჭვიანობა და ა.შ. ყველაფერი ის რასაც ჩვენ ვეძახით სიყვარულს და მის გამოვლინებას. ამ დროს ადამიანი ემსგავსება პატარა ბავშვს, რომელსაც სათამაშო უნდა და არ აძლევენ, ჟინი იზრდება, ირგვლივ ვეღარაფერს ხედავს და იმდენად ფიქრობს ამ ყველაფერზე, რომ ჩნდება ენერგეტიკული დამოკიდებულება. არ აურიოთ ეს ყველაფერი სიყვარულში!!! სიყვარული არ მოიცავს თავის თავში მეორე ადამინის თავისუფლების შეზღუდვას და სურვილს აკონტროლო ის!
ცალმხრივი სიყვარული. ეს შეიძლება ითქვას ყველაზე გრძელვადიანი და ხანგრძლივი ენერგეტიკული მიჯაჭვულობაა, ნატიფ დონეებზე კი სამუდამოც ალბათ ( მოგძებნი შედეგ ცხოვრებაში.. და ეს გრძელდება დასურულებლად, ერთი სული ეძებს მეორე სულს და ამის გამო ვერ ვითარდება). ეს კავშირი იმით არის ცუდი რომ ზუსტად იგივე დოზით ვნებს სიყვარულის ობიექტს, როგორც ამ ადამიანს ვისაც უყვარს. ეს ჩვეულებრივი ვამპირიზმია. ამასთან სანამ არ გააცნობიერებს ადამიანი ამ კავშირის ნეგატიურ მხარეს, მანამდე შეუძლებელია რეალურად შეუყვარდეს სხვა და გააგრძელოს ცხოვრება, თუ ასე მოხდა მაინც ეს იქნება ხანმოკლე და რთული კავშირები საკუთარი თავის მოტყუების მიზნით.
მშობლები. ეს ის შემთხვევაა როცა მშობლები (განსაკუთრებით კი დედა) ცდილობს მთლიანად აკონტროლოს ბავშვი. თავისი ზრუნვით და სიყვარულით ახრჩობს (სრული ამ სიტყვის მნიშვნელობით) ბავშვს ენერგეტიკულ დონეზე. ასევე აქ ირთვება სხვა მიჯაჭვულობაც – დაიმორჩილო სხვა ადამიანი შენი შიშის გამო, რომ არ დარჩე მარტო. შედეგები საკმაოდ სავალალოა: თუ ბავშვი იპოვის ძალა საკუთარ თავში და გაწყვიტავს ამ კავშირს, ეს ნიშნავს, რომ აღარ ექნება მას მშობელთან ურთიერთობა, ან ვერ იპოვის ძალა და დარჩება არასრულფასოვალ პიროვნებად ბოლომდე. მაგალითად, თუ გარდატეხის ასაკში დედა არ აღიქვამს თავის ვაჟს დამოუკიდებელ პიროვნებად და არ უშვებს მას, მაშინ დედის ენერგია პირდაპირ ბლოკავს მის საბაზისო ანუ პირველ ჩაკრას, რასაც შედეგად მოყვება მუდმივი გაუმართლებლობა ვაჟის პირად ცხოვრებაში. ასევე ამ კავშირის შედეგია, როცა ადამნს არ შეუძლია დედისგან წამოსვლა და თან მთელი ცხოვრება იტანჯება მის გვერდით. აქვე უნდა აღინიშნოს, რომ დედებს ზოგადად ვაჟებთან უჩნდებათ ენერგეტიკული მიჯაჭვულობა, ხოლო მამებს გოგონებთან ( მაგრამ მამის მიჯაჭვულობა ძალინ იშვითი შემთხვევაა ხოლმე).
გულწრფელი გრძნობების და სურვილების დაფარვა. ადამინი მთლინად ეხვევა სოციუმის ჩარჩოებში და სტერეოტიპებში, რის გამოც ხშირად მალავს სიყვარულს, ხშირად იქცევა სტერეოტიპულად, რადგან ადამინებმა არ დასცინონ, ხშირად იტყუილებიან და მილიონი შეცდომის დაშვება უწევთ. ამით ისინი ბლოკავენ გულის ჩაკრას.

რაც უფრო ძლიერია მიჯაჭვულობა, მით უფრო ხანგრძლივია ის და ხშირად რამოდენიმე რეინკარნაციის მანძილზე მისდევს ადამიანს. ყველა კარმული კავშირის საფუძველი მიჯაჭვულობაა: უპასუხო სიყვარული, შურისძიება, დუმთავრებელი საქმე და ა.შ. .. ეს ყველაფერი კი იქამდე გრძელდება, სანამ ადამიანი არ განთავისუფლდება ამ დამოკიდებულებებისგან.

ძალინ ბევრი პრაქტიკა არსებობს ამ კავშირების გასაწყვეტად, რომლებსაც შემდეგ სტატიში შემოგთავაზებთ, მანამდე კი დაფიქრდით:
რეალურად გჭირდებათ ის რისკენაც ისწრაფვით?
რეალურად არ შეგიძლიათ უარი თქვათ ცდუნებებზე და სტეროტიპებზე?
რა არის თქვენთვის მთვარი მიზანი?! ძალაუფლება და მისი დემონსტრაცია თუ განვითარება?
ხართ რეალურად თავისუფალი?

მოამზადა Nina Runes
“ეზოთერული სახელოსნო”