მერკური ნათალურ რუკაში

მერკური ნათალურ რუკაში მნიშვნელოვან როლს ასრულებს, ის იღებს ყველანაირ ინფორმაციას რაც გარემოშია და ფილტრავს, ასევე ეს არის ადამიანის გონება, ინტელექტუალური შესაძლებლობები და მოკლედ ყველაფერი ის რაც თქვენ წარმოგიდგებათ სიტყვა „ტვინის“ ხსენებაზე.
მერკურის ფუნქციაა ინფორმაცია გაამარტივოს, მისაწვდომი, გასაგები და პრაქტკული გახადოს.
ადამიანი გამოხატული მერკურის ენერგიით ძალიან მარტივად, უშალოდ და გასაგებად ხსნის ურთულეს თემებს, შეუძლია სხ/სხ ტიპის ადამიანებთან ურთიერთობა.
„მასწავლებელია“ რომელიც ინფორმაციას ანაწევრებს მსმენელისთვის მისაღებ (სასარგებლო) ნაწილებად და ფაქტიურად „დაღეჭლს უდებს პირში“ . ამასთან უნდა ვიცოდეთ, რომ ღეჭვის რეფლექსიც მერკურის თემაა.
მერკურის მეორე მნიშვნელოვანი ფუნქცია ჯანსაღი კრიტიკა და კონკრეტიკაა (დანაწევრება და გასუფთავება). სწორედ ამისთვისაა კრიტიკა საჭირო, დიდი და ზღვა ინფორმაციიდან მხოლოდ საუკეთესო დაიტოვოს და უმნიშვნელო გადადოს გვერდით. ანუ მარტივად რომ ავხსნათ – როცა ადამინი კარგი მერკურით უყურებს ცუდს ფილმს, ის აუცილებლად მონახავს ფილმში ისეთ მონაკვეთს რომელიც მისთვის სასარგებლო იქნება დ პრაქტიკაში გამოადგება, მაგრამ ეს სულაც არ ნიშნავს რომ მას ფილმი მოეწონა.
თუ მერკური დაზიანებულია და ცუდად მუშაობს: ეს ნიშნავს რომ ადამიანს არ შეუძლია კრიტკულად შეხედოს ინფორმაციას ( ანუ დაანაწევროს და გაფილტროს) და შესაბამისად მას ბრმად ჯერა ყველაფრის რასაც ტელევიზორში უყურებს ან სტატიებში კითხულობს. „ყველა ასე ამბობს და ყველა ასე ფიქრობს – ე.ი. ეს არის სწორი“.
განვითარების დაბალ საფეხურზე მერკური ადამიანს უყალიბებს შეხედულებებს, რომელიც ამოკრიფა სხვა ადამინებისგან (ეს ძირითადად შაბლონები და სტერეოტიპებია)- ამ შემთხვევაში, როცა გარე შეხედუებები ძალინ ბევრია ადამიანს აღარ აქვს სურვილი ჩართოს ლოგიკა. განსაკუთრებით ჩვენს თანამედროვეობაში ეს ძალიან გავრცელებული „დაავადება“.
მერკური გამტარია – „შუამავალი ღმერთებს და ადამიანებს შორის“ – არქტიპულად ცნობიერსა და ქვეცნობიერს შორის – შესაბამისად თუ მერკური სწორად ვერ მუშაობს და თავის ფუნქციებს ვერ ასულებს, ცნობიერი ფიქრობს ერთს, ქვეცნობიერი მეორეს. ავიღოთ ყველაზე გავრცელებული მაგალითი, როცა ადამიანს არ მოსწონს თავისი სამსახური, მაგრამ ვერ მოდის რადგან არ იცის სად წავიდეს – არააქვს ვარიანტები, შინაგად იცის რომ არასწორ ადგილას არის, მაგრამ შინაგანი სისწორე და ვარიანტები ვერ ამოაქვს ზედაპირზე მერკურის უფუნქციობის გამო. როგორც კი დაიწყებს მერკურის ენერგიაზე და დასტაბილურებაზე მუშაობას, მაშინვე წამოვა უამრავი ახალი იდეა, რომელიც მანამდე ფანტასტიკის სფერო იყო მისთვის.
არააქვს მნიშვნეობა რამდენად ცუდი მდებარეობა აქვს თქვენს მერკურის რუკაში, მთვარია იმუშაოთ ამ საკითხზე, დატვირთოთ თქვენი ყოველდღიურობა მერკურის ენერგიით, თორემ რაც უფრო დაბალ დონზე ვლინდება მერკური მით ნაკლებია კონკრეტიკა, მით მეტია ამღვრეული რეალობა, აზრი რომელზეც ფიქრის დროსაც ენერგია არ გყოფნით რომ დაასრულოთ ლოგკურად, ეგერვე გადადიხართ სხვა აზრზე, მერე ეძებთ რამე მარტივ საკვებს ტვინისთვის, რაღაცას ფასტფუდივით, შედიხართ სწრაფი კვების ობიექტში – სოციალური ქსელები, მესენჯერები, მარტივი სერიალები – ფაქტიურად ჩაკეტლ წრეზე მოძრაობთ.
მერკური ეს მსახურის არქეტიპია – ჩვენი გონება უნდა გვესახუროს ჩვენ (მზეს) და არ უნდა მართოს ის. მერკური ეს სისფთავეა (გაფილტრული, გაწმენდილი, დახარისებული ინფორმაცია) – იმუშავეთ იმაზე რომ გონება მუდამ სუფთა გქონდეთ. დაასვენეთ ხოლმე ტვინი ფასტფუდისგან ^_^
✔️მერკური ასტროლოგიაში გარდა გონებრივი შესაძლებლოებისა ეს არის გადაადგილება, გზები.
ნეოროფიზიოლოგიურ დონეზე (ისევ ტვინს თუ დავუბრუნდებით) ეს არის ნეირონები. რაც უფრო კარგად მუშაობენ ნეირონები – მით უფრო მეტ დენს ატარებენ და მით უფრო იზრდება შანსი ახალგაზრდობის გახანგრძილვების J)) (მითოლოგიურად მერკური უბერებელი ახალაგაზრდა ბიჭია),
როგორც კი ნეირონები კარგავენ პლასტიურობას, ორგანიზმში ნერვული აქტივობა ეცემა და იწყება დაბერების პროცესი (როგორც ფიზიკურად, ისე ფსქოლოგიურად). ნერვული უჯრედები ანელებენ ზრდას ( მითი იმის შესახებ რომ ნერვული უჯრედები აღდგენას არ ექვემდებარება, თითქმის 20 წლის წინ დაიმსხვრა, ასე რომ მივხედოთ მერკურის).
ჩვენი მოვალეობაა ხელი შევუწყოთ ნერონების მუშაობს და მერკურის ენერგიის დაბალანსებას ჩვენს ცხოვრებაში.
„ახალი მარშუტები“ ძველი ადგილების მოსანახულებლად, ანუ ვაკეთოთ ის რასაც ვაკეთებდით, მაგრამ ახალი მეთოდებით – ეს არის ტვინის ყველაზე კარგი სავარჯიშო.
თქვით, რომ დღეში მინიმუმ 10 წუთი ყოველ საღამოს წაიკითხავთ რაიმე ახალს, არააქვს მნიშვნელობა რას, მთვარია ახალი იყოს. ნებისმიერი თამაშები სიჩქარეზე (მაგარამ არავითარ შემთხვევაში არ გახდეთ დამოკიდებული ერთ რომელიმე თამაშზე – ეს ტვნისთვის ნაცნობი გზებით სიარულს ნიშნავს). დალაგება – ფიკურად რარაცის წმენდა, გასუფთავება, გადახარისხება.
სტიქია, რომელშიც მერკურია მიუთითებს ნეირონების სტიმულაციის საუკეთესო ვარიანტებს.
?ცეცხლის ნიშნებში (ვერძი, ლომი, მშვილდი)-სავარჯიშოები ჩქარ აზროვნებაზე, ჩქარი კითხვის ტექნიკა, ხელების მოტორიკის განვითარება სისწრაფეზე (დაშლა-აწყობა კოსტრუქტორის).
?წყლის ნიშნებში (კირჩხიბი, მორიელი, თევზები) – წარმოსახვითი სავარჯიშოები თუნდაც მოგონენებზე, წერა შეგრძნბებზე – რას ვხედავ, ნეიროგრაფკა, ძერწვა.
?ჰაერის ნიშნებში (ტყუპები, სასწორი, მერწყული) – სპონტანური ნახატების ტექნიკა, დეტექტიური თამაშები, მათემატიკური გაანაგრიშებები ზეპირად. აქ განასკუთრეით მნიშვნელოვანი ახალი გზები და მიმართულებებია – ახალი ნაცობობა, ინფორმაციის გაცვლა.
?მიწის ნიშნებში (კურო, ქალწული, თხისრქა)- ხელის მოტორიკა, ხელის ბურთები, ძერწვა, სპონტანური ცეკვები, სადაც მოძრაობები არ მეორდება.
გაახალგაზრდავეთ თქვენი მერკური

მოამზადა : ნინა გეგეჭკორი
“ეზოთერული სახელოსნო”

პარალელური სამყაროები

უამრავი გამოკვლევის საფუძველზე, მეცნიერები ამტკიცებენ, რომ პარალელური სამყარო რეალობაა. ის არსებობს ერთდროულად, ჩვენს სამყაროსთან ერთად. ამ რეალობას შეიძლება გააჩნდეს განსხვავებული ზომები – პატარა არეალიდან მთელ სამყარომდე. იქ მოვლენები თავისებურად ვითარდება და განსხვავდება აქ მიმდინარე მოვლენებისგან – როგორც უმნიშვნელო დეტალებით, ასევე კარდინალურად. მრავალი საუკუნის მანძილზე კაცობრიობა მშვიდობიანად არსებობს პარალელური სამყაროების მაცხოვრებლებთან ერთად, მაგრამ გარკვეულ მომენტებში საზღვრები სამყაროებს შორის ხდება გამჭვირვალე და ამის გამო ერთი მეორეში გადადის.

კაცობრიობა დიდი ხნის წინ დააფიქრა პრობლემამ პარალელური სამყაროების არსებობაზე. ასეთი სამყაროები პირველად ნახსენებია ძველი ბერძენი ფილოსოფოსების ნაშრომებში. კაცობრიობის განვითარებასთან ერთად, უფრო მეტი ინტერესი გაჩნდა ამოუხსნელი მოვლენების მიმართ. ცნობილი იტალიელი მოაზროვნე ჯორდანო ბრუნო ამბობდა, რომ ჩვენი სამყაროს გარდა არსებობს სხვა სამყაროებიც. საბოლოოდ, როგორც ვიცით, ის გახდა ინკვიზიციის მსხვერპლი, რადგან მისი წარმოდგენა სამყაროზე სრულიად განსხვავდებოდა იმდროინდელი წარმოდგენისგან. დღეს ასეთი აზრებისთვის მეცნიერებს კოცონზე აღარ წვავენ, თუმცა მკვლევარებს ჯერ კიდევ ვერ აუხსნიათ პარალელური სამყაროს საიდუმლო.
არსებობს არაერთი თეორია, მაგალითად, აინშტაინის აზრით, ჩვენი სამყაროს გვერდით არის სხვა სამყარო, რომელიც წარმოადგენს ჩვენი სამყაროს სარკისებრ ანარეკლს.

ერთ-ერთი მოსაზრებით, გასაღები ალტერნატიული რეალობისა იმალება ე.წ. მეხუთე განზომილების არსებობაში. დროის განზომილების და სამი სივრცის გარდა არსებობს კიდევ ერთი, რომლის აღმოჩენის შემდეგ, კაცობრიობას საშუალება მიეცემა იმოგზაუროს პარალელურ სამყაროებში.
ხალხს ყველაზე მეტად ის უფრო აინტერესებს, შეიძლება თუ არა დავინახოთ ან შევეხოთ ამ ალტერნატიულ რეალობებს.
თუ ყურადღებას მივაქცევთ არსებულ ფიზიკურ კანონებს, მაშინ არ შეიძლება იმის უარყოფა, რომ კავშირი სამყაროებს შორის შეიძლება განხორციელდეს კვანტური გვირაბის საშუალებით. ამ ჰიპოთეზის ავტორი არის ფიზიკოსი კრისტოფერ მონდრო. ის ამტკიცებს, რომ თეორიულად შესაძლებელია ერთი სამყაროდან მეორეში გადასვლა, მაგრამ ამისთვის საჭირო იქნება უზარმაზარი, კოლოსალური რაოდენობის ენერგია, რომელიც სამყაროშიც კი არ მოიპოვებაა. ამიტომაც გამოდის, რომ ასეთი გადასვლა განუხორციელებელია.
მაგრამ არსებობს სხვა თეორიაც, რომლის თანახმად, სამყაროებს შორის გადასასვლელ ხიდს წარმოადგენს შავი ხვრელი, რომელიც ენერგიის შემწოვი მატერიაა. კოსმოლოგები ამტკიცებენ, რომ შავი ხვრელები შესაძლოა ემსახურებოდნენ გზას ერთი რეალობიდან მეორეში.
ამ თეორიამ შესაძლოა ახსნას, თუ როგორ ჩნდებიან ახალი ვარსკვლავები. ასტრონომები დიდი ხნის მანძილზე ბჭობენ, თუ საიდან და როგორ წარმოიშობიან ციური სხეულები. ისე ჩანს, თითქოს მატერია იქმნება არაფრისგან. მაგრამ თუ განვიხილავთ ერთ-ერთ ვარიანტად იმას, რომ ახალი ციური სხეული წარმოიშვება, ანუ მატერიალიზდება პარალელური სამყაროდან, მაშინ შეგვიძლია ჩავთვალოთ, რომ პარალელურ სამყაროში გადაადგილება შეუძლია ნებისმიერ სხეულს. ამასთან ერთად, მოცემული ჰიპოთეზა ეწინააღმდეგება დიდი აფეთქების თეორიას, რომელიც მიიჩნევა სამყაროს წარმოშობის საწყისად.

ავსტრალიელი პარაფსიქოლოგის ჟანა გრიმბრიარის მოსაზრებით, მსოფლიოს ანომალურ ზონებს შორის არსებობს ორმოცამდე გვირაბი, რაც წარმოადგენს გადასასვლელს პარალელურ სამყაროებში. აქედან 4 მდებარეობს ავსტრალიის ტერიტორიაზე, 7 – ამერიკაში. ყოველწლიურად ასეთ გვირაბებში ასობით ადამიანი უჩინარდება. ყველა ამ გვირაბს საერთო ის გააჩნია, რომ მათი სირღმეებიდან ისმის საშინელი კივილი და კვნესა. კალიფორნიის ნაციონალურ პარკში მდებარეობს ერთ-ერთი, ასე თუ ისე ცნობილი გამოქვაბული, სადაც შესვლა შეიძლება, გამოსვლა კი არა. ამასთან ერთად, გაუჩინარებულების კვალიც კი არ რჩება. ასეთი ანომალიური ტერიტორიები არსებობს რუსეთის ტერიტორიაზეც, კერძოდ, ერთ-ერთი მაღარო გელენჯიკის ქვეშ. როდესაც შიგნით მკვლევარი ჩავიდა და მხოლოდ 40 მეტრი გაიარა, დაფიქსირდა დიდი რაოდენობით რადიაციული ფონი, რამაც უარი ათქმევინა გზა გაეგრძელებინა. მისი თქმით, მაღაროს დასასრული არ აქვს და იქ, სადღაც არსებობს სხვა სიცოცხლე, სადაც დრო უფრო სწრაფად გადის, ვიდრე აქ. ლეგენდის თანახმად, როდესღაც ამ მაღაროში ჩავიდა ახალგაზრდა ადამიანი, რომელმაც შიგნით ერთი კვირა დაჰყო და როდესაც ამოვიდა, უკვე მოხუცი და სნეული იყო.
ასეთივე სნეული და მოხუცი ამოვიდა ჭიდან ერთი პატარა ბერძნული სოფლის მკვიდრი იოანოს კოლოფიდისი, რომელმაც ჭაში სულ რაღაც ერთი საათი გაატარა. სოფელში თვლიდნენ, რომ ჭას ძირი არ გააჩნია. მისი წყალი ყოველთვის გაყინული იყო. როდესაც ჭის გაწმენდის დრო მოვიდა, ამ სამუშაოს შესრულების სურვილი გამოთქვა იოანოსმა. მან ჩაიცვა სპეციალური ჰიდროკოსტუმი და ჩაეშვა ჭაში. რა ხდებოდა ამ დროის განმავლობაში უცნობია, მაგრამ როდესაც მისმა დამხმარეებმა იოანოსი ზედაპირზე ამოიყვანეს, შოკირებულები დარჩნენ – მათ წინ იდგა სრულიად მოხუცი ადამიანი გრძელი წვერით. რამდენიმე წლის შემდეგ იოანოსი გარდაიცვალა. როდესაც ექსპერტიზა ჩაუტარდა, აღმოჩნდა, რომ სიკვდილის მიზეზი იყო სიბერე…
კიდევ ერთი ასეთი ჭა კალილინგრადის რაიონში მდებარეობს. რამდენიმე წლის წინ ორმა ადგილობრივმა მაცხოვრებელმა განიზრახა ჭის ამოთხრა. დაახლოებით 10 მეტრის სიღრმეზე მოესმათ ადამიანების კივილი, რომელიც მიწისქვეშეთიდან მოდიოდა. შეშინებულმა მუშებმა სასწრაფოდ დატოვეს ჭა. ადგილობრივი მოსახლეობა ამ ადგილს გვერდს უვლის. ვარაუდობენ, რომ ნაცისტები მასობრივ დახვრეტებს სწორედ აქ აწყობდნენ.
ამ დრომდე, თეორია პარალელური სამყაროების არსებობაზე მხოლოდ და მხოლოდ ლამაზი მოდელია და საშუალება ავხსნათ ის, რაც არ ექვემდებარება ახსნას. ზოგიერთი მკვლევარის აზრთ, უფრო დახვეწილი თეორიაა სუპერ სიმი – ანუ დროისა და სივრცის შეკუმშვა. ზომების მიხედვით, კოსმოსური სიმები შეიძლება იყოს გალაქტიკაზე დიდიც კი. იმდენად თხელი, რომ ატომის ზომასაც არ აღემატებოდეს. პრაქტიკული დამტკიცება ამ თეორიამ ვერ მოიპოვა, ამიტომაც ფიზიკოსები ჯერდებიან სამყაროებზე სხვადასხვა თეორიული მოდელის შექმნით.
ამგვარად, თანამედროვე მეცნიერება ჯერჯერობით უძლურია რამე კონკრეტული თქვას, დანამდვილებით ვერცერთ თეორიას ადასტურებს და ვერც უარყოფს.

გიორგი ხუნზახიშვილი
ასტრო-News #3
დეკემბერი, 2013

 

პითაგორას კვადრატი (ნუმეროლოგია)

მოდით, ჯერ დავიწყოთ იმით, თუ რა არის ნუმეროლოგია.
ეს არის მეცნიერება ციფრებზე. იმაზე, თუ რა საიდუმლოს მალავენ. ყოველ ციფრს (1-დან 9-მდე) აქვს თავისი დანიშნულება და აზრი. ნუმეროლოგიის დახმარებით შეგვიძლია საკმაოდ ბევრი რამ გავიგოთ საკუთარ თავზე, მეგობრებსა და ნაცნობებზე. მოკლედ, ამის ახსნით თავს დიდად არ შეგაწყენთ, არსი საკმაოდ მარტივი გასაგებია. დღეს წარმოგიდგენთ ნუმეროლოგიის ერთ-ერთ ყველაზე მნიშვნელოვან და საინტერესო გამოთვლას, რომელსაც პითაგორას კვადრატი ჰქვია. მაშ ასე, მოამზადეთ კალამი, ფურცელი და დავიწყოთ!
მაგალითად, თქვენ დაიბადეთ 11.07.1953 :
1) ვაჯამებთ ყველა ციფრს: 1+1+7+1+9+5+3=27
2) მეორე ციფრი იქნება პირველი რიცხვის ციფრების ჯამი: 2+7=9
3) მესამე ციფრის მისაღებად დავუბრუნდეთ დაბადების დღის თარიღს და დავიმახსოვოთ პირველი ციფრი (ჩვენს მაგალითში 1), რომლის 2-ზე ნამრავლი უნდა გამოვაკლოთ პირველ რიცხვს (27):
27- (1×2)=27-2=25
4) მეოთხე ციფრი არის მესამე რიცხვის ციფრების ჯამი: 2+5=7
ახლა ჩამოვწეროთ დაბადების თარიღის ციფრები მიღებულ ოთ რიცხვთან ერთად (გამოვტოვებთ მხოლოდ 0):
1 1 7 1 9 5 3 2 7 9 25 7
ახლა კი ვადგენთ ცხრილს, სადაც მითითებულია რომელ გრაფაში რომელი ციფრი ჩავსვათ:

ჩვენს შემთხვევაში ტაბულა უნდა შეივსოს შემდეგი ციფრებით: 11.07.1953.27.9.25.7 რომლებიც უნდა დავაჯგუფოთ:

( გრაფა 4,6,8 გამოტოვებულია იმიტომ, რომ ჩვენს მაგალითში ეს ციფრები არ გვაქვს)
განმარტება:
გრაფა #1 (ეგო)
ერთიანების არქონა ნიშნავს, რომ ადამიანი დამყოლი, ჩუმი და ჩაკეტილია;
1. ეგოისტი ადამიანი. მას უნდა თავისი ეგოიზმის დაოკება, მაგრამ არ იცის თუ როგორ მოახერხოს ეს;
11. ლიდერი, რომელსაც მიჰყავს ბრბო, მაგრამ ღმერთმა იცის სად!
111. გადამწყვეტი, ძლიერი, ნებისყოფიანი პიროვნება. დროდადრო ვარდება დეპრესიაში;
1111. ლიდერი, რომელიც სარგებლობს დიდი ავტორიტეტით;
11111. დიქტატორი – საოცრად მიზანდასახული და უმოწყალო;
111111. ასეთი ადამიანი ნათესავებისა და ახლობლებისთვის ყველაფერზე არის წამსვლელი, მაგრამ მათგანაც იგივეს მოითხოვს.

გრაფა #2 (ადამიანის ენერგეტიკული მაჩვენებელი)
ორიანების არქონის შემთხვევაში ადამიანს ძალიან სუსტი ენერგია აქვს ( შეიძლება არაფერი სტკივა, მაგრამ ძალაც არ აქვს);
2. ასეთი ადამიანი ენერგიის ნკლებობას განიცდის, უჭირს ატმოსფეროს შეცვლა. აუცილებელია ფიზიკური დატვირთვა და ენერგიის აღდგენა.
22. ენერგეტიკულად ძლიერი ადამიანი. აქვს მკურნალის ყველა თვისება;
222. ძლიერი ექსტრასენსორული შესაძლებლობების მქონე პიროვნება (საჭიროა ამ ნიჭის განვითარება);
2222-22222. ადამიანს უჭირს თავის გაკონტროლება (ენერგეტიკული გადატვირთვის გამო).

გრაფა #3 (წესიერება, სისუფთავე)
სამიანების არქონა მეტყველებს ძალიან პუნქტუალურ და აკურატულ ადამიანზე, რომელიც თავისი ლაპარაკის მანერით სხვებისაგან გამოირჩევა;
3. პიროვნება წუხს, როცა ხედავს აურზაურს, მაგრამ სიტუაციის მოწესრიგება ხშირად ეზარება;
33. ადამიანს აქვს ლოგიკის კარგი უნარი. კარგად ითვისებს ზუსტი მეცნიერებებს;
333. ასეთი ადამიანი კარგი „გამომძიებლია“;
3333-33333. საკმაოდ იშვიათი კომბინაციაა. ძალზედ საქმიანი, მაგრამ ზედმეტად პრინციპული პიროვნება.

გრაფა #4 ( ჯანმრთელობა, სექსი)
ოთხიანების არქონა მიუთითებს სუსტი ჯამრთელობის ადამიანზე, რომლის ლიბიდოს დონე დაბალია;
4. კარგი ჯანმრთელობის, ტემპერამენტიანი ადამიანი. მას სჭირდება მოწესრიგებული სექსუალური ცხოვრება;
44. ძლიერი სექსუალური ენერგიის მქონე ადამიანი, რაც ოჯახში უჩენს ცოტაოდენ სირთულეს;
444. გამორჩეულად მიმზიდველი ადამიანი.

გრაფა #5 (ინტუიცია)
ხუთიანების არქონა მიუთითებს ადამიანზე, რომელსაც ინტუიციის დაბალი დონე აქვს. ის დაყრდნობილი უნდა იყოს მხოლოდ საღ აზრზე;
5. ასეთ ადამიანს აქვს კარგად განვითარებული ინტუიცია;
55. მარტივად შეუძლია ადამიანის „გაშიფვრა“;
555. პოტენციური წინასწარმეტყველი;
5555. ძლიერი ექსტრასენსორული შესაძლებლობების მქონე ადამიანი.

გრაფა #6 (მიმზიდველობა, კომუნიკაცია)
ექვსიანების არქონა მიგვანიშნებს, რომ ასეთ ადამიანებთან ურთიერთობა რთულია;
6. საკმაოდ მიმზიდველია, განეკუთვნება ეპატაჟურ ტიპს;
66. მომხიბვლელი ტიპაჟია, რასაც კარგად იყენებს;
666. ძალზედ სექსუალური და მიმზიდველი ადამიანი.
6666. ასეთი ადამიანი წინა ცხოვრებაში ზედმეტად იყო მიჯაჭვული მატერიალურ კეთილდღეობას. ის მუდამ შრომაშია ჩართული და ეს მძიმე ტვირთად არ ეჩვენება.

გრაფა #7 (შესაძლებლობები, ტალანტი)
შვიდიანების არქონა მიუთითებს, რომ ადამიანი ტალანტით დიდად არ გამოირჩევა.
7. ადამიანი ნიჭიერია, მაგრამ ამ ნიჭს სჭირდება განვითარება;
77. ტალანტური ადამიანი, რომელსაც აქვს არაერთი შესაძლებლობა;
777. ჭკვიანი, ნიჭით უხვად დაჯილდოებული ადამიანი, მაგრამ სამწუხაროდ, ჰყავს ბევრი მტერი.
7777. ანგელოზის ნიშანი. ადამიანი კვდება ჩვილობაში. თუ გადარჩა, მის სიცოცხლეს მუდმივად საფრთხე დაემუქრება.

გრაფა #8 (ფული, სტაბილურობა)
რვიანების არქონა ნიშნავს, რომ ადამიანი ზარმაცი და უპასუხისმგებლოა. ურჩევნია სხვამ არჩინოს, ვიდრე თვითონ იმუშაოს;
8. პუნქტუალური პიროვნება. ძალიან უყვარს წესრიგი. მასთან ურთიერთობა სასიამოვნოა;
88. საქმიანი ადამიანი. იქმნის კარგ კარიერას;
888. წარმატებული, საქმიანი პიროვნება.
8888. ციფრების ასეთი განლაგება მხოლოდ 1988 წელს ემთხვევა. ადამიანი პარანორმალური შესაძლებლობებით გამოირჩევა.

გრაფა #9 (გონება)
ცხრიანების არქონა მიუთითებს ადამიანზე, რომელსაც სწავლა არ სურს;
9. საშუალო გონებრივი განვითარების ადამიანი;
99. ინტელექტუალური ადამიანი;
999-9999. ტალანტური, ძალიან ჭკვიანი ადამიანი, კარგი და საინტერესო მოსაუბრე.
9999. უმაღლესი ინტელექტის მქონე ადამიანი. ის ხშირად უხეში და პირდაპირია. დასახულ მიზანს თითქმის ყოველთვის აღწევს.

რა თქმა უნდა, ამ გამოთვლაში შეიძლება არაერთი უზუსტობა იყოს და აქ სრულ ჭეშმარიტებას ვერ ამოიკითხავთ, მაგრამ ალბათ დაგვეთანხმებით, რომ საკმაოდ საინტერესოა!

მოამზადა ნიკა დვალიშვილმა
“ტაროს სკოლა”

 

რეპრესირებული ცოდნა

რუსთაველის პოემა ახალი
ქებათა ქებაა სოლომონისა”.
(
მამა გაბრიელი)

საუკუნეების განმავლობაში, ქრისტიანობა და ეკლესია კრძალავდა ბევრ ისეთ დიდ ნაშრომს, როგორიცაა ვეფხისტყაოსანი, გრიგოლ ხანძთელის ცხოვრება, ოთხი კანონიკური სახარების გარდა ყველა დანარჩენსთომას, პეტრეს, მარიამ მაგდალინელის და სხვა, ასევე გნოსტიკურ სწავლებებს, სადაც ცოდნას თვლიდნენ მონობისგან გათავისუფლების საშუალებად.
„გნოსის“-სიტყვა, სანსკრიტულ ენაზე ნიშნავს ცოდნას, ხოლო ბერძნულზე – ცოდნის მფლობელებს. გნოსტიციზმის ძირითადი მოტივები შედგება ადრეული ქრისტიანობისგან, მითოლოგიისგან, ფილოსოფიისგან და აღმოსავლური სწავლებებისგან. თუ პარალელს გავავლებთ „ვეფხისტყაოსანთან“, დავინახავთ, რომ მათ შორის ძალიან დიდი მსგავსებაა. დღესდღეობით გნოსტიციზმში ძალიან ბევრი განშტოებაა, ისევე როგორც თავად ქრისტიანობაში. გნოსტიციზმის ძირითადი მიმართულებაა დუალიზმი, კეთილი და ბოროტი საწყისის თანაარსებობა. თვით ადამიანიც დუალისტური ქმნილებაა, რომელიც შედგება საღვთო წარმოშობის სულისა და მატერიალური სხეულისაგან, რომელსაც ხან ,,ხაფანგს,“ ხანაც ,,საპყრობილეს,“ ხან ,,სიმძიმეს – რის გამოც სული მიწას ეჯაჭვება“ – და ,,აღმოუფხვრელ ბოროტებასაც“ კი უწოდებენ.
გნოსტიკოსებს ჯეროდათ, რომ მხოლოდ ისინი იგებდნენ მაცხოვრის სიტყვებს სწორად და სწორ ინტერპრეტაციას აკეთებდნენ. ძალიან მნიშვნელოვანია იმის აღნიშვნა, რომ გნოსტიციზმი არ არის ჩვეულებრივი რაციონალიზმი, მას არაფერი აქვს საერთო ათეიზმთან. ეს არის რელიგიურ-ფილოსოფიური სწავლება, ისევე როგორც „ვეფხისტყაოსანი“, მათ მიაჩნდათ, რომ იყვნენ ჭეშმარიტი ქრისტიანები. სწორედ ეს გახდა მიზეზი მათი და ეკლესიის დაპირისპირების, რის შემდგომაც ეკლესიამ გნოსტიკოსები სექტანტებად შერაცხა.
ასევე „ვეფხისტყაოსანს“ ძალიან ბევრი სასულიერო პირი ებრძოდა, ის ძლივს გადაურჩა განადგურებას, როგორც მკითხველისთვის მავნებელი და ქრისტიანთა გონების მომწამვლელი ნაწარმოები. ალბათ იმიტომ, რომ მასზე აღმოსავლური სწავლებების ძალიან დიდი გავლენა იგრძნობა. თუმცა ავიწყდებათ, რომ ის საღვთო საღვთოდ გასაგონი პოემაა.

ზვიად გამსახურდიის განსაზღვრებით, ,,ვეფხისტყაოსანი” არის ღრმად გააზრებული სულიერი ნაწარმოები, რომელიც ეძღვნება ადამიანის მიერ ღმერთთან დაკარგული ერთიანობის აღდგენას. აკაკი წერეთელი „ვეფხისტყაოსანს“ ქართველი ერის პოეტურ სახარებად მიიჩნევდა. გალაკტიონი წერდა მასზე: ’’შემოქმედება აზრს შეუზავა, ვეფხის დაარქვა მან ტყაოსანი და საუკუნე გააუკვდავა’’. შოთა რუსთაველი კი თავის უდიდეს ნაწარმოებს ობოლ მარგალიტს უწოდებს;

,,ესე ამბავი სპარსული, ქართულად ნათარგმანები,
ვით მარგალიტი ობოლი, ხელისხელ საგოგმანები,

მარგალიტის ალეგორიული მნიშვნელობა კი არის ცოდნა, საიდუმლო ცოდნა, ცათა სასუფეველი, ღვთის სიტყვა…
„6. ნუ მისცემთ სიწმინდეს ძაღლებს: ნურც თქვენს მარგალიტს დაუყრით ღორებს, რათა არ გათელონ იგი თავიანთი ფეხით და მოგიბრუნდნენ და დაგფლითონ თქვენ. (მათეს სახარება, თავი 7).

გნოსისცოდნამარგალიტისაიდუმლო ცოდნა
შოთას მიზანია ფიზიკურს მიჯაჭვული სულიერების დახსნა და ადამიანის ამაღლება სრულყოფილებამდე (რაც პირდაპირ კავშირშია ამირანის მითთან). რუსთაველის პოემაში ალეგორიული ენით არის აღწერილი უმაღლესი ჭეშმარიტება და მისი მიღწევის გზა, ანუ ის რაც არსად არ არის“ (არამატერიალური, სულიერი), რომელიც ჩვენ თვითონ უნდა შევძლოთ და ვიპოვოთ მის საკრალურ შინაარსში. სამწუხაროდ ეს „ობოლი მარგალიტი“ ისევე ობლად რჩება და არ გამოუჩნდა „პატრონი“, ვინც გაშიფრავს მის საიდუმლო კოდს, რომელიც ქართველი ერისთვის დღეს სასიცოცხლოდ მნიშვნელოვანია.
„ვეფხისტყაოსანში“ უდიდესი ეზოთერული და რელიგიური ცოდნა დევს, ეს პოემა ეზოთერული კუთხით პირველად ზვიად გამსახურდიამ შეისწავლა. მასში გადმოცემულია ქრისტიანული ინიციაცია. თუკი გავარჩევთ „ვეფხისტყაოსნის“ პერსონაჟების სახელებს, საკმაოდ ნათლად დავინახავთ სიუჟეტს. ბატონ ზვიადს დავესესხები და მისი კვლევებიდან ნაწილობრივ მაინც მოგაწვდით პერსონაჟების სახელების არაბულ-სპარსულ ეტიმოლოგიურ მნიშვნელობებს: ნესტანდარეჯანიანუ ის რაც არსად არ არის (სულიერება, არამატერიალური მცნება, საღმრთო სიბრძნე და მადლი), რომელიც გაზარდა მამიდა დავარმაანუ მაგიამ, შეპყრობილი ყავთ ქაჯებს. მის დასახსნელად როსტევანის (ბრძენი) ასულმა თინათინმა (გონება) გააერთიანა სამი უდიდესი ძალა: ტარიელი (საღმრთო სიყვარული), ავთანდილი (სარწმუნოება) და ნურადინფრიდონი (იმედი). სიყვარულმა, სარწმუნოებამ და იმედმა დაიხსნეს „ფიზიკურს მიჯაჭვული სულიერება“.
გავარჩიოთ თვითონ სიტყვა „ვეფხისტყაოსანი“: ვეფხვი სხვადასხვა რელიგიაში და მითოლოგიებში ნიშნავს არსებას, რომელიც სულიერ სამყაროს აკავშირებს ფიზიკურს. ეს არის მიჯაჭვულობა ფიზიკურ ვნებებზე, სურვილებზე და ა.შ. აღმოსავლურ რელიგიებში ღმერთების უამრავი გამოსახულება არსებობს, რომლებიც ვეფხვის ტყავით არიან შემოსილი, ვეფხვის ტყავზე, ან თვითონ ვეფხვზე სხედან, რაც ნიშნავს სულიერების გამარჯვებას მატერიალურ სამყაროზე. აქედან გამომდინარე, ადამიანი, რომელიც ვეფხვზე იმარჯვებს, ანუ „ვეფხისტყაოსანი“ არის ზე-ადამიანი, რომელმაც გაათავისუფლა და დაიხსნა სული ფიზიკური მიჯაჭვულობისგან და მიაღწია სრულყოფილებას.
სწორედ აქ ჩანს „ვეფხისტყაოსნის“ კავშირი ამირანის მითთან. ამირანი, ანუ იგივე პრომეთე, იაპეტოსის ძე, ანუ ზენა (სულიერი) სამყაროს ძე, რომლის არსობრივი მნიშვნელობაც წინასწარმეტყველური აზროვნებაა, მიჯაჭვულია კლდეზე და ელოდება ხსნას. ზვიად გამსახურდიას გადმოცემით: “ერთერთი მთავარი ახსნა პრომეთეს მითისა კაცობრიობის ევოლუციაში, აზროვნების ევოლუციაში არის ის ეტაპი, როდესაც აზროვნება მიეჯაჭვება ადამიანის ფიზიკურ სხეულსადამიანის სულის ფიზიკურ სხეულში ჩამოსვლასთან ერთად და არის დატყვევებული ამ ფიზიკურ სხეულში, ხოლო გათავისუფლება პრომეთესი, რომელიც მიჯაჭვულია კავკასიის ქედზე, არის გათავისუფლება ამ აზროვნებისა სხეულებრივი საწყისისაგან. გათავისუფლებული პრომეთე არის გათავისუფლებული წინასწარმეტყველური აზროვნება, ხოლო მიჯაჭვული პრომეთე ადამიანის ფიზიკურ სხეულზე მიჯაჭვული აზროვნებაა. ეს არის ეტაპი კაცობრიობის ევოლუციაში, რომელიც ცნობილია ადამიანური არსების, სულის ჩაძირვად ფიზიკურ სხეულში, ხოლო შემდეგ ხდება მატერიისაგან სულის გათავისუფლება. ეს არის პრომეთეს მითის სპირიტუალური, ფილოსოფიური ასპექტი. მიჯაჭვული პრომეთე, ანუ მაღალი ცივილიზაციის, კულტურისა და აზროვნების მატარებელი კაცობრიბა არის პროტოქართული მოდგმა კავკასიაში, ლოკალიზებული, კავკასიაზე მიჯაჭვული.
ალბათ დროა, ჩვენი უდიდესი მარგალიტები გამოვიკვლიოთ და მათში ვეძებოთ ის დაფარული უმაღლესი ცოდნა, რაც თითქოს ასე ახლოს და ხელმისაწვდომია ჩვენთვის, მაგრამ ვერ ვხედავთ და ვერ ვიგებთ. ნუ დავუშვებთ, რომ გაანადგურონ და წაგვართვან ეს სიმდიდრე.

ემა ომანაძე
ასტრო-News #3
დეკემბერი 2013

მერწყულის ეპოქის გავლენა განათლების სისტემაზე

ბოლო ორი თვის მანძილზე ყველაზე მნიშვნელოვანი და პოპულარული თემა მერწყულის ეპოქა იყო. რა არის საერთოდ ეს მერწყულის ეპოქა და ყველაზე მთავარი კითხვა, მე რას მომიტანს?
ძალიან მარტივად, რომ შევხედოთ მერწყულის ეპოქა- გულისხმობს სამყაროში ურანისეული ენერგიების გავრცელებას, მერწყულისებურ მოთხოვნებს. სამყარო გთხოვს გაითავისო, შეიძინო ან თუნდაც გაიხსენო მერწყულის თვისებები, მისი ტენდენციები.
სამყაროში ყველაფერი კავშირშია ყველაფერთან. ცვლილება ერთ რომელიმე სისტემაში ცვლის მდგომარეობას ნებისმიერ ცალკეულ ნაწილში, როგორც ადამიანის ორგანიზმში, ერთი რომელიმე ორგანოს დაავადება მოქმედებს მთელს სხეულზე და მის ცალკეულ სხვა ნაწილებზე.
დღეს მინდა შევეხო განათლებას. როგორ იმოქმედებს მერწყულის ეპოქა განათლების სისტემაზე. რა შეიცვლება ან იქნებ უკვე დაწყებულია ეს ცვლილებები?!
როგორც იცით მერწყულის ზოდიაქოს მთავარი დამახასიათებელი ნიშნებია: კოლექტიური ნება, კოლექტიური მუშაობა და საქმიანობა, ცოდნა და ინფორმაცია, ცოდნის სისტემის გაფართოება, ბევრი სხვადასხვა ცოდნის და დარგის სისტემური გაერთიანება, ზრუნვა საზოგადოებრივ პრობლემებზე, პლანეტის პრობლემებზე, ზრუნვა კოლექტიურ პრობლემებზე, როგორიცაა ეკოლოგიური პრობლემები, ბევრი გაერთიანების, დაწესებულებების ჩამოყალიბება. მოკლედ გუნდური მუშაობა, მაღალი ინფორმირებულობა, გატაცება მეცნიერებებით და საზოგადოებრივ საკითხებზე ზრუნვა.
განათლების სისტემაში მე-19 საუკუნის შუა რიცხვებში დამკვიდრდა პედაგოგიური ფილoსოფია „კონსტრუქტივიზმი“, რომელიც ძალიან მოგაგონებთ და ბევრ საკითხში დაუკავშირებთ მერწყულის ზოდიაქოს ნიშანს.
კონსტრუქტივიზმი პედაგოგიური ფილოსოფიაა, რომლის მიხედვით დირექტიული სწავლება, როცა მასწავლებელი ცოდნის გადაცემის პროცესის მთავარი პირია, იცვლება ფოკუსირებით ბავშვზე, მასწავლებელი ხდება მხოლოდ ცოდნის ორგანiზატორი, კოორდინატორი, რომელიც მასალებით და რესურსებით ამარაგებს ბავშვს, მაგრამ ინფორმაციას არ აწვდის ბავშვს მზა სახით, არამედ უტოვებს ადგილს ბავშვმა ისწავლოს საკუთარი აღმოჩენებით, რაც დამეთანმხებით ძალიან ურანისეულია. ასევე ბავშვი დამოუკიდებალდ ახდენს ცოდნის კონსტრუირებას გონებაში.
სწავლება ხდება მაქსიმალურად ინდივიდუალიზებული, ანუ ძველი იდეა იმის რომ ყველა ბავშვს, მთელ კლასს ერთნაირად უნდა ასწავლო იცვლება ინდივიდუალური სწავლებით. ყველა ბავშვი ინდივიდუალურია, უნიკალურია და მისთვის შესაფერის მიდგომას საჭიროებს.
სწავლებაში შემოდის გუნდური მუშაობა, ჯგუფური აქტივობები. ალბათ დაგიფიქსირებიათ პატარა 10-15 წუთიანი გუნდური მუშაობა აბსოლიტურად განათლების სისტემის ყველა სფეროში პოპულარულია.
აქამდე წამყვანი კომპასი სწავლებაში იყო სახელმძღვანელო და ეროვნული სასწავლო გეგმები, კურიკულუმები, რომელსაც არ უნდა გადასცდე არცერთი მეტრით, ახლა მოსწავლეს შესაძლებლობა მიეცემა ინფორმაცია მიიღოს მაქსიმალურად მრავალფეროვანი წყაროების გამოყენებით, სხვადასხვა ტექნიკის გამოყენებით. დიდი უპირატესობა მიენიჭება მის საკუთარ გამოგონებებს და აღმოჩენებს.
აღარ არსებობს ის წარმოდგენა, სადაც მასწავლებელი ცივი, მკაცრი, ყოვლისმცოდნე, ბავშვზე ზემოთ მდგომი ფიგურაა სწავლების პროცესში, არამედ იგი ბავშვების თანასწორია, მათთან ერთად ახოციელებს აღმოჩენებს და მონაწილეობს სწავლის აქტიურ პროცესში. ამყარებს მათთან მეგობრულ ურთიერთობას, აფასებს მათ არა ნიშნით/ქულით , არამედ სწავლების ყველა ნაწილში- იქნება ეს მონდომება, მცდელობები, თუნდაც შეცდომების დაშვებით.
და ბოლოს ყველაზე მნიშვნელოვანია რომ სწავლება ხდება არა შეფასებისთვის, არამედ სწავლა სწავლისთვის. მასწავლებელი ითვალისწინებს ბავშვის პირად ინტერესებს და მასზე მორგებულად აწვდის ახალ ინფორმაციას. კონსტრუქტივისტ მასწავლებელს ესმის, რომ ყველას ერთნაირად არ ეყვარება მათემატიკა, უცხო ენები თუ ბუნების გაკვეთილი. მაგრამ მათ ინტერესებზე მორგებით საინტერესოდ აწვდის მასალას, რომელიც შემდგომ უკვე ბავშვისთვისაც საინტერესო ხდება. ყველასთვს ცნობილი ფაქტია რომ ხშირად რომელიმე საგანი მასწავლებლის „დამსახურებით“ არ გვიყვარს ხოლმე.
ალბათ კიდევ ბევრი დეტალის დაკავშირება და დაწერა შეიძლება, მაგრამ აქაც ვიქნები მერწყულის ეპოქის და კონსტრუქტივიზმის მიმდევარი და მზა მასალას არ მოგაწვდით, დაგიტოვებთ სივრცეს სააზროვნოდ და იდეების დასამატებლად.

სოფო მელაძე

“ეზოთერული სახელოსნო”

ჩაკრები და მათი ფსიქოტექნიკები

/მულადჰარა და მისი ფსიქოტექნიკები/
* გამოიმუშავეთ ნებისყოფა, მოთმინების უნარი.
* ნუ დააჩქარებთ მოვლენებს, აცადეთ დროს თავად განსაზღვროს მოვლენების მსვლელობა.
* იზრუნეთ იმისთვის, რომ ცვლილებების პერიოდში შეინარჩუნოთ სტაბილურობა.
* განავითარეთ მედიტაციის უნარები და საშუალებები გონების დასამშვიდებლად.
* შეხედეთ მოვლენებს ფილოსოფიურად.
* ისწავლეთ აყვეთ ცხოვრების ტემპს, ცვლილებების შესაბამისად.
* განავითარეთ მოქნილობა და ადაპტირება ნებისმიერ სიტუაციაში.
* იყავით დარწმუნებული თქვენს თავში და მოვლენების კარგად განვითარებაში.
* გჯეროდეთ, რომ რთული მომენტები – ეს არის თქვენი შანსი ჩაიხედოთ საკუთარ თავში.
* მოვლენების უარყოფითად განვითარების შემთხვევაში არ ჩავარდეთ სასოწარკვეთაში.
* გააფართოვეთ თქვენი ოცნების განხორციელების გეგმა.
* იყავით მადლიერი იმ ცხოვრებისა, რაც გაქვთ და ეცადეთ მაქსიმალურად გაამარტივოთ ის, იმისთვის რომ კრახის შემთხვევაში ნაკლებად დაზარალდეთ.
* გიხაროდეთ ცხოვრება და განავითარეთ იუმორის გრძნობა.

/სვადჰისტანა და მისი სფიქოტექნიკები/
* პატივი ეცით თქვენს სხეულს, არ მოაკლოთ მას საკმარისი საკვები, წყალი, დასვენება და ვარჯიში. ნუ აიძულებთ მას გადაჭარბებულ მუშაობას, არ ამოწუროთ მისი შესაძლებლობები და ენერგია
* სიამოვნების მოთხოვნილება მიიღეთ ჩვეულებრივ მოვლენად და ეცადეთ ცხოვრებისგან მიიღოთ იმდენი კარგი შდაბეჭდილება, რამდენიც საჭიროა სულის და სხეულის შესაბამისი რეზერვების შესანარჩუნებლად და შესავსებად
* დაინახეთ ადამიანის სექსუალობაში მამოძრავებელი ძალა
* დაიცავით წესრიგი, შეინარჩუნეთ სისუფთავე და გაალამაზეთ თქვენი სახლი, ოფისი და ადგილი სადაც ისვენებთ და ატარებთ უმეტეს დროს
* დააკვირდით იმ ფიზიკურ ენერგიას, რომელსაც დებთ ფულის შოვნაში და ფინანსური საკითხების გადაწყვეტილებების მიღებაში
* მიეცით თავს უფლება დატკბეთ ცხოვრებით

/მანიპურა და მისი ფსიქოტექნიკები/
* განავითარეთ საკუთარი ინდივიდუალურობა და არასოდეს უღალატოთ მას
* ყოველთვის ეცადეთ, რომ ადამიანებმა თქვენში დაინახონ ინდივიდი
* გახსოვდეთ, რომ თუ მასას გაყვებით, თქვენი ცხოვრება ერთის მხრივ უსაფრთხო იქნება, მაგრამ მეორეს მხრივ შეზღუდული და სასაცილო
* დროის გარკვეული პერიოდი ეცადეთ განმარტოვდეთ, მაგრამ ყოველთვის უნდა შეგეძლოთ იპოვოთ მეგობრები
* ჰკითხეთ თქვენს თავს, იმსახურებთ იმ ცხოვრებას, რომლისკენაც ისწრაფით?
* მაქსიმალურად გამოიყენეთ ყველა ნიჭი და შესაძლებლობა, რაც გაქვთ
* არ შეგეშინდეთ სიახლის. რთულ სიტუაციებში მოქმედება დაგეხმარებათ შეიცნოთ საკუთარი თავი
* მოგზაურობები და კვლევები დაგეხმარებათ თქვენში გახსნას ისეთი თვისებები, რომლების საჭიროა არასასურველ გარემოებებში
* ისწავლეთ ამოიცნოთ თქვენი და სხვისი ხასიათი და მთლიანობა

/ანაჰატა და მისი ფსიქოტექნიკები/
* ეძებეთ სიყვარული, მიუხედავად იმისა გაგიმართლათ თუ არა წარსულში, ეს გაგათავისუფლებთ წარსულისგანაც და მისგან დატოვებული ტრამვისგანაც
* თვისება, აპატიოთ მათ, ვინც გული გატკინათ, დაგეხმარებათ გული შეინარჩუნოთ გახსნილ მდგომარეობაში
* აწმყო განიხილეთ, როგორც ფოკუსირებული ძალა, სადაც სიყვარულს შეუძლია განკურნოს ყველა ჭრილობა და აღადგინოს თქვენი პიროვნების მთლიანობა
* გახსოვდეთ: ჩვენ – ბავშვები ვართ ღმერთის თვალში და ერთნი ვართ ამ პლანეტაზე, ამიტომ ჩვენი სულიერი მიზანი არის – გვიყვარდეს და თავს მივცეთ უფლება, სხვასაც ვუყვარდეთ
* ეცადეთ ისწავლოთ მიიღოთ თავის ისეთად, როგორიც ხართ, როგორიც შეგქმნათ ღმერთმა, ქედმაღლობის და თვალთმაქცობის გარეშე. ეს გაგიხსნით გულს და აგივსებთ მას სიკეთით
* ჩამოწერეთ სია, რას შეუძლია თქვენი გული გაახალისოს და აამღეროს, დაკავდით საყვარელი საქმეებით სასიამოვნო კომპანიაში ან მარტო
* ყოველთვის ეცადეთ რაღაც კარგი დაინახოთ, თუნდაც ყველაზე ცუდ სიტუაციაში ან ადამიანში. ეს მოგცემთ საშუალებას შეინარჩუნოთ გულის ენერგია

/ვიშუდჰა და მისი ფსიქოტექნიკები/
* შეპირდით საკუთარ თავს, რომ მაქსიმალურად კეთილსინდისიერი იქნებით ნებისმიერ სიტუაციაში
* მიეცით თქვენს შემოქმედებით სულს საშუალება, გამოავლინოს თავი ნებისმიერ ქმედებაში, სადაც ეს მისთვის მოხერხებული იქნება
* ბოროტად ნუ გამოიყენებთ თამბაქოს, ალკოჰოლს, ჭამას და წამლების მიღებას. ეს ასუსტებს ნებისყოფას და დამანგრევლად მოქმედებს ვიშუდჰაზე
* ფრთხილად იყავით, როდესაც განცხადებებს აკეთებთ სხვების მიმართ: ამით შეიძლება დააზიანოთ როგორც სხვა, ასევე საკუთარი თავი
* თქვენს მიმართ ნდობა აშენეთ თქვენს სიმტკიცეზე. მაშინ ხალხი პატივს გცემთ
* უსმინეთ გრძნობებს. განმტკიცდით იმაში, რაც ნამდვილად ჭეშმარიტია თქვენთვის
* მოუსმინეთ სიკეთის, სიყვარულის, სიმართლის და თავაზიანობის გამოვლინენებს. ეს ეხმარება ყურებს, შეითვისოს მგრძნობიარობა და გახსნილობა
* ილაპარაკეთ გარკვევით, და ეცადეთ სიტყვებს საქმე მოყვეს

/აჯნა და მისი ფსიქოტექნიკები/
* მიეცით ცნობიერებას საშუალება დამშვიდდეს
* გადამეტებულ დატვირთვას მივყავართ აფორიაქებულ მდგომარეობამდე და აკვიატებულ აზრებამდე
* მზად იყავით წარსულში დატოვოთ სწრაფად მიღწეული შედეგები და ზედაპირული გადაწყვეტილებები
* გაესაუბრეთ ადამიანს, რომელიც არ ეთანხმება თქვენს შინაგან ფასეულობებს, თავისუფლების შეგრძნებას და სილამაზის აღქმას
* ეძებეთ კარგი ყველა ადამიანში და ყველა სიტუაციაში
* გაიხსენეთ თქვენი ცხოვრებიდან მომენტები, სადაც არ გაგიმართლათ და თქვით: “მეტი არასოდეს!”
* შეწყვიტეთ საკუთარი თავის შედარება სხვებთან. აღმოაჩინეთ თქვენში უნიკალური შტრიხები
* იპოვეთ თქვენთვის სულიერად ახლო ადამიანი სასწავლებელში ან სამსახურში. ეს გაგათავისუფლებთ შიშისგან და მარტოობის შეგრძნებისგან
* იკითხეთ და ნახეთ სულისასამაღლებელი და შთამაგონებელი წიგნები და ფილმები
* ყოველ დღე, როდესაც სარკეში ჩაიხედებით, საკუთარ თავს უყურეთ სიყვარულის გრძნობით
* არ გადაიღალოთ
* გააკეთეთ რამე სასიამოვნო საკუთარი თავისთვის

/საჰასრარა და მისი ფსიქოტექნიკები/
* გახსენით თქვენი ცნობიერება იმ ძალებისთვის და ენერგიებისთვის, რომლებიც უფრო მაღლა ძალებზე, ყოველდღიურად თქვენ რომ გზღუდავენ. არსებობს უმაღლესი “მე”, რომელსაც შეუძლია გაგიძღვეთ, შემოგთავაზოთ სიყვარული და მფარველობა. შეეცადეთ მოუსმინოთ თქვენს თავს და იპოვოთ ეს ძალა თქვენში
* ასევე ეცადეთ ჩაიხედოთ თქვენს გულში და ჰკითხოთ საკუთარ თავს: ვინ ვარ მე? გაათავისუფლეთ თავი შემზღუდავი აზრებისგან ისე, რომ დაუბრკოლებლად დაგტოვონ მათ
* შეეცადეთ, რომ პასუხმა ასოციაცია არ გამოიწვიოს სახელთან ან ფორმასთან. ეს გზღუდავთ თქვენ, ეს თქვენ არ ხართ
* იკითხეთ სულიერად ამაღლებული ლიტერატურა
* მოერიდეთ სიტუაციებს და ხალხს, რომლებიც უარყოფენ სამყაროს
* გადახედეთ თქვენს წარმოდგენებს ცხოვრებაზე. არ მიიღოთ თქვენს ცხოვრებაში ისეთი რამ, რის სარგებლობაშიც არ იქნებით დარწმუნებული
* ჩაუღრმავდით საკუთარ თავს ყოველ დღე, იმისთვის რომ იპოვოთ და შეუერთდეთ თქვენს მარადიულ ნაწილს. ის გაგიღძვებათ თქვენს გზაზე, თუკი მისცემთ მას ამის საშუალებას

ჯგუფილურჯი ლოტოსი

 

მინერალური ქვების წმენდა და დამუხტვა

ყველა მინერალური ქვა საჭიროებს გაწმენდას.
სანამ დავიწყებთ ახალ შეძენილი ქვის ტარებას მანამდე აუცილებელია მისი ენერგო-ინფორმაციული გაწმენდა წყლის ან ცეცხლის საშუალებით. ასევე აუცილებელია იმ ქვების გაწმენდაც, რომელსაც ვატარებთ ან რომელიც გავჩუქეს. შეიძლება ქვა წინა პატრონის ენერგო-ინფორმაციულ პროგრამას ატარებს, ან უბრალოდ თქვენი ქვა დაიმუხტა თქვენიმე ავადმოყოფობით, ან უსიამოვნ მოვლენებით რაც თქვენს ირგვლივ ხდებოდა.
დროთა განმავლობაში თქვენ შეიძლება იგრძნოთ, რომ ქვის ტარების დროს გრძნობთ დისკოფორტს, „გემძიმებათ“ ან „გკბენთ“, გეწყებათ თავის ტკივილი ან უბრალოდ ქვა შეიცვალა ფერი, დაეტყო მუქი ფერის ლაქები – ეს სიგნალია, რომ ქვა სასწრაფოდ გასაწმენდია.
გაწმენდის უამრავი მარტივი საშუალება არსებობს: ცეცხლით, წყლით, ზღვის მარილით, მიწით, ან „მეგობარი კრისტალის ნატეხებით“ (მთის ბროლი და ამეთვისტო), მცენარეებით და ბალახებით, მთვარის და მზის შუქით, გამდინარე წყლით.

მარილით წმენდა

ტრადიციულად ეს ზღვის მარილით კეთდება, მაგრამ ჩვეულებრივი მარილიც შეიძლება. მარილით გაწმენდა შეიძლება, როგორც მშრალად, ისე წყლის დახმარებით.
მარილიანი წყლით წმენდა – ამისთვის საჭიროა 1 ჩ.კ. მარილის გახსნა 1 ჭიქა წყალში. თუ თბილ წყალს დაასხამთ მაშინ უნდა დაელოდოთ სანამ გაცივდება და მარილი ბოლომდე გადნება. ჭურჭელი უნდა იყოს ან მინის ან ფაიფურის. დაუშვებელია პლასტმასის და მეტალის გამოყენება, რადგან მათ მიდრეკილება აქვთ გადასცენ თავისი თვისებები წყალს და შესაბამისად ქვები ვერ გაიწმინდება სრულყოფილად. მას შემდეგ, რაც მოამზადებთ ჭურჭელს წყლით ჩაუშვით ქვები მასში, ისე რომ წყალი ფარავადეს და გააჩერეთ მთელი ღამე. დილით გადაღვარეთ მარილიანი წყალი და ქვები გარეცხეთ გამდინარე წყალში.
მშრალი წმენდა მარილით – ამისათვის დაგჭირდებათ ღრმა ჭურჭელი, რომელში იმდენი მარილი უნდა ჩაყაროთ, რომ ქვები სულ დაიფაროს. ქვა მარილში „ჩამარხეთ“ ისე, რომ მისი ზედა მხარე მიმართული იყოს მიწისკენ და დატოვეთ ასე მთელი ღამე.

საჭიროა სიფრთხილე მარილით წმენდის დროს, რადგან შეიძლება მოხდეს ქიმიური რეაქცია და ქვამ დაკარგოს მბზინვარება ან შეიცვალოს ფერი. პრილა და მბზინვარე ქვების გაწმენდა არ არის რეკომენდირებული მარილით. ამისათვის ალტერნატიული მეთოდები არსებობს თუნდაც მარილით : ჩადეთ ქვა ჭურჭელში და ჭურჭელი მოათვსეთ ჯამში ან ფიალზე, რომელზეც მარილი ყრია. მართლია ქვა ვერ შეეხება მარილს, მაგრამ ის მაინც იმოქმედებს მასზე.

მთვარის შუქით გაწმენდა

ეს პროცესი უფრო მეტ დროს საჭიროებს, მაგრამ თუ გინდათ, რომ გააქტიუროთ ქვაში მთვარის ენერგია, მაშინ ღირს ლოდინად. მოძებნეთ სახლში ფანჯრის რაფა, რომელზეც სავსემთვარეობას ეცემა მთვარის შუქი, რამოდენიმე საათით მაინც. დატოვეთ ქვა ამ რაფაზე 3 ღამის განმავლობაში: მთვარის 14,15, 16 დღეები ანუ დაიწყეთ სავსემთვარეობის წინა ღამეს. უკეთესი შედეგი ექნება თუ ღია ცის ქვეში ეზოში ან აივანზე დადებთ, სადაც მინა არ შეუშლის ხელს მთვარის სხივებს.
კლებად მთვარეზე ქვის გაწმენდა
თუ ქვას გაწმენდამდე ატარებდით ნეგატივის მოსახსნელად ან ნეგატივისგან დასაცავდ, მაშინ ჩადეთ ის მარილიან წყალში და ჭურჭელი დატოვეთ კლებადი მთვარის პერიოდში, რამოდენიმე ღამით ისე, რომ მთვარის შუქი ეცემოდეს. კლებად მთვარე წაიღებს მთელს ნეგატივს ქვისგან.

ქვის გაწმენდა ბალახებით და ყვავილებით

აქ გადჭირდებათ გამხმარი ბალახებით სავსე ჭურჭელი, რომელშიც ჩაალაგებთ ქვებს. ამ მეთოდს 1 კვირა ჭირდება, მაგრამ ის ასევე შეგიძლიათ გამოყენოთ მთვარით გაწმენდის პარალელურად.
უფრო სწრაფი მეთოდი: ცეცხლგამძლე ჭურჭელში ჩაყარეთ ცოტა კედრა, შალფეი ან ღვია და წაუკიდეთ ცეცხლი. ამის შედეგ ქვა გადაატარეთ კვამლზე. ამისთვის არ არის საჭირო დიდი ცეცხლი და ბევრი კვამლი, ცოტაც საკმარისია. ენერგიის დასამშვიდებლად ასევე კარგია თუ ჩაუმატებთ რამოდენიმე ლავანდის ფოთოლს.

ცეცხლით წმენდა
მინერალი ამოძრავეთ ცეცხლის ალზე წრიულად საათის ისრით მიმართულებით.

მინერალების წყლით გაწმენდა

ეს ყველაზე მარტივი და ძიერი მეთოდია, განსაკუთრებით ახალშეძენლი ქვის გასაწმენდად და დასამუხტად. სუფთა გამდინარე წყალი 1 ღამის განმავლობაში. წყალი კარგად აშორებს საგნებს ინფორმაციას. წყლით გაწმენდის შემდეგ ქვა დადეთ ანთებული სანთლის გვერდით, რათა დაიმუხტოს.

ქვები, რომელთა გაწმენდაც არ შეიძლება არც მარილიანი და არც სუფთა წყლით:
ასტროფილიტი, ჰეილანდიტი, „ქვის მარილი“, კიანიტი, სელენიტი, სერაფინგი, სტილბიტი, გეიზერიტი, ქრიზოკოლა და ა.შ. ყველა ეს მინერალი არის რბილის შემადგენლობის და წყალი მათზე ფიზიკურ ზეგავლენას მოახდენს. მათი გაწმენდა უკეთესია ცეცხლი ან ნებისმიერი სხვა მშრალი საშუალებით.
ქვები, რომლების გაწმენდაც არ შეიძლება მარილიანი წყლით:
აქვამარინი, აპოფილიტი, ბელომარიტი, ფირუზი, ჰემატიტი, ლაბრადორი, კალციტი, ლაზურიტი, მალაქიტი, ონიქსი, ოპალი, პირიტი, როდონიტი, სერდოლიკი, ულექსიტი, ფლიურიტი, ქარვა. = მარილიანი წყალი მათ ფიზიკურ თვისებებს ცვლის.

გაწმენდის შემდეგ ქვების დამუხტვაც აუცილებელია. ეს შეიძლება გააკეთოთ დიდი კრისტალებით, პირამიდებით და ა.შ.
ქვები, რომელსაც ყოველდღიურად ატარებთ სასურველია მოხსნის შემდეგ დაალაგოთ ამეთვისტოს ან მთის ბროლის მოზრდილ ნატეხზე.

ქვები გენერალურად იწმინდება წელიწადში ერთხელ, “მზის წლისბოლო 5 დღეში ანუ როცა მზე არის თევზების ბოლო გრადუსებზე ( 16-დან 21 მარტამდე). ამასთან სულ ერთია, მთვარის რომელი დღე დაემთხვევა. როდესაც მზე გადავა ვერძის პირევლ დეკადაში მაშინ შეიძლება ქვა გაიწმინდოს ცეცხლით. გენერალური წმენდის შემდეგ კარგია ქვების დატოვება მზის და მთვარის შუქზე რამოდენიმე დღით.
ასევე კარგია პერიოდულად ის ქვები, რომლებსაც ხშირად ატარებთ რამოდენიმე საათით დადოთ მზის ან მთვარის შუქზე, ასევე დადოთ მიწაზე ან ჩამარხოთ 1 ღამით.
იცოდეთ! თუ ვინმე გთხოვთ მოიხსნათ ქვა, რათა ნახოს ან გაიკეთოს, მოისინჯოს, აუცილებელია სამკაული მოიხსნათ და დადოთ მაგიდაზე და არ მისცეთ ხელიდან ხელში. მას შემდეგ რაც ნახავს სამკაულს და დააპირებს დაბრუნებას ასევე თხოვეთ დადოს მაგიდაზე. წინააღდეგ შემთხვევაში არსებობს სხვა ადამიანისგან ნეგატიური ენერგიის აკიდების შანსი.
ქვების შესანახად კარგია თუ მოახერხებთ, რომ ყველა ქვას თავისი პატარა ნატურალური ქსოვილისგან შეკერილი ტომსიკა ქონდეს .

ქვის დამუხტვა

მას შემდეგ, რაც ქვას გაწმინდავთ საჭიროა მათი დამუხტვა. შეგიძლიათ აირჩიოთ რამოდენიმე ან რომელიმე ერთი ელემენტი. ქვის დამუხტვისთვის დაგჭირდებათ:
– სურნელოვანი ჩხირები ( ჰაერის სტიქია)
– წითელი სანთელი (ცეცხლის სტიქია)
– წყლით სავსე თასი. იდეალური ჭურჭელი ნიჟარაა (წყლის სტიქია).
– თასი მიწით, სასურველის ხის ჭურჭელი (მიწის სტიქია)
– ეთერზეთი, რომელიმე ყვავილის.

ცენტრში დადეთ ეთერზეთის ბოთლი, რომლის ირგვლივ უნდა დააწყოთ დანარჩენი 4 სტიქიის ელემენტი შემდეგნაირად: თასი მიწით ზემოთ (ჩრდილოეთი), სურნელოვანი ჩხირი მარჯვნივ (აღმოსავლეთი), სანთელი ქვემოთ (სამხრეთი) და წყლის თასი მარცხნივ (დასავლეთი).
1. აანთეთ სანთელი და ჩხირი.
2. ვმუხტავთ ჰაერით. სურნელოვანი ჩხირი ეს „ჰაერია“, გაატარეთ ქვა მის კვამლში და რამოდენიმე ხანი გააჩერეთ და წარმოთქვით: „მე გმუხტავ შენ ჰაერის და ქარის ძალით და ენერგიით“, შემდეგ შეუბერეთ სული კვამლს და დააცედეთ „შემოეხვიოს“ ქვას მთლინად.
3. ვმუხტავთ ცეცხლით. შემდეგ მიიტანეთ ქვა სანთლის ალთან და წარმოთქვით „მე გმუხტავ შენ ცეცხლის ძალით“ , წარმოიდგინეთ როგორ შედის ცეცხლის ენერგია ქვაში.
4. ვმუხტავთ წყლით. დაისველეთ ხელი წყლით და შეაშხეფეთ ქვას და წარმოთქვით: „ მე გმუხტავ შენ წყლის ძალით“. აქაც ვიზუალიზაციაა საჭირო.
5.ვმუხტავთ მიწით. ჩადეთ ქვა მიწიან თასში და წარმოთქვით:“ მე გმუხტავ შენ მიწის ენერგიით, რომლისგანაც შენ წარმოიშვი“. ისევ წარმოიდგინეთ, როგორ შედის მიწის ენერგია ქვაში.
6. ბოლოს წაუსვით ეთერზეთი ქვას და თქვით: „ მე შენ გმუხტავ სასიცოცხლო ენერგიით, ჰარმონიით და ჭეშმარიტებით“. წარმოიდგინეთ, როგორ ხართ ამ ენერგიების გამტარი და როგორ შედის ქვაში.
7. გაწმენდილი და დამუტული ქვა, თუ მას არ ატარებთ აუცილებელია შეინახოთ სიბნელეში, მანამ სანამ ისევ არ გადაწყვიტავთ მის ტარებას.

მოამზადა: Nina Runes

ეზოთერული სახელოსნო

 

წითელი და ფერადი ძაფები მაჯაზე – დამცავი თილისმები

წითელი ძაფი და ზოგადად ძაფი შემბული მაჯაზე ბევრ ძველ ხალხებში და კულტურაში ითვლებოდა დამცავ თილისმად.
რაც შეეხება კაბალას, აქ ითვლება, რომ ნეგატიური ენერგია ადამიანში შემოდის მარცხენა ხელიდან ( ზოგადად მარცხენა მხარე არის მიმღები და მარჯვენა გამცემი), ამიტომ კონკრეტულულად წითელი ძაფი , რომელიც ასე ”მოდაში” შემოვიდა ბოლო წლებია უნდა ატაროთ მარცხენა ხელზე. კაბალაში ასევე მნიშვნელოვანია, რომ ეს ძაფი უნდა შეიბათ წმინდა ადგილას, აუცილებლად სხვა უნდა დაგეხმაროთ ამაში და არა თავად. ეს სხვა უნდა იყოს ადამიანი, რომელსაც ენდობით და რომელსაც გულით უნდა თქვენთვის კარგი. სხვა შემთხვევაში ამ ძაფით დაცვის პრნციპი არ იმუშავებს და ყველაზე მნიშვნელოვანი არის ლოცვა , ჩათქმა , დამუხტვა ამ თილისმის, რომლისთვისაც სპეციალური ლოცვები არსებობს. ასევე მნიშვნელოვანია, როცა ამ თილისმას ატარებთ თქვენც არ უნდა გქონდეთ ცუდი ფიქრები და აზრები ამ პერიოდში, თორემ მთელი ეს აგრესია და ნეგატივი თავს მოიყრის ამ შალის ძაფში და ის ვერ შეასრულებს თავის ფუნქციას. ასე გვეუბნებიან კაბალისტები.

სლავებთან საქმე ცოტა სხვაგვარად არის. ამ შემთხვევაში თქვენ თავად შეგიძლიათ შეიბათ სამაჯური. აუცილებელია შებმის დროს გააკეთოთ 7 კვანძი, ყოველი კვანძის გაკეთების დროს ითხოვეთ დაცვა სამყაროსგან და ნათლად წარმოიდგინეთ (კონკრეტულად) რა შეიცლვება ამის მერე თქვენს ცხოვრებაში. არ იფიქროთ ცუდზე ამ დროს, განეწყვეთ სიხარულით .

კაბალისტებთან აუცილებელია ძაფი იყოს შალის, სლავიანურ ტრადიციებშიც ნახსენებია, მაგრამ არა კონკრეტულად შალი, არამედ ნებისმიერი ნატურალური ძაფი.
თუ ერთ დღესაც თქვენი დამცავი თილისმა გაწყდება ან გაგძვრებათ ან დაკარგავთ არ ინერვიულოთ, ეს კარგის ნიშნად ითვლება : ამ დროს ადამინს გვერდით ჩაურა ცუდმა ამბავმა ან ნეგატიურმა დარტყმამ. ამის შემდეგ დაწვით ეს ძაფი და თუ კარგად გამოგადგათ ეს თილისმა პრაქტიკაში დაამზადეთ ახალი.

რაც შეეხება ძაფის ფერს , აქ ერთი კონკრეტული ვერსია არ არსებობს. ყველა კულტურას საკუტარი ლეგენდა აქვს ამის შესახებ.
სლავებში ეს უკავშირდება ქალღმერთ გედს (богине Лебедь), რომელმაც გლეხებს ასწავლა წითელი ბადის ქსოვა და რომელიც მათ სახლებს იცავდა ავდმოყოფოებისგან და ნეგატიური ძალებისგან, არ აძლევბდა სახლში შესვლის უფლებას.

 

საქართველოშიც გვაქვს ეს რიტუალი, მაღალმთიან დასახლებებში, სადაც დღემდე არის შემორჩენილი მზის კულტი თუნდაც მითების და ცრურწმენების დონეზე, პატარა ბავშვებს უკეთებენ ხელზე წითელ ძაფს. ითვლება რომ წითელი შალის ძაფი ისრუტავს მზის ენერგიას და ამ ენერგიას აბალანსებს ადამიანში, ამიტომაც მზის ზედმეტი სხივებისგან იცავს მას და ზუსტად იმდენ ვიტალურ ენერგიას აძლევს, რაც საჭიროა ჯანმრთელობისთვის.

უამრავი მსგავსი მითი და ლეგენდა არსებობს აბსოლუტურად ყველა კულტურაში.

სლავებში, როგორც ზემოთ ვთქვი მარტო წითელი ძაფი არ არის, ისინი იყენებ თითქმის ყველა ფერს და ყველას თავისი დანიშნულება აქვს. ჩამოვწერ ამ მნიშვნელობებს ქვემოთ და კიდევ გავიმეორებ, აქ აუცილებელია სამაჯურის შებმის დროს გააკეთოთ 7 კვანძი და შვიდივეზე ჩაუთქვათ დაცვა და კონკრეტულად რა გინდათ.
სამაჯურს შეგიძლიათ გაიკეთოთ, როგორც მარჯვენა, ისე მარცხენა ხელზე დანიშნულების მიხედვით (მარცხენა მიღება, მარჯვენა გაცემა) და შეგიძლიათ რამოდენიმე ფერი ერთად დაწნათ.

 

  • წითელი – დამცავი თილისმა, იცავს ნეგატიური ენერგიისგან და პროგრამისგან.
  • ნარინჯისფერი – მზის ენერგიის ფერია, ჯანმრთელობისთვის
  • ყითელი – მზის ფერი, იძლევა შემოქმდებით ენერგია და ადამიანს ეხმარება მუშაობაში (შექმნაში)
  • მწვანე – გულის ჩაკრის ფერი – წმინდავს ადამინის ენერგეტიკას, ხელს უწყობს ადამტაციაში და სულიერი და ფიზიკური ენერგიის დაბალანსებაში,
  • ლურჯი – იცავს ადამინს დანაკარგებისგან ნებისმიერ დონეზე. კარგია ჩაკეტილი ადამინებისთვის, რომ უფრო მეტად გაეხსნან სამყაროს.
  • თეთრი – გამოადგება ადამინს ვინ დაკავებულია სულიერი და ენერგეტიკული პრაქტიკებით.
  • ბორდოსფერი – კარგია ბიზნესისთვის და მატერიალური კეთილდრეობისთვის
  • ვარდისფერი – კარგია სიყვარულის მოსაზიდად.
  • შავი – მოაქვს სოციუმთან ინტეგრაცია და დაფასება მისგან.

წარმატებები 🙂

მოამზადა : Nina Runes
“ეზოთერული სახელოსნო”

კარმული გაკვეთილები

სანამ დავიბადეთ, ჩვენ ავირჩიეთ პლანეტა, ქვეყანა, ქალაქი, ოჯახი, მშობლები და გარკვეული ცხოვრებისეული მოვლენები და ადამიანები, ვინც შეგხვდებოდნენ ცხოვრების გზაზე გაკვეთილების ჩასატარებლად. ჩემი აღქმით, მთავარი ამოცანა და მისია თითეული ადამიანის ცხოვრებაში საკუთარი „მე“-ს სრულად შეცნობა და სამყაროსთან ერთიანობის შეგრძნებაა. სხვა მიზნები და ამოცანები, ამის მისაღწევად დამხმარე პატარ-პატარა გზებია. ადამიანები კი, გვხდებიან ისეთები, როგორებსაც ჩვენ ვთხოვთ სამყაროს, რომ გამოგვიგზავნოს, რათა უფრო მეტი დავინახოთ და გავაფართოვოთ ჩვენი მსოფლმხედველობა, გავხდეთ უფრო მიმღებები და მშვიდები. როდესაც განსხვავებული ხასიათის და მსოფლმხედველობის ადამიანები გვხვდებიან, ჩვენი პირველი რეაქცია მათი კრიტიკული თვალით შეფასებაა, დარწმუნებულები ვართ რომ ჩვენ ვართ ყველაფერში სწორები და სხვები ცდებიან, უარეს შემთხვევაში, ჩვენგან განსხვავებულის შეცვლა და ჩვენს ჭკუაზე მოქცევა გვინდა, რომ გავხადოთ ისეთები, როგორიც ჩვენი აღქმიდან უფრო ჯანსაღი და სწორია, თუმცა ეს, რეალურად, ყოველთვის სხვისი თავისუფლების შეზღუდვის და სხვისი დამონების მცდელობაა – როგორც ჩვენს თავს ვამორჩილებთ ჩვენს ეგოიზმს, ისე გვინდა სხვებიც ჩვენს ეგოიზმს დავუმორჩილოთ. ჭეშმარიტად თავისუფალი ადამიანი სხვის არც დამონებას და აღარც შეცვლას ცდილობს და, საერთოდაც, არანაირად არ ერევა სხვა ადამიანის პირად სამყაროში.
რას ნიშნავს კარმული გაკვეთილი? კარმა ჩემთვის კანონზომიერებაა, თუ მე არ მისწავლია რაღაც, მე მივილტვი თავისუფლებისკენ და ეს რაღაც აუცილებლად უნდა გამოვასწორო, ამისთვის რა ხდება? ამისთვის მხვდება ადამიანი, ვისაც იგივე რაღაც აქვს სასწავლი და ჩვენ ერთმანეთს ვეხმარებით. ურთიერთდახმარებას ბუნებაში მშვიდად საუბარი და ერთად სიცილის და კარგი დროის გატარების ფორმა შეიძლება სულაც არ ქონდეს. შეიძლება ეს იყოს გაუთავებელი კამათი და ჩხუბი, ურთიერთშეურაცყოფა, ურთიერთობაში დაშვებული შეცდომები რაც რეალურ ზიანს მოუტანს სხვა ადამიანს. როგორ მივხდეთ, რომ სამყარო რაღაცას გვასწავლის და ვერ ვხდებით? თუ ვხვდებით და კარგი მსოწავლეები ვართ, მაშინ მუდამ მეტი ენერგია, უკეთესი სიტუაციები, წარმატებები მოდის ჩვენს ცხოვრებაში, ხოლო თუ ვერა, მაშინ სხვადსხვა ადამიანებთან მსგავს სტრესულ გარემოში აღმოვჩნდებით.
გაკვეთილის მიზანიაშენს თავში ჩაიხედო და იქ იპოვო მიზეზი, რატომ ხდება ეს ყოველივე და იპოვო ძალა და შეცვალო შენს მოქმედებებში და აზროვნებაში ის, რაც შეცვლის სიტუაციას.
მაგალითად, თუ დაიბადეთ ოჯახში, სადაც რომელიმე ოჯახის წევრი მოძალადეა და თქვენ ბავშობიდან ხედავთ ამას, შეიძლება თქვენი კარმული გაკვეთილი იყოს საკუთარი თავის და ახლობლის დაცვა. როგორ უნდა გასწავლონ თავდაცვა? გიგზავნიან მოძალდეს, როგორ უნდა ვსიწავლოთ პატიება? როგორ უნდა ვისწავლოთ დახმარება? ყველა იმ თვისების შესაბამის ადამიანს და გარემოს გვიგზავნიან, რაც გვჭირდება, რომ ვისწავლოთ. როგორც წესი, ასეთი კარმული გაკვეთილის შემდეგ, უამრავი სტერეოტიპი იმსხვრევა, თქვენს თავს უკვე სხვანაირად აღიქვამთ და ცხოვრების სტილსაც, ნაწილობრივ, იცვლით. ხდებით უფრო ბედნიერი და უფრო ბრძენი.
თუ 17 წლის ასაკში ვერ ვისწავლეთ გაკვეთილი და ვერ გავუგეთ ადამიანს, ვინც ამას გვასწავლიდა, მაშინ იგივე გაკვეთილს 22 წლის ასაკში სხვა გააგრძელებს, თუ კიდევ არა, მაშინ 30 წლის ასაკში და ა.შ.. რაც მეტი დრო გავა, უფრო მტკივნეული იქნება სწავლა. თუმცა, თუ ეგოიზმს გავცდებით და მივიღებთ მადლიერებით იმას, რასაც გვასწავლიან, მაშინ ბევრი რამ შემობრუნდება და ნათელი მხარე გამოჩნდება. მაგალითად, გყავდათ შეყვარებული, რომელიც მუდამ აკრიტიკებდა თქვენს ჩაცმულობას და დაშორდით, დაშორდით ისე, რომ თქვენ მასთან არ გაიარეთ გაკვეთილი, თუნდაც საკუთარი სტილის და ინდივდუალიზმისთვის ხაზგასმა და პარტნიორისთვის გასაგებად ახსნა, მოთხოვნა – მიგიღონ ისეთი, როგორიც ხართ. იგივე კრიტიკას გადააწყდებით სხვაგანაც, სხვა ურთიერთობაში თუ არა, სამსახურში, სამსახურში თუ არა – მეგობართან.
ადამიანები გაუცნობიერებლად იმეორებენ იმ საკითხებს და ამახვილებენ ყურადღებას იმაზე, რაშიც თავად ჩამოყალიბებულები არ არიან. მოკლედ, როდესაც 22 წლის ასაკში საპირისპირო სქესის ადამიანთან იგივე პრობლემა გაქვთ, რაც 17 წლისას გქონდათ და პარალელს ავლებთ, ეს უტყუარი ნიშანია იმისა, რომ მსგავს სიტუაციაში თქვენი დამოკიდებულება გაქვთ შესაცველელლი. მეტი უნდა დაინახოთ, ყოველმხრივ გაანალიზოთ და მიიღოთ. სწორი მიღების შემდეგ კი, პრობლემაც ქრება და ის ადამიანიც წყვეტს თქვენს შეწუხებას, რადგან უკვე გავლილი გექნებათ ეგ გაკვეთილი და, თუ ეცდება, უფრო მარტივად გაუმკლავდებით.
განვითარების გარკვეულ ეტაპამდე, სანამ თავი გარემოებების, ცხოვრების ან სხვა ადამიანების მსხვერპლი გვგონია და ჩვენს თავზე აბსოლიტურ პასუხიმგებლობას თავად არ ვგრძნობთ, კარმული გაკვეთილები, შეიძლება, მარტივად ვერ გავიგოთ ხოლმე. თუმცა იმის გაცნობიერება, რომ ჩვენ, თითეული ადამიანი ჩვენი სუბიექტური ეგოს მიერ შექმნილ რეალობაში ვცხოვრობთ და, ჩვენი მთავარი დანიშნულება გაფართოება და დანარჩენი შვიდი მილოარდი ადამიანის სუბიექტური რეალობის დანახვაცაა, უკვე პირველი ნაბიჯია პიროვნული ზრდისთვის. ყველას რაღაც მოაქვს ჩვენთვის და, როგორი მცდარიც და არასწორიც არ უნდა გვეჩვენებოდეს, მისი მეორე მხრიდან დანახვა და მიღება, ყოველთვის წინსვლაა…

მოამზადა ანა თოფურიძემ

ჰოოპონოპონო

ადამიანი რთული ენერგოინფორმაციული სტრუქტურაა, არასდროს არ არის სტერილური ინფორმაციულად.
მილიონი შესაძლო ვარიანტებიდან ყოველდღიურად ჩვენ ვირჩევთ ერთ-ერთს და სწორედ ის ჩვენი არჩეული არის დღევანდელობა.


 ადამიანში არის უმარავი პატარა პროგრამები, გადმოყოლილი, გამოცდილებით შეძენილი, მშობლებისგან ნასწავლი, სკოლაში ნანახი. ყველა ამ პროგრამის ერთობლიობა გროვდება მეხისრებაში და ძალიან მარტივად რომ ვთქვათ, უმეტესობა მათგანი იმდენად არაორგანული და „არაჩვენია“, რომ ხელს გვიშლის ცხოვრებაში.

მაგალითად, თქვენ თუ არ გაქვთ რომელიმე დაავადების პროგრამა, ის დაავადება არასდროს დაგემართებათ, უფრო მეტიც შეიძლება არასდროს ნახოთ ადამიანი იმ დაავდებით. თუ თქვენ არ გაქვთ მატერიალური დანაკარგების პროგრამა, არასდროს დაგემართებათ ეს ამბავი და ა.შ.

ყველაფერი რაც არ მოგვწონს ჩვენს ირგვლივ (და ამასთან არააქვს მნიშვნელობა ეს ჩვენ გვეხება პირადად თუ არა) ეს არის მეხსიარებაში (ცნობიერად და არაცნობიერად) ჩარჩენილი, დაუმუშავბელი, ყურადღება არმიქცეული მახსოვრობა ანუ პროგრამები, რომლებიც თავის დროზე არ გავიაზრეთ ბოლომდე და არ დავასრულეთ.

დამოკიდებულების შეცვლა საგნების და მოვლენების მიმართ არის ძალიან კარგი და ძლიერი ტექნიკა და ამავდულად იმდენად ძნელი, რამდენადაც მარტივი ჩანს ერთი შეხედვით. დასტრესილმა ადამიანმა პოზიტიური აზროვნება რომ დაიწყოს პირველ რიგში ზედმეტი ენერგეტიკული ბლოკები აქვს მოსაცილებელი. ეს კი ძნელია.


რაშია გამოსავლი?!
მიმღებლობა!


პირველი ეტაპზე საჭიროა მივიღოთ რეალობა ისეთი როგორიც არის და რაც არ უნდა წარმოუდგენლად რთული ამბავი გვჭირდეს, უნდა ვაღიაროთ რომ ეს ჩვენი დამსახურებაა, ჩვენი მოზიდული სიტუაციაა და საჭიროა პასუხისმგებლობის აღება.

არსებობს ასეთი ძველი ჰავაური ტექნიკა ჰოოპონოპონო, რომელის პიდაპირი თარგმანი ასე ჟღერს „შეცდომის გასწორება“/”სწორად გაკეთება”. ამ ტექნიკის საფუძველი ბევრ ეზოთერულ მიმდინარეობაში შეგხვდებათ. ეს არის ერთგვარი მედიტაცია, საკმაოდ მარტივი და ფაქტიურად ჯადოსნობის ტოლფასი.


როგორც კი დისკომფორტს იგრძნობთ, არააქვს მნიშვნელობა ეს ფიზკური ტკივილი იქნება, უბრალოდ სიტუაცია თუ მოგონება, მაშინვე შეგიძლიათ დაიწყოთ პრაქტიკა.

ამ ტექნიკის მთვარი ღერძია, რომ გავიაზროთ „სამყარო იწყება ჩემიდან“ ანუ „ყველაფერი შენს ირგვლივ შენი შექმნილია“.

კლასკურ ვარიანტში ვკონცენტრირდებით პრობლემაზე და ვიმეორებთ 4 ფრაზას:
1. მიყვარხარ

2. ბოდიში

3. ვნანობ (რომ ეს დავუშვი)

4. მადლობა

აუცილებლად გაითვალისწინეთ, რომ ნებისმიერი მიმართვა სამყაროსადმი გიბრუნდებათ და ნუ იქნებით მექანიკურები, არ დაიზუთხოთ ფრაზები, შეიგრძენით ემოციების დონეზე და განიცადეთ რატომ გიყვართ, რატომ უხდით ბოდიშს, რატომ დაუშვით ეს „პრობლემა“ და როდის, და მადლობა გადაუხადოდთ გაკვეთილისთვის.

დაკვირვებიხართ ადამიანები მარტო განსადელის დროს ლოცულობენ (მედიტირებენ) და ძირითადად განსაცდელის სახით უბრუნდებათ ნებისმიერი სურვილის ასრულება. გაიხსენით სამყაროს მიმართ, იყავით გულწრფელები და ლაღები და შეიძლება სასწაულების დაიჯეროთ ისეთები მოხდება.

პირველ ეტაპზე კარგი იქნება ამ ტექნიკის დაწყება საკუთარი თავის მიმართ.

– უპირობო სიყვარულით მიყვარს საკუთარი თავი, იმიტომ რომ (აქ შეგიძლიათ ჩამოთვალოთ რატომ?)

– ბოდიშს გიხდი სამყაროს არასწორად აღქმისთვის და პასუხისმგებლობისგან თავის არიდებისთვის (აქაც განავრცეთ რას აბრალაბდებით სხვებს საკუთარი თავის ნაცვლად) და ახლა უბრალოდ აღარ მინდა ამის კეთება.

– ვნანობ რომ ეს ყველაფერი დავუშვი ჩემი ქმედებით ან/და უმოქმედობით და ზიანი მივაყენე საკუთარ თავს და საკუთარ ცხოვრებას.

– მადლობა ჩემს „მეს“ რომ მზად არის გაცნობიერებისთვის და პასუხისმგებლობის აღებისთვის, მზად არის ცვლილებებისთვი. მე ვამაყობ საკუთარი თავით!

დაახლოებით ასეთი ფორმულირება შეგიძლიათ მოარგოთ სხვა ადამიანს, სიტუაციას, მოვლენას, ავადმყოფობას, პრობლემას სამსაურში და ძირითადად ამ ტექნიკას აკეთებთ ისეთ თემებზე რომელიც არ მოგწონთ და რომელიც დისკოფორტს გიქმნით.

ზოგიერთ ვარიანტში მხოლოდ მიყვარხარ და მადლობა გამოიყენება, ითვლება რომ საყაროს მხოლოდ მადლიერება და სიყვარული ჭირდება ჩვენსგან.

მე პირადად წლებია მოდიფიცირებული მაქვს, არ მახსოვს საიდან დავიწყე ან სად წავიკითხე პირველად, მაგრამ მუშაობს:

  • მიყვარხარ
  • მაპატიე ყველაფერი რაც კი ოდესმე დაგიშავე ან გაწყენინე
  • მადლობა რომ ჩემთან ხარ
  • განთავისუფლებ ჩემი მიჯაჭვულობებისგან.

ამას წინათ მეგობარმა საუბრის დროს ახსენა ეს ტექნიკა და ძალიან მეცნო შინაარსობრივად, სულ რამდენიმე დღეა რაც კლასიკური ვარიანტის დატესტვა დავიწყე, ვნახოთ ვნახოთ

წარმატებებს გისურვებთ საკუთარი სამყაროს შექმნაში

მოამზადა: Nina Runes
“ეზოთერული სახელოსნო”